Homeతెలుగు Newsఆరోగ్యంmenstrual hygiene day 2022: Menstrual Hygiene Day : పీరియడ్స్ సమయంలో కడుపునొప్పిగా ఉందా.....

menstrual hygiene day 2022: Menstrual Hygiene Day : పీరియడ్స్ సమయంలో కడుపునొప్పిగా ఉందా.. ఈ సమస్య ఉందేమో జాగ్రత్త.. – menstrual hygiene day what are health problems related to menstruation know here all


1) డెస్మనోరియా

పీరియడ్స్ సమయంలో మహిళల్లో ఆందోళన రేకెత్తించే సాధారణ సమస్యలు ఎలా ఉంటాయో ఈ ఆర్టికల్ ద్వారా తెలుసుకుందాం. రుతుస్రావం సమయంలో మహిళలలో నడుం నొప్పి లేదా పొత్తికడుపు నొప్పి చాలా సాధారణం. కానీ కొందరు విపరీతమైన నొప్పిని ఎదుర్కొంటారు. దీంతో వారు రోజువారీ కార్యకలాపాలను కూడా చేసుకోలేరు. దీనిని డిస్మెనోరియా అంటారు. రుతుస్రావం, ప్రసవ సమయంలో గర్భాశయం సంకోచించేలా చేసే అధిక స్థాయి హార్మోన్‌ల వల్ల డెస్మనోరియా సంభవించవచ్చు. రుతుస్రావం సమయంలో లైనింగ్ లేదా ఎండోమెట్రియం మందగించినప్పుడు ఈ హార్మోన్‌ల విడుదల వల్ల నొప్పి వస్తుంది. ఒక వ్యక్తి పెద్దయ్యాక, ముఖ్యంగా ప్రసవం తర్వాత ఇది సాధారణంగా మెరుగుపడుతుంది.
మహిళలకు వచ్చే ఈ కాన్సర్ చాలా డేంజర్..
2) అండాశయ తిత్తులు

అండాశయ తిత్తి అనేది ద్రవంతో నిండిన సంచిలా ఉంటుంది. ఇది అండాశయం లోపల లేదా ఉపరితలంపై అభివృద్ధి చెందడం ప్రారంభమవుతుంది. అండాశయాలు సర్వసాధారణంగా అండోత్సర్గము సమయంలో ఏర్పడతాయి. అండాశయం ప్రతి నెలా గుడ్డును విడుదల చేసినప్పుడు ఇది జరుగుతుంది. చాలా అండాశయ తిత్తులు ఈ లక్షణాలను కలిగించవు. కానీ కొన్ని సందర్భాల్లో ఉబ్బరం, వాపు లేదా పొత్తి కడుపులో నొప్పి సంభవించవచ్చు. అండాశయ తిత్తులు సాధారణంగా కొన్ని నెలల్లో అదృశ్యమవుతాయి. కానీ ఇలా జరగని పక్షంలో అవి తీవ్రమైన సమస్యలను కలిగిస్తాయి. వాటిని కరిగించేందుకు సాధారణంగా గర్భనిరోధక మాత్రలను వాడతారు. కొన్ని తీవ్రమైన సందర్భాల్లో శస్త్రచికిత్స కూడా అవసరం అవుతుంది.

3) ఎండోమెట్రియోసిస్

ఎండోమెట్రియోసిస్ అనేది గర్భాశయం లోపలి పొర గర్భాశయం గోడల వెలుపల పెరగడం ప్రారంభించే పరిస్థితి. సాధారణంగా ఇది ఫెలోపియన్ ట్యూబ్ అండాశయాలపై పెరగడం ప్రారంభమవుతుంది. అయినప్పటికీ ఇది గర్భాశయం, మూత్రాశయం, ప్రేగు లేదా పురీషనాళంపై కూడా పెరుగుతుంది. ఎండోమెట్రియోసిస్ వల్ల రుతుక్రమ సమయంలో నొప్పి, సంభోగంలో నొప్పి, అధిక రక్తస్రావం, జీర్ణ సమస్యలు వంటి లక్షణాలు కనిపిస్తాయి. ఎండోమెట్రియోసిస్‌తో సంతానోత్పత్తి సమస్యలు కూడా అభివృద్ధి చెందుతాయి. పరిస్థితి తీవ్రతను బట్టి ఎండోమెట్రియోసిస్‌ను శస్త్రచికిత్స ద్వారా నయం చేస్తారు. లేదంటే హార్మోన్‌లను నిరోధించడానికి గర్భనిరోధక మాత్రలు ఇస్తారు. ఈ మాత్రలు యోని వలయాలపై ఎండోమెట్రియల్ కణజాలాల పెరుగుదలకు కారణమయ్యే హార్మోన్‌లను నియంత్రించడంలో సహాయపడతాయి.

