diabetes warning signs: షుగర్ వచ్చే ముందు మనకి కనిపించే లక్షణాలివే.. – warning signs that appear on your skin know here all details in telugu

0
25
diabetes warning signs: షుగర్ వచ్చే ముందు మనకి కనిపించే లక్షణాలివే.. – warning signs that appear on your skin know here all details in telugu


ప్రధానాంశాలు:

  • షుగర్ వ్యాధి సమయంలో ఎన్నో చర్మ సమస్యలు
  • కొన్ని జాగ్రత్తలు పాటించాలంటున్న నిపుణులు

చాలా మంది డయాబెటిస్‌తో బాధపడే వాళ్లు మరియు డయాబెటిస్ రాక ముందు కొన్ని రకాల చర్మ సమస్యలతో బాధపడుతూ ఉంటారు. జీవితంలో ఏదో ఒక పాయింట్‌లో ఇటువంటి సమస్యలు వస్తాయని డెర్మటాలజిస్ట్ చెబుతున్నారు. అయితే ఇలా చర్మం పై వచ్చే మార్పుని బట్టి మనం డయాబెటిస్ వస్తుంది అని చెప్పొచ్చు. అదే ఒకవేళ కనుక మీరు డయాబెటిస్‌తో బాధ పడుతుంటే మీ యొక్క మందులను ఎడ్జెస్ట్ చేయాలని సూచిస్తుంది అని డాక్టర్ అన్నారు.
telugu samayamమీ జీవితం నుంచి వెళ్ళిన వాళ్ళు ఇలా చేస్తే.. తిరిగి వచ్చేందుకు సిద్ధమైనట్లే..
అయితే దీనికి సంబంధించి పూర్తి వివరాలు ఇక్కడ డెర్మటాలజిస్ట్ మనతో షేర్ చేసుకోవడం జరిగింది. మరి ఆలస్యం ఎందుకు వాటి కోసం మనం ఇప్పుడు తెలుసుకుందాం.

డయాబెటిస్ పేషెంట్స్‌కి ఎలాంటి సమస్యలు వస్తాయి..?

ప్రపంచంలో 75 శాతం మంది టైప్ 2 డయాబెటిస్‌కి సంబంధించి చర్మసమస్యలతో బాధపడతారు. డయాబెటిస్ వల్ల కొత్త చర్మ సమస్యలు వస్తాయి. ఇవి చాలా విపరీతంగా కూడా మారిపోతాయి. డయాబెటిస్ వల్ల బ్లడ్ సర్కులేషన్ సరిగా అవ్వకుండా చేస్తుంది. దీంతో బ్లడ్ వెసెల్స్ మరియు నరాలకి సరైన బ్లడ్ మరియు పోషక పదార్ధాలు అందవు.

దీని కారణంగా తెల్ల రక్తకణాలు ఇన్ఫెక్షన్స్‌తో పోరాడలేవు. బ్లడ్ సర్క్యులేషన్ తగ్గిపోవడం వల్ల చర్మ సమస్యలు వస్తాయి. టెంపరేచర్ వల్ల సెన్సిటివిటీ కలగడం లాంటివి జరుగుతాయి.

iStock-1044939258

చర్మంలో ఎటువంటి మార్పులు వస్తాయి…?

ఇక మనం చర్మంలో ఎలాంటి మార్పులు కలుగుతాయి అనేది చూస్తే.. డయాబెటిస్ కారణంగా చర్మంలో కొన్ని సమస్యలు వస్తాయని డెర్మటాలజిస్ట్ చెప్పడం జరిగింది. బాడీ లో జరిగే చిన్న చిన్న మార్పులు వల్ల ఇటువంటి చర్మసమస్యలు డయాబెటిస్‌తో బాధపడే వాళ్ళకి వస్తాయని డాక్టర్లు చెబుతున్నారు.
telugu samayamఇక్కడ గుర్రాల పేయింటింగ్స్ పెడితే మీకు డబ్బు సమస్య ఉండదట..
డ్రై స్కిన్, ఇరిటేషన్, ఎరుపెక్కడం మరియు దురదలు:

బ్లడ్ షుగర్ లెవెల్స్ పెరిగిపోవడం వల్ల కొన్ని సమస్యలు వస్తాయని డాక్టర్లు చెబుతున్నారు. చర్మం డ్రైగా అయిపోవడం మరియు పగిలిపోవడం లాంటివి మనం చూడొచ్చు అని చెప్తున్నారు. నర్వ్ ఎండింగ్స్ డామేజ్ కారణంగా కూడా చర్మం పొడిబారి పోతుందని, పగిలిపోతుంది అని అంటున్నారు.

