Wednesday, September 28, 2022

எண்ணம் போல் வாழ்க்கை..!

புதிய பாதை: புது ரூட்டுப் போட்டுக்கொடுத்த படம்; தீயவனை ஹீரோவாக்கியும் வெற்றி பெற்ற பார்த்திபன்! | Revisiting Parthiban’s iconic debut movie Pudhea Paadhai and its achievements


பார்த்திபனின் ‘புதிய பாதைக்கான’ ரூட் எப்படி அமைந்தது?

திரைப்படத்துறைக்குச் சம்பந்தமேயில்லாத சாதாரண மிடில் கிளாஸ் குடும்பம்தான் பார்த்திபனுடையது. பார்த்திபனின் உறவினர் ஒரு சினிமா கம்பெனியில் டிரைவராகப் பணியாற்றினார். அதன் மூலம் படப்பிடிப்புகளை வேடிக்கை பார்க்கும் வாய்ப்பு சிறுவன் பார்த்திபனுக்குக் கிடைத்தது. நடிகர்களுக்குக் கிடைக்கும் வரவேற்பைக் கண்டு தானும் ஒரு நடிகனாகி விடும் ஆசை இளம் வயதிலேயே துளிர்த்துவிட்டது. பள்ளிப் படிப்பை முடித்த பிறகு நடிகர் ராமதாஸ் நடத்திய நாடகக்குழுவில் இணைந்து சில மேடை நாடகங்களில் நடித்தார். ஆனால் அது சினிமாவிற்கான வாய்ப்பைத் தரவில்லை. ஆனால் வசன உச்சரிப்பில் பலமான அஸ்திவாரத்தைத் தந்தது. பிறகு பானுச்சந்தர் உள்ளிட்ட நடிகர்களுக்கு டப்பிங் ஆர்ட்டிஸ்டாகவும் பணியாற்றினார், பார்த்திபன். என்றாலும் நடிகனாகும் ஆசை உள்ளுக்குள் கனன்று கொண்டே இருந்தது.

கே.பாக்யராஜ்

கே.பாக்யராஜ்

முதல் படத்திலேயே குருநாதர் பாக்யராஜின் நன்மதிப்பைப் பெற்றார் பார்த்திபன். நடிப்பதை விடவும் நடிகர்களிடம் வேலை வாங்கும் மதிப்பான ‘டைரக்ஷன் வேலை’யின் மீது பார்த்திபனின் ஆவல் அதிகமானது. ஒரு திரைப்படம் பணியாற்றி முடிந்த நிலையிலேயே பார்த்திபனுக்கு டைரக்ஷன் வாய்ப்பு சட்டென்று கிடைத்தது. ஆம், பாக்யராஜின் தயாரிப்பில் பார்த்திபன் திரைப்படம் இயக்கும் வாய்ப்பை ஒரு படத்தைக் கடந்தவுடனேயே பெற்று விட்டார். எனில் எந்த அளவிற்கு தன் திறமையின் மூலம் பாக்யராஜை பார்த்திபன் கவர்ந்திருப்பார் என்பதை நாம் யூகிக்கலாம்.

பத்திரிகையில் முழுப்பக்க விளம்பரம் வந்து படப் பூஜையும் தடபுடலாக நடந்தது. ஆனால் படப்பிடிப்பு துவங்கும் சமயத்தில் பார்த்திபனின் அத்தியாவசியமான தேவைகள் தயாரிப்பு நிர்வாகத்தால் மறுக்கப்பட்டன. ‘புது இயக்குநர்தானே?’ என்கிற அலட்சியத்தை பாக்யராஜை சுற்றியிருந்த நபர்கள் காட்டினார்கள். தனது குருநாதரிடம் சென்று புகார் சொல்லவும் இயலாத சூழல். இதனால் மனம் நொந்துபோன பார்த்திபன், ஒரு விலகல் கடிதத்தை எழுதி வைத்துவிட்டுச் சென்று விட்டார். பிறகு பார்த்திபனை அழைத்து வரச் சொன்ன பாக்யராஜ் மீண்டும் உதவியாளராகச் சேர்த்துக் கொண்டார். சில படங்கள் முடிந்த பிறகு, பாக்யராஜின் பட்டறையில் நன்கு தயாரான பார்த்திபன், அங்கிருந்து வெளியேறி முதல் திரைப்படத்திற்கான வாய்ப்பைத் தேடத் தொடங்கினார். அதுதான் ‘புதிய பாதை’.

புதிய பாதை

புதிய பாதை

ஒரு தயாரிப்பாளரின் வழியாக ‘கேள்விக்குறி’ என்கிற தலைப்புடன் இந்தப் படம் தொடங்கப்பட்டது. ஆனால் என்ன காரணத்தினாலோ மூன்றே நாள்களில் படப்பிடிப்பு நின்று விட்டது. பிறகு இந்தத் திரைப்படத்தைத் தயாரிக்க முன்வந்தவர் தயாரிப்பாளர் சுந்தரம். இந்தக் கதையின் மீதும் பார்த்திபன் மீதும் அவருக்கு அப்படியொரு நம்பிக்கை. ‘தான் ஹீரோவாக நடிப்பதால்தான் இந்தப் படம் பிரச்சினைக்கு உள்ளாகிறதோ?’ என்று நினைத்தார் பார்த்திபன். எனவே அர்ஜுன், சத்யராஜ் போன்ற ஹீரோக்களிடம் இந்தக் கதையைச் சொல்லலாம் என்று உத்தேசித்தார். ஆனால் ‘பார்த்திபன் நடித்தால்தான் இந்தப் படத்தைத் தயாரிப்பேன்’ என்று உறுதியாகக் கூறினார் தயாரிப்பாளர். அவரது உறுதியான தீர்மானம் எத்தனை சிறந்த யூகம் என்பதைக் காலம் மெய்ப்பித்தது. ‘புதிய பாதை’ வெளியாகி அதன் சிறந்த திரைக்கதை, இயக்கத்திற்காகவே சூப்பர் ஹிட் அந்தஸ்தை அடைந்தது. அந்தக் கதாபாத்திரத்தில் பார்த்திபனை விட்டால் வேறு எவரையும் யோசிக்கவே முடியவில்லை.

Today's Feeds

Want to submit Guest Post ?

Submit your guest / Sponsored Post on below form 👇🏻👇🏻

LEAVE A REPLY

Please enter your comment!
Please enter your name here

Continue reading