4) పాలీసిస్టిక్‌ ఓవరీ సిండ్రోమ్‌ (పీసీఓఎస్)

పాలీసిస్టిక్ ఓవరీ సిండ్రోమ్ (పీసీఓఎస్) అనేది మహిళల పునరుత్పత్తి వ్యవస్థలను ప్రభావితం చేసే అత్యంత సాధారణ హార్మోన్ల వ్యాధి. ఈ వ్యాధితో బాధపడుతున్న మహిళలు అరుదుగా పీరియడ్స్ లేదా ఎక్కువ రుతుక్రమం లేదా అనేక ఆండ్రోజెన్ సమస్యలను కలిగి ఉండవచ్చు. ఈ వ్యాధి కారణంగా అండాశయాలు ప్రతి నెలా గుడ్లను విడుదల చేయడంలో విఫలమయ్యే ఫోలికల్స్ అని పిలువబడే అనేక ద్రవ సేకరణలను అభివృద్ధి చేయవచ్చు.
Infertility : ఈ సమస్యలు ఉంటే ప్రెగ్నెన్సీ రాదట.. జాగ్రత్త..
ప్రస్తుత జీవన శైలి కారణంగా మన దేశంలో ప్రతి నలుగురు మహిళల్లో ఒకరు ఈ సమస్యతో బాధపడుతున్నట్లు నిపుణులు చెబుతున్నారు. కొంత మందికి వారు పీసీఓఎస్‌ సమస్యతో బాధపడుతున్నట్లు కూడా తెలియదు. ఇక వీరిలో నెలసరి క్రమం తప్పడం, సంతానలేమి, మూడ్‌ స్వింగ్స్‌, ఊబకాయం, చర్మం నల్లబడటం, కటి నొప్పి, జుట్టు రాలడం, సెక్స్ డ్రైవ్ కోల్పోవడం, అవాంఛిత రోమాలు ఎక్కువగా రావడం, మొటిమలు.. వంటి సమస్యలతో ఇబ్బంది పడుతుంటారు. పీసీఓఎస్ ఉన్న మహిళలందరికీ ఒకే లక్షణాలు ఉండవు, వారి వయసు, శరీరం తత్వం ప్రకారం లక్షణాలు మారతాయి. నిపుణుల అభిప్రాయం ప్రకారం, పీసీఓఎస్‌తో బాధపడే స్త్రీలకు గుండె జబ్బులు, మధుమేహం, ఎండోమెట్రియల్ క్యాన్సర్‌కు గురయ్యే ప్రమాదం ఉంది.

మహిళలను వేధించే సమస్యలు

5) గర్భాశయ ఫైబ్రాయిడ్లు

గర్భాశయ ఫైబ్రాయిడ్లు అనేవి మహిళల గర్భాశయం లోపల, వెలుపల లేదా గోడపై పెరిగే క్యాన్సర్ లేని గడ్డలు. చికిత్స చేయని ఫైబ్రాయిడ్లు మహిళల జీవన నాణ్యతకు ఆటంకం కలిగిస్తాయి. అంతేకాకుండా రక్తహీనత వంటి సమస్యలకు దారితీయవచ్చు. రక్తహీనత అనేది శరీరంలో సరిగ్గా పనిచేయడానికి తగినంత ఆరోగ్యకరమైన ఎర్ర రక్త కణాలు లేనప్పుడు ఏర్పడే పరిస్థితి. ఫైబ్రాయిడ్లు సాధారణంగా వాటంతట అవే తగ్గిపోతాయి. లేకపోతే మీ గైనకాలజిస్టు మైయోమెక్టమీని మీకు సూచిస్తారు. మైయోమెక్టమీ అనేది గర్భాశయాన్ని కాపాడుతూ ఫైబ్రాయిడ్లను తొలగించే ఆపరేషన్. గర్భాశయ ధమని ఎంబోలైజేషన్ వంటి కొన్ని ప్రక్రియలు ఫైబ్రాయిడ్లను తొలగించకుండానే నాశనం చేస్తాయి.