ముఖ్యంగా కాళ్ళు మరియు పాదాలకి ఈ డ్రై స్కిన్ కారణంగా దురదలు వస్తాయని చెబుతున్నారు అలానే మంట, ఎరుపెక్కడం, ఇరిటేషన్ లాంటి సమస్యలు కూడా దీని వల్ల కలుగుతాయని డాక్టర్లు చెబుతున్నారు.

ఫంగల్ ఇన్ఫెక్షన్స్:

డయాబెటిస్‌తో బాధపడే వాళ్లలో ఫంగల్ ఇన్ఫెక్షన్స్ కూడా మనం చూడొచ్చు. చర్మం ఎర్రగా ఉండడం, దురదలు కలగడం, దద్దుర్లు వంటివి ఉండటం చూడొచ్చు. చర్మం ఫ్రీగా లేని ప్రాంతంలో అయినా లేదు అంటే వేళ్ళ మధ్యలో మరియు మొదలైన ప్రాంతాల్లో మంట కలగడం దద్దుర్లు రావడం లాంటివి చూడొచ్చు.

బ్యాక్టీరియల్ ఇన్ఫెక్షన్స్:

చాలా మంది బ్యాక్టీరియల్ ఇన్ఫెక్షన్స్‌తో కూడా సతమతమవుతారు అని డాక్టర్లు అంటున్నారు. ఇటువంటివి గోళ్ళ దగ్గర ఎక్కువగా వస్తాయని డాక్టర్లు అంటున్నారు.

Necrobiosis Lipoidica

అలానే చర్మం పై పింపుల్స్ లాంటి వాటిని కూడా మనం చూడొచ్చు అని డాక్టర్లు చెబుతున్నారు. ఈ చిన్న చిన్న పింపుల్స్ ని అలా వదిలేస్తే పెద్దవై పోతాయి అని పసుపు కలర్‌లో మరియు ఎరుపు లేదా బ్రౌన్ కలర్ లోకి ఇది మారిపోతాయని అంటున్నారు.

Acanthosis nigricans

ఇది డయాబెటిస్ ముందు వస్తుంది. ఇక్కడ ఏమవుతుందంటే.. మెడ, చంక భాగాల్లో చర్మం నల్లగా అయిపోతుంది. అదే విధంగా మోచేతులు, చేతులు మరియు మోకాళ్ల మీద కూడా ఈ మార్పును గమనించవచ్చు.

Digital sclerosis

ఇది ఏమిటి అంటే దీని వలన చర్మం బాగా దళసరిగా అయిపోతుంది. వేళ్ళని కదపడానికి మరియు చేతుల్ని కదపడానికి ఇబ్బందిగా ఉంటుంది. అదే విధంగా వేళ్ళు రెండు దూరంగా ఉంచడానికి మోకాళ్లు మరియు మోచేతుల్లో సమస్యలు చూడొచ్చు.

Diabetic blisters

డయాబెటిక్ రోగులలో సడన్‌గా చర్మం పైన బ్లిస్టర్స్ లాంటివి మనం చూడొచ్చు. ముఖ్యంగా పాదాలు, కాళ్ళు ప్రదేశాలలో ఇవి ఉంటాయి.

డయాబెటిక్ అల్సర్స్:

హై బ్లడ్ గ్లూకోస్ లెవెల్స్ కారణంగా ఈ సమస్య వస్తుంది. ఇవి మానడం కూడా చాలా కష్టం. పాదాలుకి ఎక్కువగా దెబ్బలు వంటివి మనం గమనించవచ్చు. పైగా ఇవి మానడానికి ఎక్కువ సమయం తీసుకుంటాయి.

Diabetic dermopathy or shin spots

కాళ్ల మీద నొప్పి లేని చిన్న చిన్న మచ్చలు వస్తూ ఉంటాయి. ఈ మచ్చలు చాలా చిన్నగా ఉంటాయి. బ్లడ్ వెస్సెల్స్‌లో మార్పులు కలగడం వల్ల ఈ సమస్య వస్తుందని నిపుణులు అంటున్నారు.

