[ad_1]
டாக்டர்
நெல்சன் திலீப்குமார் இயக்கத்தில் சிவகார்த்திகேயன் நடித்த டாக்டர் படம் அக்டோபர் 9ம் தேதி தியேட்டர்களில் ரிலீஸானது. படம் ரிலீஸான அன்று தமிழகத்தில் மட்டும் ரூ. 7 கோடி வசூல் செய்தது. மூன்றே நாட்களில் உலக அளவில் ரூ. 25 கோடி வசூல் செய்தது. அமெரிக்காவில் டாக்டருக்கு அமோக வரவேற்பு கிடைத்திருக்கிறது.
அமெரிக்கா
கொரோனா வைரஸ் பிரச்சனையால் தியேட்டர்களில் 50 சதவீத இருக்கைகளை மட்டுமே பயன்படுத்த அனுமதி அளிக்கப்பட்டபோதிலும் டாக்டர் படம் வசூல் வேட்டை நடத்திக் கொண்டிருக்கிறது. இந்நிலையில் டாக்டர் படம் அமெரிக்காவில் 440,000 டாலர்களுக்கு மேல் வசூல் செய்துள்ளதாம். இது விஜய்யின் மாஸ்டர்(439,000 டாலர்கள்) பட வசூலை விட அதிகமாகும்.
சிவகார்த்திகேயன்
2021ம் ஆண்டு அமெரிக்காவில் இதுவரை வெளியான தமிழ் படங்களில் டாக்டர் தான் அதிகம் வசூல் செய்திருக்கிறது. இந்த சாதனையை ரஜினியின் அண்ணாத்த முறியடிக்கும் என்று எதிர்பார்க்கப்படுகிறது. சிறுத்தை சிவா இயக்கியிருக்கும் அண்ணாத்த படம் தீபாவளி பண்டிகை ஸ்பெஷலாக நவம்பர் மாதம் 4ம் தேதி ரிலீஸாகிறது.
பிரச்சனை
டாக்டர் படத்தை ரிலீஸ் செய்வதில் கடைசி நேரத்தில் நிதி பிரச்சனை ஏற்பட்டிருக்கிறது. இதையடுத்து இரவோடு இரவாக ரூ. 25 கோடி கடன் வாங்கி படம் ரிலீஸாவதற்கு ஒரு மணிநேரத்திற்கு முன்பு கொடுத்திருக்கிறார் சிவகார்த்திகேயன். அவர் டாக்டர் பட ரிலீஸுக்காக பட்ட கஷ்டம் எல்லாம் வீண் போகவில்லை என்று ரசிகர்கள் பெருமையாக கூறி வருகிறார்கள்.
[ad_2]
Source link