Tuesday, July 27, 2021
Homeతెలుగు NewsసినిమాMahesh Babu: అందిన సూపర్‌స్టార్ మహేష్‌ బాబు ఆపన్నహస్తం.. నిలిచిన మరో చిన్నారి ప్రాణం.. -...

Mahesh Babu: అందిన సూపర్‌స్టార్ మహేష్‌ బాబు ఆపన్నహస్తం.. నిలిచిన మరో చిన్నారి ప్రాణం.. – mahesh babu and his team saves life of another child


సినిమాలో హీరో ఓ పది మందిని కొడితే మనం ఎంజాయ్ చేస్తాం. హీరోయిన్‌తో కలిసి డ్యుయెట్ వేసుకంటే దానికి ఈలలు వేస్తూ గోలలు చేస్తాం. ఓ పంచ్ డైలాగ్ చెబితే దాన్ని గుర్తుపెట్టుకొని మరి పదేపదే చెబుతుంటాం. అయితే సినిమాలో చేసే ఈ పనులేనా హీరోయిజం అంటే.. అసలు కాదు అంటున్నారు కొందరు హీరోలు. ఆపదలో ఉన్న వాళ్లకు సహాయం చేయడం.. తమ ఎదుట చేయిచాపిన వారిని ఆదుకోవడం.. వైద్యం చేయించుకోలేని స్థితిలో ఉన్న వారికి చికిత్స అందించడం ఇవీ అసలైన హీరోకి ఉండాల్సిన లక్షణాలు అంటున్నారు వాళ్లు. అలాంటి వారిలో ముందు వరుసలో ఉంటారు సూపర్‌స్టార్ మహేష్‌బాబు.

సినిమాలో మహేష్ బాబు ఎంత యాక్షన్ చేస్తారో.. బయట ఆయన అదేస్థాయిలో సమాజసేవ చేస్తారు. అయితే ఆ విషయాలను ఏవీ ఆయన బటకి చెప్పుకోరు. చేయాల్సిన దానాలన్ని ఆయన ట్రస్ట్ ద్వారా, టీమ్ ద్వారా చేస్తుంటారు. ఇప్పటికే తన సొంత గ్రామం బుర్రిపాలెంను దత్తత తీసుకున్న ఆయన అక్కడ ఎన్నో అభివృద్ధి కార్యక్రమాలు చేపట్టారు. తాజాగా అక్కడి ప్రజలకు తన ట్రస్ట్ తరఫున కరోనా వ్యాక్సిన్ కూడా ఇప్పించారు మహేష్. ఇక గుండె జబ్బుతో బాధపడుతున్న వేలాది మంది చిన్నారులకు ఆయన వైద్యం అందించి ప్రాణాలు కాపాడారు.

తాజాగా మరో చిన్నారి ప్రాణాలకు కూడా మహేష్ ఊపిరిపోశారు. అరుదైన గుండె జబ్బుతో బాధపడుతున్న ఓ బాబుకి ఆయన ట్రస్ట్ ద్వారా శస్త్ర చికిత్స అందించారు. ఈ విషయాన్ని మహేష్ బాబు టీమ్‌తో పాటు, ఆయన సతీమణి నమ్రతా శిరోద్కర్ కూడా సోషల్‌మీడియాలో పోస్ట్ చేశారు. ప్రస్తుతం ఆ చిన్నారి ఆరోగ్యం నిలకడగా ఉందని, ఆస్పత్రి నుంచి డిశ్చార్జి అయ్యాడని పేర్కొన్నారు. ఆ బాబు త్వరగా కోలుకోవాలని ప్రార్థిస్తున్నట్లు తెలిపారు. ఈ ఆపరేషన్‌ చేసిన ఆంధ్ర హాస్పిటల్స్ యాజమాన్యాన్ని ప్రత్యేకంగా అభినందించారు. ‘ఎంబీసేవింగ్‌హార్ట్స్’ అనే హ్యాష్‌ట్యాగ్‌ని దీనికి జత చేశారు. దీంతో మహేష్‌ బాబు సేవానిరతిని మెచ్చుకుంటూ అభిమానులు పెద్ద ఎత్తున కామెంట్ చేస్తున్నారు.





Source link

RELATED ARTICLES

LEAVE A REPLY

Please enter your comment!
Please enter your name here

Today's feeds

Today's news

Latest offer's