ఐలిడ్స్ చుట్టూ ఎల్లో ప్యాచెస్:

డయాబెటిస్‌తో బాధ పడే వాళ్ళకి ఈ సమస్య కూడా వస్తుంది. ఎక్కువ ఫ్యాట్ లెవెల్స్ బ్లడ్‌లో ఉండడం వల్ల ఇటువంటి ప్యాచెస్ వస్తాయని నిపుణులు అంటున్నారు.
telugu samayamగ్రీన్ టీ తాగితే ఏమేం లాభాలంటే..
Atherosclerosis

బ్లడ్ వెస్సెల్స్ దళసరిగా అయిపోవడం వల్ల జుట్టు రాలిపోవడం, షైనింగ్ స్కిన్ కలగడం, కాళ్ల గోర్లు రంగు లేకపోవడం, గాయాలు నెమ్మదిగా మారడం లాంటి మార్పులు కనిపిస్తాయి. ఎక్కువగా కుటుంబంలో డయాబెటిస్ ఉంటే అప్పుడు సోరియాసిస్ ఇలాంటి లక్షణాలు గమనించవచ్చు.

డయాబెటిస్‌తో బాధపడే వాళ్లు జాగ్రత్తగా ఉండాలి. లేదంటే సమస్యలు మరింత తీవ్రంగా మారిపోతాయి. డాక్టర్లు చెప్పిన విధంగా అనుసరించడం, రెగ్యులర్‌గా చెకప్ చేయించుకోవడం, సరైన మెడికేషన్ ఉపయోగించడం లాంటివి చేస్తూ ఉండాలి. దానితో పాటుగా సరైన డైట్ తీసుకోవడం, రెగ్యులర్‌గా వ్యాయామం చేయడం లాంటివి చేస్తూ ఉండాలి. ఇలా ఆరోగ్యం పట్ల జాగ్రత్తగా ఉంటే డయాబెటిస్ ని కంట్రోల్‌లో ఉంచుకోవచ్చు. దీనితో చర్మ సమస్యలు కూడా తగ్గుతూ ఉంటాయి.

అదే విధంగా సరైన స్కిన్ కేర్ కూడా తీసుకుంటూ ఉండాలి. లేకపోతే చర్మ సమస్యలు మరింత ఇబ్బందిగా మారుతాయి.

iStock-1216786444

డయాబెటిస్‌తో బాధపడే వాళ్లకు మరి కొన్ని చిట్కాలు:

  • డయాబెటిస్ ఉన్న వాళ్ళు చర్మాన్ని ఎప్పుడూ శుభ్రంగా పొడిగా ఉంచుకోవాలి. ముఖ్యంగా చాతి, చంక, కాళ్ళ వేళ్ళు వంటి చోట్ల తప్పకుండా శుభ్రత పాటించాలి. వాటిని ఎప్పుడూ పొడిగా ఉంచుకోవడం మంచిది.
  • అదే విధంగా రెగ్యులర్ గా చెకప్ చేయించుకుంటూ ఉండాలి. దీనితో ఏమైనా సమస్యలు ఉంటే సాల్వ్ చేసుకోవచ్చు.
  • ఎక్కువ వేడి నీళ్ళు పోసుకోవడం తగ్గిస్తే మంచిదని డాక్టర్లు చెబుతున్నారు. అలానే రెగ్యులర్ గా మాయిశ్చరైజర్ ఉపయోగించండి. కనీసం రోజుకి రెండు సార్లు మాయిశ్చరైజర్ ని అప్లై చేసుకోండి.
  • అలాగే డయాబెటిస్‌తో బాధపడే వాళ్లు రెగ్యులర్‌గా లిప్ బామ్‌ని ఉపయోగించండి.
  • ఏమైనా చిన్న చిన్న గాయాలు అయితే వెంటనే తగ్గించుకోవడానికి ప్రయత్నం చేయండి. అదే విధంగా ఎక్కువ నీళ్లు తాగుతూ ఉండాలి. సాధారణంగా ప్రతి ఒక్కరూ ఎక్కువ నీళ్లు తాగుతూ ఉండాలి. రోజుకు ఎనిమిది నుండి పది గ్లాసుల నీళ్లు తాగాలి. అదే విధంగా డయాబెటిస్‌తో బాధపడే వాళ్లు కూడా ఎక్కువ నీళ్లు తాగుతూ ఉండాలని డాక్టర్లు సూచిస్తున్నారు.
  • చర్మంపై ఏమైనా కురుపులు లేదా దద్దుర్లు వస్తే వాటిని నొక్కేయద్దు.
  • ప్రతి రోజూ ఎస్పీఎఎఫ్ 40 సన్ స్క్రీన్ ని ఉపయోగించండి. దీని వల్ల చర్మానికి ప్రొటెక్షన్ ఉంటుంది.
  • చిన్న చిన్న దెబ్బలు ఏమైనా తగిలినా వాటికి వెంటనే చికిత్స చేయించుకోండి.
  • అలానే మీ డైట్ లో ఉసిరి, పెరుగు, లెమన్ గ్రాస్, అలోవెరా, బెర్రీస్ వంటివి తీసుకోండి.

