Thursday, October 28, 2021
Homeతెలుగు Newsఆరోగ్యంfruits benefits: పండ్లు ఏ టైమ్‌లో తింటే మంచిదంటే.. - what is the right...

fruits benefits: పండ్లు ఏ టైమ్‌లో తింటే మంచిదంటే.. – what is the right way to eat fruits know here all in telugu


ప్రధానాంశాలు:

  • పండ్లతో ఆరోగ్యం మీ సొంతం
  • పండ్లు తినేందుకు కొన్ని టిప్స్

పండ్లు విరివిగా దొరికేవి. కానీ ప్రస్తుతం మార్కెటింగ్ విధానం వల్ల పట్టణాల్లో పండ్లు దొరకడం పెద్ద సమస్యగా మారింది. గ్రామాల్లో మాత్రం ఇప్పటికీ విరివిగా అన్ని సీజన్లలోనూ సీజనల్ పండ్లు లభిస్తూ ఉంటాయి. కానీ గ్రామస్తులలో పండ్లు తినడం వలన ఆరోగ్యంగా ఉంటామనే పరిజ్ఞానం లేకపోవడంతో అనేక మంది వారికి పండ్లు విరివిగా లభించినా కానీ తినేందుకు మొగ్గు చూపరు. కానీ పట్టణాల్లో ఉండే వారు అధిక పరిజ్ఞానంతో ఎంత ఖర్చయినా సరే పండ్లు తింటూ ఉంటారు. ఇలా పండ్లు తినడం మూలాన చాలా ఆరోగ్యంగా ఉంటారని వైద్యులు పలు సందర్భాల్లో ప్రకటించారు. తమ దగ్గరకు వచ్చిన పేషెంట్లకు కూడా పండ్లను ఎక్కువగా తినమని చెబుతూ ఉంటారు. పండ్లను తినడం వలన అనారోగ్యాల బారిన పడకుండా మనల్ని కాపాడుకోవడం చాలా సులభమవుతుందని చెబుతారు.
telugu samayamఆకలిగా ఉన్నప్పుడు బిస్కెట్స్ తింటున్నారా..
కేవలం పండ్లు తినడమే కాకుండా పండ్ల రసాలను కూడా తరుచూ తీసుకోవడం వలన ఆరోగ్యంగా ఉంటారని వైద్యులు సూచిస్తున్నారు. కానీ చాలా మంది పండ్లను ఎలా తింటో ఆరోగ్యకరంగా ఉంటామో తెలియక తికమకపడి అసలు వాటిని వాడటమే మానేస్తారు. అసలు పండ్లు తినేటపుడు ఎలాంటి జాగ్రత్తలు తీసుకోవాలే తెలుసుకుందాం.

మనలో చాలా మంది వ్యక్తులు కేవలం ఏవో కొన్ని పండ్లను తిని మనం ఆరోగ్యంగా ఉంటామని భ్రమపడుతుంటారని… ప్రముఖ న్యూట్రిషియనిస్ట్ ఒకరు తెలిపారు. అలా కాకుండా మనం సీజన్లో లభించే అన్ని రకాల పండ్లను తిన్నపుడే ఆరోగ్యంగా ఉండడం సాధ్యమవుతుందని తెలిపారు. ఆరోగ్యంగా ఉండడం కోసం పండ్లను తినడం చాలా ఉత్తమం అని ఆమె ప్రకటించారు. పండ్లను ఎటువంటి సమయంలో తీసుకోవాలో ఆమె వివరించారు.

వైద్యులు సూచించిన ప్రకారంగా పండ్లను మనం రోజు తినే ఆహారంలో తీసుకోవడం చాలా మంచిది. కానీ వాటిని తినేటపుడు పాటించాల్సిన నియమాలు చాలా మందికి తెలియవు. అసలు పండ్లను తొక్క తీసి తింటే మంచిదా? లేదా తొక్క తీయకుండా అలాగే తింటే మంచిదా అనే విషయాల్లో అనేక మందికి సందేహాలు ఉండడం సహజం. అంతే కాకుండా కొంత మంది పండ్లను జ్యూస్లా చేసుకుని తాగుతూ ఉంటారు. అలా చేయడం ఎంత వరకు కరెక్ట్ అనే విషయాలను ప్రముఖ న్యూట్రీషియనిస్ట్ ఒకరు వివరించారు.