6) యూరినరీ ట్రాక్ట్ ఇన్ఫెక్షన్ (UTI)

యూరినరీ ట్రాక్ట్ ఇన్ఫెక్షన్ (యూటీఐ) అనేది అన్ని వయసుల మహిళల అత్యంత సాధారణ రుతుక్రమ సమస్యలలో ఒకటి. ఇది సాధారణంగా మహిళల యోని లేదా మలద్వారంలో ఉన్న బాక్టీరియల్ ఇన్ఫెక్షన్ మూత్రనాళం, మూత్రాశయం లేదా కొన్ని సందర్భాల్లో మూత్రపిండాల వరకు కదులుతున్నప్పుడు సంభవిస్తుంది. యూటీఐ కారణంగా మూత్ర విసర్జన చేయాలనే కోరిక పెరగడం, మూత్రవిసర్జన వల్ల నొప్పితో పాటు మూత్రంలో రక్తం వచ్చే అవకాశాలు సంభవిస్తాయి. గర్భం ధరించడం, అనియంత్రిత మధుమేహం, నోటి గర్భనిరోధకాలు లేదా యాంటీబయాటిక్స్ వాడకం వంటివి యూటీఐకి సంబంధించిన కారకాలు. అయినప్పటికీ చాలా యూరినరీ ట్రాక్ట్ ఇన్ఫెక్షన్‌లను ఓవర్ ది కౌంటర్ లేదా ప్రిస్క్రిప్షన్ మందులతో చికిత్స చేయవచ్చు.

ఉత్తమ గైనకాలజిస్ట్‌లను క్రమం తప్పకుండా సందర్శించడం మహిళలకు మంచి పునరుత్పత్తి ఆరోగ్యాన్ని నిర్ధారించడంలో సహాయపడుతుంది. అలాగే ఆరోగ్యకరమైన ఆహారం తీసుకోవడం, తగినంత నీరు తాగడం, క్రమం తప్పకుండా వ్యాయామం చేయడం ద్వారా ఆరోగ్యకరమైన జీవనశైలిని కలిగి ఉంటారనే విషయాన్ని గుర్తుపెట్టుకోవాలి.
Coffee : వీటిని తిని కాఫీ తాగుతున్నారా.. జాగ్రత్త..
మహిళలు పీరియడ్స్ సమయంలో తీసుకోవాల్సిన ఆహారాలు:

పీరియడ్స్ సమయంలో మహిళల శరీరం నుంచి రక్తం పోతుంది. రక్తస్రావం ఎక్కువగా ఉన్నవారు తొందరగా అనారోగ్యానికి గురవుతారు. ఈ సమస్యను నివారించడానికి బచ్చలికూర, అరటిపండు, గుమ్మడికాయ, దుంప మొదలైన ఐరన్‌ అధికంగా ఉండే వాటిని తీసుకోవాలి. పీరియడ్స్ సమయంలో మహిళలు ప్రొటీన్లు ఎక్కువగా ఉండే ఆహారం కూడా తీసుకోవాలి. ఇందుకోసం పప్పుధాన్యాలు, మిల్క్‌షేక్‌లు, పెరుగు, పాలు, నాన్ వెజ్, గుడ్డు, చేపలు, మొలకెత్తిన ధాన్యాలు మొదలైన వాటిని మీ ఆహారంలో చేర్చుకోవాలి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Mr.Mario
Mr.Mario
I am a tech enthusiast, cinema lover, and news follower. and i loved to be stay updated with the latest tech trends and developments. With a passion for cyber security, I continuously seeks new knowledge and enjoys learning new things.

LEAVE A REPLY

Please enter your comment!
Please enter your name here

Must Read