డయాబెటిస్‌తో బాధపడే వాళ్ల కోసం కొన్ని ఇంటి చిట్కాలు:

పైన చెప్పిన విధంగా జాగ్రత్తలు తీసుకుంటూ ఈ ఇంటి చిట్కాలు కూడా పాటించడం మంచిదని నిపుణులు సూచిస్తున్నారు. మీరు కనుక ఈ చిట్కాలను పాటిస్తే చర్మ సమస్యల నుండి బయట పడవచ్చు.

వారానికి ఒకసారి లేదా రెండు సార్లు ఈ విధంగా ఫేస్ ప్యాక్ వేసుకోండి. రెండు టేబుల్ స్పూన్ల తేనెలో అర టీస్పూన్ పసుపు కలిపి ఈ మిశ్రమాన్ని ముఖానికి పట్టించి 15 నుండి 20 నిమిషాలు అలా ఉంచి ఆ తర్వాత శుభ్రంగా ముఖాన్ని కడుక్కోండి. తేనె చర్మానికి పట్టించడం వల్ల మంచి మాయిశ్చరైజర్ గా పని చేస్తుంది. అదే విధంగా పసుపు ఇన్ఫెక్షన్స్ నుంచి బయట పడేస్తుంది.

అలానే పెదవులకి నెయ్యి అప్లై చేసుకోండి. ఇలా అప్లై చేసుకోవడం వల్ల పెదవులు పొడిబారి పోకుండా పగిలిపోకుండా ఉంటాయి. అదే విధంగా చర్మాన్ని పొడిబారిపోకుండా ఉంచుకోవడం మంచిది. దీని కోసం మీరు ఓట్ మీల్ ఫేస్ కి అప్లై చేసుకోండి. దీని వలన దురదలు వంటి సమస్యలని కూడా ఇది దూరం చేస్తుంది.

ప్రతి రోజూ స్నానం చేసేటప్పుడు బకెట్లో బేకింగ్ సోడా వేసుకుని స్నానం చేయండి. దీనితో ఫంగల్ ఇన్ఫెక్షన్లు దూరమవుతాయి. టీ ట్రీ ఆయిల్ ని మీ మాయిశ్చరైజర్ తో కలిపి రాసుకోవడం వల్ల కూడా చక్కగా ప్రయోజనాలు పొందవచ్చు. లేదా మీరు కొబ్బరి నూనెను కూడా అప్లై చేయవచ్చు. టీ ట్రీ ఆయిల్ ని ఉపయోగించడం వల్ల మంటలు, దద్దుర్లు, ర్యాషెస్ వంటివి పోతాయి.

చూశారు కదా నిపుణులు చెప్పిన అద్భుతమైన చిట్కాలని. ఈ చిట్కాలను డయాబెటిస్‌తో బాధపడే వాళ్లు పాటిస్తే చక్కటి ప్రయోజనాలు పొందవచ్చు. అదే విధంగా రెగ్యులర్‌గా ఈ టిప్స్ ని పాటించడం వల్ల చిన్నచిన్న సమస్యలు తొలగిపోతాయి. అనారోగ్య సమస్యల రిస్క్ కూడా తగ్గుతుంది. మరి మీరు మరింత ఆరోగ్యంగా ఉండాలంటే తప్పకుండా ఈ టిప్స్‌ని పాటించండి పైగా చర్మ సమస్యలు కూడా వీటిని ఫాలో అవడం వలన దూరం అయిపోతాయి. దీంతో మీరు ఆరోగ్యంగా ఉండొచ్చు అలానే చర్మ సమస్యలు కూడా లేకుండా హాయిగా ఉండొచ్చు.

గమనిక:
ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

LEAVE A REPLY

Please enter your comment!
Please enter your name here