అధునిక జీవన శైలి కారణంగా ప్రపంచవ్యాప్తంగా చాలా మంది డయాబెటిస్‌తో బాధపడుతున్నారు. ప్రపంచ ఆరోగ్య సంస్థ (డబ్ల్యూహెచ్‌ఓ) అంచనాల ప్రకారం ప్రపంచంలో దాదాపు 422 మిలియన్ల మంది డయాబెటిస్‌‌‌ బారిన పడ్డారు. షుగర్‌ కారణంగా..ప్రతి సంవత్సరం 1.5 మిలియన్ల మంది మరణిస్తున్నారు. ఒక సారి షుగర్‌ వ్యాధి వస్తే.. జీవితాంతం మందులు వేసుకుంటూనే ఉండాలి. దీనికి శాశ్వత నివారణ లేదు. డయాబెటిస్‌ను కంట్రోల్‌లో ఉంచుకుంటే.. నార్మల్‌ లైఫ్‌ గడపవచ్చని నిపుణులు అంటున్నారు. షుగర్‌ పేషెంట్స్‌ పోషక ఆహారం, తేలిక పాటి వ్యాయామం చేయాలని వైద్యులు, నిపుణులు సిఫార్సు చేస్తున్నారు. ఇవి మధుమేహాన్ని నియంత్రించడంలో అత్యంత ప్రభావవంతంగా పనిచేస్తాయని నిపుణులు అంటున్నారు.

ప్యాంక్రియాస్ ఇన్సులిన్‌ అనే హార్మోన్‌ను తయారు చేయడం ఆపివేసినప్పుడు, తక్కువగా ఉత్పత్తి చేసినప్పుడు.. డయాబెటిస్‌ వస్తుంది. ఇన్సులిన్‌ తగినంత ఉత్పత్తి కాకపోయినా, సమర్థంగా పనిచేయకపోయినా రక్తంలో గ్లూకోజు స్థాయులు పెరిగిపోతాయి. రక్తంలో చక్కెర స్థాయులను కంట్రోల్‌లో ఉంచుకోవడం చాలా ముఖ్యం. చక్కెర స్థాయులను నిర్లక్ష్యం చేస్తే.. గుండె సమస్యలు, హైపర్‌టెన్షన్‌, కిడ్నీ సమస్యలు, కంటి సమస్యలు వంటి సమస్యలు వచ్చే ప్రమాదం ఉంది. డయాబెటిస్‌ను నియంత్రించడానికి చాలా మందులు ఉన్నాయి. అయితే, కొన్ని సులభమైన మార్గాలను పాటిస్తే.. షుగర్‌ వ్యాధిని కంట్రోల్‌లో ఉంచుకోవచ్చు.

“నేను 5 సంవత్సరాలకు పైగా షుగర్‌ పేషెంట్స్‌ను ట్రీట్‌ చేస్తున్నాను. 1000 మందికి పైగా డయాబెటిక్‌ పేషెంట్స్‌ నన్ను సంప్రదించారు. వారిలో 96% మందికి పాజిటివ్‌ రిజల్ట్స్‌ వచ్చాయి. ఈ ఐదు విషయాలు మానేస్తే.. కేవలం 15 రోజుల్లో మీ రక్తంలో చక్కెర స్థాయి తగ్గుతుంది. నేను మీకు హామీ ఇస్తున్నాను.”- దీక్షా భావ్సార్, ఆయుర్వేద డాక్టర్
నిశ్చల జీవనశైలికి దూరంగా ఉండండి..

డయాబెటిక్ పేషెంట్స్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌, ప్రతిరోజూ కచ్చితంగా 40 నిమిషాల ఏదొక వ్యాయామం చేయడం (నడక/సైక్లింగ్/కార్డియో/యోగా), 20 నిమిషాల ప్రాణాయామం చేయాలి. మీరు షుగర్‌ను కంట్రోల్‌లో ఉంచుకోవాలంటే.. చురుకుగా ఉండటం చాలా అవసరం. దీని వల్ల, రక్త ప్రసరణ బాగా జరుగుతుంది,శరీరంలోని ప్రతి కణానికి తగినంత ఆక్సిజన్ అందుతుంది, లివర్‌ డీటాక్స్‌ అయ్యి.. ఇన్సులిన్‌‌ సరిగ్గా విడుదల చేస్తుంది.
ఈ ఆహారానికి దూరంగా ఉండండి..

స్వీట్స్‌, జంక్‌ పుడ్‌, ప్రాసెస్‌ చేసిన ఆహారం, ప్యాకేజ్‌ ఫుడ్స్‌కు దూరంగా ఉండండి. చక్కెర, ఉప్పు, మైదాతో చేసిన ఆహార పదార్థాలకు దూరంగా ఉండండి. పెరుగ, గ్లూటెన్‌ ఎక్కువగా ఉండే ఆహారాలు తక్కువాగా తీసుకోండి. వీటికి బదులుగా తాజా పండ్లు, కూరగాయలు తీసుకోండి. ఆవు పాలు, నెయ్యి కూడా తక్కువ మోతాదులో తీసుకోవాలి. జొన్నలు, రాగులు, సజ్జలు వంటివి మీ ఆహారంలో చేర్చుకోండి.
త్వరగా డిన్నర్‌ చేయండి..

షుగర్‌ పేషెంట్స్ త్వరగా డిన్నర్‌ చేయడం మంచిది. మీ రక్తంలో చక్కెర స్థాయిని తగ్గించడానికి, గుండె సమస్యలకు దూరంగా ఉండటానికి ఇది సులభమైన మార్గాల్లో ఒకటి. వీలైతై, సూర్యాస్తమయానికి ముందు రాత్రి భోజనం చేయండి. రాత్రి 8 గంటల లోపు భోజనం చేయడం మంచిది.
తిన్నవెంటనే నిద్రపోవద్దు..

షుగర్‌ సమస్య తీవ్రంగా ఉన్నవారు.. పగలు అసలు నిద్రపోకూడదు. పగలు నిద్రపోవడం వల్ల శరీరంలో కఫ దోషం పెరుగుతుంది, ఇది రక్తంలో చక్కెర స్థాయిని పెంచుతుంది. రాత్రిపూట కూడా- భోజనం చేసిన 3-4 గంటల తర్వాత నిద్రపోవాలని డా. దీక్షా సూచించారు.
మందుల మీదే ఆధారపడొద్దు..

ఆరోగ్యకరమైన లైఫ్‌స్టైల్‌ ఫాలో అవకుండా.. కేవలం డయాబెటిస్‌ మందుల మీద ఆధారపడితే.. చిన్నవయసులోనే కిడ్నీ, లివర్‌ సమస్యలు వచ్చే ప్రమాదం ఉందని డా. దీక్షా హెచ్చరించారు. హెల్తీ లైఫ్‌స్టైల్‌, ఆరోగ్యకరమైన ఆహారంతో షుగర్‌ను కంట్రోల్‌లో ఉంచుకోవచ్చని అంటున్నారు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.