தமிழ் திரையுலகின் நடிகை ஒருவர் அஜித்க்கே சவால் விடும் வகையில் அசத்தலாக பைக் ஓட்டிய வீடியோ தற்போது சமூக வலைதளங்களில் வைரலாகி வருகிறது.

‘கசடதபற’ என்ற திரைப்படத்தின் மூலம் தமிழில் அறிமுகமானவர் நடிகை ராய் லட்சுமி. அதன்பின் ஜெயம் ரவி நடித்த ’தாம் தூம்’, ராகவா லாரன்ஸ் நடித்த ’காஞ்சனா’ உள்பட பல திரைப்படங்களில் நடித்துள்ளார். மேலும் மலையாளம் கன்னடம் தெலுங்கு ஆகிய மொழிகளிலும் இவர் நடித்து உள்ளார் என்பதும், கடந்த 2017 ஆம் ஆண்டு பாலிவுட்டில் இவர் நடித்த ’ஜூலி 2’ திரைப்படம் மிகப்பெரிய அளவில் பரபரப்பாக பேசப்பட்டது என்பது குறிப்பிடத்தக்கது.

இந்த நிலையில் சமூகவலைதளங்களில் ஆக்டிவ்வாக இருக்கும் ராய் லட்சுமி, சமீபத்தில் பைக் ரைட் செய்யும் வீடியோ ஒன்றை வெளியிட்டுள்ளார். கருப்பு உடையில் ஸ்டைலாக பைக் ரைட் செய்யும் ஸ்லோ மோஷன் காட்சியின் வீடியோவை பார்த்த ரசிகர்கள் பலர் அஜித்க்கே சவால் விடும் வகையில் உள்ளது என்று கமெண்ட்ஸ்களை பதிவு செய்து வருகின்றனர். இந்த வீடியோ தற்போது வைரல் ஆகி வருகிறது.

நடிகை ராய்லட்சுமி தற்போது ’மிருகா’, ‘சின்ட்ரெல்லா;, ‘ஆனந்த பைரவி’ ‘ஜான்சி ஐபிஎஸ்’ ‘கேங்ஸ்டர்’ போன்ற படங்களில் நடித்து வருகிறார்.