నందమూరి బాలకృష్ణ ఆహా షో కోసం చేస్తోన్న అన్ స్టాపబుల్ షో గురించి అందరికీ తెలిసిందే. మొదటి ఎపిసోడ్ అంటూ మోహన్ బాబును తీసుకొచ్చారు. మంచు వారి మందు ముచ్చట్లు బాగానే వైరల్ అయ్యాయి. ఇక రెండో ఎపిసోడ్‌లో నానిని తీసుకొచ్చారు. అయితే బాలయ్య భుజానికి గాయమవ్వడంతో ఈ షోకు బ్రేక్ పడింది. గత రెండు మూడు వారాలుగా షోను నడిపించడం లేదు. అలా మూలన పడేశారు. అయితే తాజాగా మూడో ఎపిసోడ్‌కు సంబంధించిన ప్రోమో వచ్చింది.

ఈ మూడో ఎపిసోడ్‌లో బ్రహ్మానందం, అనిల్ రావిపూడి గెస్టులుగా వచ్చారు. అయితే ఇందులో బాలయ్య కాస్త అసహానికి గురైనట్టు కనిపిస్తోంది. ప్రోమోను కాస్త కాంట్రవర్సీగా కట్ చేసినట్టున్నారు. అసలు విషయం మాత్రం ఇదే అయి ఉంటుంది. అనిల్ రావిపూడి ఇన్ని సినిమాలు తీశాడు. అన్నీ కూడా బ్లాక్ బస్టర్ హిట్ అయ్యాయి. కానీ ఏ ఒక్క చిత్రంలోనూ బ్రహ్మానందంకు పాత్రను ఇవ్వలేదు.

ఇదే విషయంపై అనిల్ రావిపూడిని బ్రహ్మానందం అడిగినట్టు కనిపిస్తోంది. దీంతో బాలయ్య అదుపుతప్పినట్టున్నాడు. ఆయన డైరెక్టర్.. ఆయన ఇష్టం.. స్క్రిప్ట్‌లో పాత్ర ఉంటే ఇస్తాడు కదా? అని బ్రహ్మానందం మీద అరిచేశాడు. బ్రహ్మానందం హర్ట్ అవ్వడం, అనిల్ రావిపూడి కాస్త సర్ది చెబుతున్నట్టు కనిపించింది. కానీ ఇదంతా ప్రోమోలోనే ఉంటుందని, ఎపిసోడ్‌లో అంత సీరియస్ ఉండదని అర్థమవుతూనే ఉంది.

మొత్తానికి ప్రోమోను మాత్రం కాంట్రవర్సీ చేసి ఎపిసోడ్ మీద ఇంట్రెస్ట్ కలిగేలా చేసేశారు. బ్రహ్మానందం ఇప్పుడు బ్యాక్ టు బ్యాక్ ఇంటర్వ్యూలతో బిజీగా ఉన్నట్టున్నాడు. ఆలీతో సరదాగా షోలో సందడి చేసిన బ్రహ్మానందం ఇప్పుడు అన్ స్టాపబుల్ షోతో రచ్చ చేయబోతోన్నాడు.