బిగ్ బాస్ హౌస్ నుంచి యాంకర్ రవి ఎలిమినేట్ కావడంతో ఒక్కసారిగా అంతా షాకైపోయారు. బిగ్ బాస్ సీజన్ 5లో అప్పటిదాకా బాగా ఆడుతున్నాడనుకున్న రవి.. ఊహించని విధంగా పన్నెండో వారంలో హౌస్ నుంచి బయటకు వచ్చేశాడు. అయితే ఆయన ఎలా ఎలిమినేట్ అయ్యాడనే విషయం మాత్రం ఎవ్వరికీ అంతు పట్టడం లేదు. తక్కువ ఓట్లు వచ్చాయని నాగార్జున చెప్పినా అది నిజమని జనం నమ్మడం లేదు.

యాంకర్ రవి ఎలిమినేషన్ తట్టుకోలేకపోయిన ఆయన ఫ్యాన్స్.. బిగ్ బాస్‌లో రవికి అన్యాయం జరిగిందంటూ ఆందోళనకు దిగారు. గత రాత్రి హైదరాబాద్ అన్నపూర్ణ స్టూడియోస్ ఎదుట రచ్చ చేశారు. ప్లకార్డులతో నిరసన తెలుపుతూ ఎవరెవరికి ఎన్ని ఓట్లు పడ్డాయో చెప్పాలని డిమాండ్ చేశారు. రవి లేకుంటే అసలు బిగ్ బాస్ ఎందుకు? అంటూ మళ్లీ వైల్డ్ కార్డ్ ఎంట్రీగా రవిని బిగ్ బాస్ హౌస్ లోకి తీసుకోవాలని ఆందోళన చేపట్టారు.

రవి కంటే తక్కువ ఓట్లు వచ్చినా కొందరిని హౌస్ లోనే కొనసాగిస్తున్నారని, ఓటింగ్ పరంగా చూస్తే మూడో స్థానంలో ఉన్న రవిని ఎలా ఎలిమినేట్ చేస్తారని ప్రశ్నిస్తున్నారు ఆయన ఫ్యాన్స్. రవికి కావాలనే అన్యాయం చేశారనే అనుమానాలు వ్యక్తం చేస్తూ నినాదాలు చేశారు. ఇంకొందరైతే ప్రాంతీయ భావాన్ని తెరపైకి తెచ్చి.. తెలంగాణ ప్రాంతానికి చెందిన వ్యక్తి కావడం వల్లనే రవికి అన్యాయం చేశారని, అందుకే ఎలిమినేట్ చేశారని ఆరోపించడం పలు చర్చలకు తావిచ్చింది.
శివ శంకర్‌ మాస్టర్‌ జాతకం అలాంటిది! ఇంట్లో అందరూ ఒకటే తిట్లు.. ఆయన జర్నీలో ఆసక్తికర విషయాలు
ఇక బిగ్ బాస్ హౌస్ నుంచి బయటకొచ్చిన రవి.. తన ఎలిమినేషన్‌పై రియాక్ట్ అయ్యారు. తాను ఎలిమినేషన్ అవుతానని ఊహించలేదని, ఎలిమినేషన్‌ అయిన సమయంలో చాలా బాధగా అనిపించిందని, అయితే ఇక్కడ మీ అందరి అభిమానం చూశాక గెలుపు తకదే అని అనుకుంటున్నానని అన్నారు. బిగ్ బాస్ విన్నర్ వాళ్లెవరో చేయడం కాదు మీరు చేశారు అంటూ షాకింగ్ కామెంట్స్ చేశారు రవి. నేను బాగా ఆడానని, తప్పు తీర్పు వచ్చిందని జనం నమ్ముతుండటం పట్ల గర్వంగా ఉందని అన్నారు. తన ఎలిమినేషన్‌పై పూర్తి అనాలిసిస్ చేస్తానని తెలిపారు యాంకర్ రవి.