iStock-1194994154

పండ్లు తినేటపుడు ప్రతి ఒక్కరూ మూడు విషయాలను గుర్తుంచుకోవాలని ఆమె సూచించారు. ఒక వేళ మీరు గనుక ఆ మూడు సూచనలను పాటించకుండా పండ్లు తినడం వలన ఆరోగ్యానికి ఎటువంటి ప్రయోజనం చేకూరదని వివరించారు. అంతే కాకుండా పండ్లు తినడం మూలాన ప్రతి ఒక్కరూ చల్లబడతారని తెలిపారు. ఒక ప్లేట్ నిండా పండ్లను తీసుకుని తినడం కన్నా కొన్ని పండ్లయినా సరే పద్ధతి ప్రకారంగా తింటే సరైన రీతిలో అవి ఆరోగ్యానికి ఉపయోగపడుతాయని ఆమె వెల్లడించారు. పండ్లను తినే ముందు పాటించాలని న్యూటీషియనిస్ట్ చెప్పిన మూడు సూత్రాలేంటంటే….
telugu samayamఇంట్లో ఈ కలర్స్ వాడితే చెడుప్రభావం దూరమవుతుందట..
* కొంత మంది అన్ని పండ్లను కలిపి తింటూ ఉంటారు. కానీ అలా తినడం వలన మన ఆరోగ్యానికి ఏ విధమైన ప్రయోజనం ఉండదని ఆమె తెలిపారు. పండ్లను వేటికవే తినడం ఉత్తమం అని పేర్కొన్నారు. ఎట్టి పరిస్థితుల్లోనూ పండ్లను కలిపి తినకూడదని సూచించారు.
* చాలా మందికి అసలు పండ్లను ఎప్పుడు తినాలనే సందేహం ఉంటుంది. చాలా సమయాల్లో పండ్లను తినడం ఎంత వరకు ఆరోగ్యకరం అని అందరూ ఆలోచిస్తుంటారు. దాని మూలంగానే కొంత మంది అసలు పండ్లను తినడమే మానేస్తారు. కానీ పండ్లను మనం తినడానికి ముందు లేదా వర్క్ అవుట్ చేసిన తర్వాత ఎప్పుడైనా తినొచ్చని న్యూటిషియనిస్ట్ తెలిపారు.
* చాలా మంది పండ్లను జ్యూస్ లా చేసుకుని తాగుతూ ఉంటారు. అన్ని పండ్లను పళ్లతో ఎవరు నమలాలని వాటిని సింపుల్గా మిక్సీ జార్లో వేసి జ్యూస్ లా చేసుకుని తాగుతూ ఉంటారు. ఇలా జ్యూస్ చేసుకుని తాగే ప్రక్రియ సులువుగానే ఉంటుంది కానీ ఇలా పండ్లను నేరుగా తినకుండా జ్యూస్ చేసుకుని తాగడం మూలాన ఎటువంటి ప్రయోజనం ఉండదని వైద్యులు సూచిస్తున్నారు. కావున సమయం ఆదా చేయడం కోసం శారీరక శ్రమ తగ్గించుకోవడం కోసం పండ్లను జ్యూస్లా చేసుకుని తాగడం అంత శ్రేయస్కరం కాదు.

ప్రస్తుత రోజుల్లో చాలా మంది పండ్లను కట్ చేసిన తర్వాత చేతితో తినడమే మానేశారు. మన దేశ సంప్రదాయాలను కాదని పాశ్చాత్య దేశ సంప్రదాయాలకు అలవాటు పడి చాలా మంది వ్యక్తులు ఫోర్క్ లు ఉపయోగించడం మొదలు పెట్టారు. కానీ పండ్లను కట్ చేసిన తర్వాత ఫోర్క్ తో కంటే చేతితో తినడమే ఉత్తమమైన మార్గం అని డాక్టర్లు చెబుతున్నారు.

లైప్ స్టైల్ కు సంబంధించిన ప్రముఖ వైద్యుడొకరు మాట్లాడుతూ… మనలో చాలా మంది తొక్కతో తినాల్సిన మరియు తినగలిగిన పండ్లను కూడా తినకుండా వాటి తొక్కలను ఒలిచి పారేస్తున్నారు. ఇలా చేయడం వల్ల పండులో ఉండే పోషకాలు ఖనిజ లవణాలు మన శరీరానికి అందకుండా పోతాయని ఆయన తెలిపారు. మరో ఆసక్తికర విషయాన్ని కూడా ఆయన పంచుకున్నారు. అదేంటంటే కొన్ని రకాల పండ్లలో దాదాపు 25– 30 శాతం విటమిన్లు, ఖనిజ లవణాలు ఉంటాయని తెలిపారు. అందువల్ల కొన్ని రకాల పండ్లు తినే ముందు తొక్క తీసేసి తినడం మానుకోవాలని సూచించారు. ఆరోగ్యం కోసం పండ్లను తినే చాలా మంది… ఇలా తెలియకుండానే అనేక తప్పులు చేస్తూ పండ్లలో ఉండే ఆరోగ్య కరమైన విటమిన్లు, ఖనిజ లవణాలను దూరం చేసుకుంటూ ఉంటారు.
telugu samayamమా ఆయన నన్ను ముట్టుకోవడం లేదు.. ఏం చేయను..
కావున మీరు కూడా పండ్లు తినే ముందు పై విషయాలను గుర్తుంచుకుని తినడం ఆరోగ్యానికి శ్రేయస్కరం.

గమనిక:
ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

RELATED ARTICLES

LEAVE A REPLY

Please enter your comment!
Please enter your name here

Today's feeds