విక్టర్ , మెగా ప్రిన్స్ కాంబోలో వచ్చిన ఎఫ్ 2 సినిమా ఎంతటి ఘన విజయం సాధించిందో అందరికీ తెలిసిందే. సంక్రాంతి బరిలోకి దిగిన ఈ చిత్రం వంద కోట్లకు పైగా కొల్లగొట్టి అందరినీ ఆశ్చర్యానికి గురి చేసింది. దిల్ రాజు కెరీర్‌లోనే అత్యధిక వసూళ్లు సాధించిన చిత్రంగా రికార్డు క్రియేట్ చేసింది. అలాంటి బ్లాక్ బస్టర్ ఇచ్చిన దర్శకుడు .. మళ్లీ ఆ మ్యాజిక్‌ను క్రియేట్ చేసేందుకు రెడీ అవుతున్నాడు.

ఎఫ్ 2కి సీక్వెల్‌గా ఎఫ్ 3న ప్లాన్ చేశాడు. ఇది వరకే ఎప్పుడో రిలీజ్ కావాల్సిన ఈ సినిమా కరోనా వల్ల వాయిదా పడుతూ వచ్చింది. గత ఏడాదిలోనే ముహూర్తం ఫిక్స్ చేసినా కరోనా రాకతో షూటింగ్ వాయిదా పడింది. సెకండ్ వేవ్ అనంతరం ఈ మూవీ యూనిట్ శరవేగంగా షూటింగ్‌ను జరుపుకుంటోంది. ఈ మధ్యే హైద్రాబాద్‌లో ఓ లాంగ్ షెడ్యూల్‌ను చిత్రయూనిట్ షూట్ చేసింది.

ఆ షూటింగ్ నేడు పూర్తయిందట. ఈ మేరకు వరుణ్ తేజ్ అసలు విషయాన్ని చెప్పాడు. ఓ లాంగ్ షెడ్యూల్ అద్భుతంగా పూర్తయింది.. త్వరలోనే కొత్త షెడ్యూల్‌లో మళ్లీ అందరం కలుకుంటామని చెప్పుకొచ్చాడు. అలా వరుణ్ తేజ్ వెంకటేష్ ఇద్దరూ కూడా బాల్కనీలో ముచ్చట్లు పెడుతున్న ఫోటో ఇప్పుడు నెట్టింట్లో వైరల్ అవుతోంది. మొత్తానికి ఎఫ్ 2 మ్యాజిక్‌ను మళ్లీ రిపీట్ చేసేందుకు ఈ సారి సునీల్, సోనాల్ చౌహాన్ వంటి వారిని అనిల్ రావిపూడి లైన్‌లోకి తీసుకున్నాడు.