‘ஜகமே தந்திரம்’ படத்தை தொடர்ந்து தற்போது கார்த்திக் நரேன் இயக்கத்தில் ‘மாறன்’ படத்தில் நடித்து முடித்துள்ளார் தனுஷ். அதனை தற்போது மித்ரன் ஜவஹர் இயக்கத்தில் புதிய படம் ஒன்றில் நடிக்கிறார். சன் பிக்சர்ஸ் தயாரிக்கும் இந்த படத்தின் படப்பிடிப்பு அண்மையில் பூஜையுடன் துவங்கியது. இந்நிலையில் தனுஷின் அடுத்தப்படம் ரிலீஸ் குறித்த அதிகாரப்பூர்வ அறிவிப்பு வெளியாகியுள்ளது.

நடிகர் தனுஷ், மாளவிகா மோகனன் இருவரின் நடிப்பில் உருவாகியுள்ள படம் மாறன். கார்த்திக் நரேன் இயக்கியுள்ள இந்த படத்தினை ச த்யஜோதி பிலிம்ஸ் தயாரிக்கிறது. இந்த படத்தின் படப்பிடிப்பு அண்மையில் முழுவதுமாக நிறைவடைந்துள்ளது. இதனை தொடர்ந்து தற்போது ‘மாறன்’ படத்தின் போஸ்ட் புரோடேக்ஷன் பணிகள் தீவிரமாக நடைபெற்று வருகிறது.

‘மாறன்’ படத்தை தொடர்ந்து மித்ரன் ஜவஹர் இயக்கத்தில் திருச்சிற்றம்பலம் படத்தில் நடிக்கிறார் தனுஷ். ஏற்கனவே, மித்ரன் இயக்கத்தில் யாரடி நீ மோகினி, குட்டி, உத்தமபுத்திரன் உள்ளிட்டப் படங்களில் தனுஷ் நடித்துள்ளார். சன் பிக்சர்ஸ் தயாரிக்கும் இந்தப்படத்தில் தனுஷ் ஜோடியாக ப்ரியா பவானி சங்கர், ராஷி கண்ணா, நித்யா மேனன் உள்ளிட்டோர் நடிக்கவுள்ளனர். நீண்ட இடைவேளைக்கு பின் தனுஷ், அனிருத் கூட்டணி இந்த படத்தில் இணைந்து பணிபுரிய உள்ளது குறிப்பிடத்தக்கது.
‘ஜெய் பீம்’ சர்ச்சை: நடிகர் சூர்யா மற்றும் இயக்குனர் ஞானவேல் மீது பரபரப்பு வழக்கு!
தனுஷ் பாலிவுட் இயக்குனர் ஆனந்த்.எல்.ராய் இயக்கத்தில் கடந்த 2013 ஆம் ஆண்டு வெளியான ‘ராஞ்சனா’ படத்தின் மூலம் முதன் முதலில் இந்தியில் அறிமுகமானார். அதற்கடுத்ததாக, அமிதாப் பச்சன், அக்‌ஷரா ஹாசன் நடிப்பில் பால்கி இயக்கத்தில் வெளியான ‘ஷமிதாப்’ படத்தில் வாய்பேச இயலாத கலைஞனாக அசத்தினார்.

இந்நிலையில் தற்போது, மீண்டும் ஆனந்த்.எல்.ராய் இயக்கத்தில் ’அத்ரங்கி ரே’ படத்தில் அக்‌ஷய் குமார், சாரா அலிகானுடன் இணைந்து தனுஷ் நடித்துள்ளார். இப்படத்தின், படப்பிடிப்புகள் நிறைவடைந்து தற்போது வெளியீட்டிற்கு தயாராகி வருகிறது. இந்நிலையில், ‘அத்ரங்கி ரே’ நேரடியாக படம் டிஸ்னி + ஹாட் ஸ்டாரில் டிசம்பர் 24 கிறிஸ்மஸுக்கு முதல்நாள் வெளியாகிறது. இந்தப்படம் தமிழிலும் வெளியாக உள்ளது. தனுஷின் முந்தைய படமான ஜகமே தந்திரமும் நெட்பிளிக்ஸ் ஓடிடி தளத்தில் வெளியானது குறிப்பிடத்தக்கது.