ఐకాన్ స్టార్ అల్లు అర్జున్ కెరీర్ గ్రాఫ్ పుష్ప ది రైజ్ సినిమా త‌ర్వాత నెక్ట్స్ రేంజ్‌కు చేరుకుంది. తొలి సినిమా గంగోత్రిని విడిచి పెట్టి ఆర్యతో బ్లాక్ బ‌స్ట‌ర్ కొట్టిన అల్లు అర్జున్‌.. త‌ర్వాత వైవిధ్యమైన సినిమాలు చేసుకుంటూ వ‌స్తున్నారు. యాక్టింగ్‌తో పాటు డాన్నింగ్‌లో త‌న‌దైన గ్రేస్ చూపిస్తూ వ‌చ్చిన బ‌న్నీ పుష్ప సినిమా ముందు వ‌ర‌కు ద‌క్షిణాది ముఖ్యంగా తెలుగు, మ‌ల‌యాళంలో త‌న మార్కెట్‌ను విస్తృతంగా పెంచుకున్నారు. అయితే పుష్ప ది రైజ్ ఆయ‌న్ని ఇప్పుడు పాన్ ఇండియా స్టార్‌గా నిల‌బెట్టింది. ఈ ఏడాది విడుద‌లైన చిత్రాల‌న్నింటిలో బాలీవుడ్ చిత్రాల‌కు సైతం ధీటుగా ఈ సినిమా వ‌సూళ్ల‌ను రాబ‌ట్టి రూ.300 కోట్ల గ్రాస్‌ను తెచ్చుకుంది. ముఖ్యంగా బాలీవుడ్‌లో అయితే రూ.75 కోట్లు క‌లెక్ష‌న్స్ రావ‌డం అక్క‌డ ట్రేడ్ వ‌ర్గాల‌ను ఆశ్చ‌ర్య‌ప‌రుస్తున్నాయి.

ఇప్పుడు అల్లు అర్జున్ త‌న నెక్ట్స్ మూవీ పుష్ప సెకండ్ పార్ట్ పుష్ప ది రూల్‌పై ఫోక‌స్ పెట్ట‌బోతున్నారు. ఫిబ్ర‌వ‌రి లేదా మార్చి నుంచి ఈ సినిమా షూటింగ్ సెట్స్ పైకి వెళ్ల‌నుంది. దీని త‌ర్వాత బ‌న్నీ ఏ సినిమా చేస్తాడ‌నే దానిపై ప‌లు ర‌కాలైన వార్త‌లు వినిపిస్తున్నాయి. బ‌న్నీ, బోయ‌పాటి శ్రీను కాంబినేషన్‌లో ఓ సినిమా తెర‌కెక్క‌నుందంటూ టాక్ బ‌లంగా వినిపిస్తోంది. అయితే లేటెస్ట్ స‌మాచారం మేర‌కు మ‌రో వార్త సినీ వ‌ర్గాల్లో బాగా హ‌ల్ చ‌ల్ చేస్తోంది. ఇంత‌కీ ఏంటా? వార్త‌నేగా.. ఓ ప్ర‌ముఖ ద‌క్షిణాది నిర్మాణ సంస్థ అల్లు అర్జున్‌తో పాన్ ఇండియా సినిమా చేయ‌డానికి సిద్ధ‌మైంద‌ట‌. దీని కోసం ఆయ‌న‌కు భారీ రెమ్యున‌రేష‌న్‌ను కూడా ఆఫ‌ర్ చేసిందని టాక్‌.

ఇంత‌కీ బ‌న్నీతో భారీ బ‌డ్జెట్ పాన్ ఇండియా మూవీ ప్లాన్ చేస్తున్న సంస్థ ఏదో తెలుసా? ద‌క్షిణాదిలో భారీ చిత్రాల‌ను రూపొందించ‌డానికి ఆస‌క్తి చూపించే ప్రొడ‌క్ష‌న్ హౌస్ లైకా ప్రొడ‌క్ష‌న్స్‌. విజ‌య్‌, అజిత్‌, ర‌జినీకాంత్ వంటి స్టార్స్‌తో సినిమాలు చేసిన లైకా ఇప్పుడు క‌మ‌ల్ హాస‌న్‌, శంక‌ర్ కాంబోలో ఇండియ‌న్ 2 మూవీ చేస్తున్న సంగ‌తి విదిత‌మే. ఇన్నాళ్లు ఆగిన ఈ సినిమా మ‌రికొన్ని రోజుల్లో స్టార్ట్ అవుతుందని స‌మాచారం. ఈ బ‌డా సంస్థ క‌న్ను బ‌న్నీపై ప‌డింది. ఓ స్టార్ డైరెక్ట‌ర్‌తో భారీ సినిమాను ప్లాన్ చేస్తుంది. అందుకోసం ఏకంగా బ‌న్నీకి రూ.75 కోట్లు రెమ్యున‌రేష‌న్ ఇచ్చింద‌ని వార్త‌లు వినిపిస్తున్నాయి.

ప్ర‌స్తుతం టాలీవుడ్‌లో ఎక్కువ రెమ్యున‌రేష‌న్ తీసుకుంటున్న హీరోల్లో ప్ర‌భాస్ ముందు వ‌రుస‌లో ఉన్నారు. ఆయ‌న ఇప్పుడు చేస్తున్న పాన్ ఇండియా సినిమాల‌కు రూ.100 కోట్ల‌కు పైగానే రెమ్యున‌రేష‌న్ అందుకుంటున్నారు. ప్ర‌భాస్ త‌ర్వాత ప‌వ‌న్ క‌ళ్యాణ్, మ‌హేష్‌, ఎన్టీఆర్‌, చ‌ర‌ణ్, త‌ర్వాత‌ బ‌న్నీ ఉండేవారు. ఇప్పుడు లైకా డీల్ నిజ‌మైతే మాత్రం ప్ర‌భాస్ త‌ర్వాత ప్లేస్ బ‌న్నీదే అవుతుంది. మ‌రి సోష‌ల్ మీడియాలో హ‌ల్ చేస్తున్న వార్త‌ల‌పై బ‌న్నీ టీమ్ ఎలా రియాక్ట్ అవుతుందో చూడాలి.