மான்செஸ்டர் சிட்டிக்கு ஒருவர், இருவர் என்றில்லாமல் பல வீரர்கள் கோலடித்துக்கொண்டே இருக்கின்றனர். கெவின் டி புருய்னா, ரியாட் மாரஸ் ஆகியோர் 11 கோல்கள் அடித்து அந்த அணியின் டாப் ஸ்கோரர்களாகத் திகழ்கின்றனர். ரஹீம் ஸ்டெர்லிங் (10 கோல்கள்), பெர்னார்டோ சில்வா, ஃபில் ஃபோடன், கேப்ரியல் ஜீசுஸ் (தலா 8 கோல்கள்), இல்கே குண்டோகன் (6 கோல்கள்) என பல வீரர்கள் ஸ்கோர் ஷீட்டில் அடிக்கடி தங்கள் பெயரைப் பதியவைக்கின்றனர். அசிஸ்ட்களில் அதிகபட்சமாக ஜீசுஸ் 8 அசிஸ்ட்கள் செய்திருக்கிறார். லிவர்பூல் போல் நிரந்தரமான ஃபார்வேர்ட் லைனை களமிறக்காமல், கார்டியோலா தொடர்ந்து ரொடேட் செய்வதால், பல வீரர்கள் கோலடித்திருக்கிறார்கள்.
மீதமிருக்கும் நான்கு போட்டிகளில் நியூகாசில் யுனைடெட், வோல்வர்ஹாம்ப்டன் வாண்டரர்ஸ், வெஸ்ட் ஹாம் யுனைடெட், ஆஸ்டன் விலா ஆகிய அணிகளோடு மான்செஸ்டர் சிட்டி மோதவிருக்கிறது. அதில் இரண்டு போட்டிகளில் அவே மைதானத்தில் விளையாடவேண்டியது. லிவர்பூல் அணியோ டாட்டன்ஹாம் ஹாட்ஸ்பர், ஆஸ்டன் விலா, சௌதாம்ப்டன், வோல்வர்ஹாம்ப்டன் வாண்டரர்ஸ் அணிகளோடு மோதவேண்டியிருக்கிறது. இந்த அணிக்கும் 2 அவே ஆட்டங்கள் இருக்கின்றன. சிட்டிக்கு வெஸ்ட் ஹாம் போட்டியும், லிவர்பூலுக்கு ஸ்பர்ஸ் அணியுடனான போட்டியும் கடினமாக இருக்கலாம்.
இந்தப் போட்டிகள் இந்த சீசனின் பட்டத்தை முடிவு செய்யலாம்.
Source link
sports.vikatan.com
லோகு