భార్యాభర్తలుగా విడిపోతోన్నా కూడా తమ మధ్య ఉన్న స్నేహబంధం కొనసాగుతుందని సమంత, నాగ చైతన్యలు ఉమ్మడి ప్రకటన చేశారు. దాన్ని బట్టి కొన్ని విషయాలు అందరికీ క్లారిటీ వచ్చేసి ఉంటాయి. ఇకపై తాము కలిసి సంసార జీవితాన్ని కొనసాగించలేమని, కానీ ఫ్రెండ్స్‌లా ఉంటామని అన్నట్టు క్లారిటీగా చెప్పారు. ఇప్పుడు భార్యాభర్తలు కాదు.. ఫ్రెండ్స్‌లా కూడా సమంత, నాగ చైతన్యలు లేరని ఇప్పుడు అర్థమైపోయింది. ఎందుకంటే నేడు నాగ చైతన్య బర్త్ డే. కనీసం ఫ్రెండ్స్ అని ఫీలై ఉంటే.. పుట్టిన రోజు శుభాకాంక్షలు చెప్పేది.

పోనీ సమంత ఏదైనా బిజీగా ఉండి.. విషెస్ చెప్పలేదా? అని అనుకుంటే.. సోషల్ మీడియాలో ప్రతీ క్షణం యాక్టివ్‌గానే ఉంటుంది. తన ఇన్ స్టా స్టోరీలో కచ్చితంగా రోజుకు ఐదారు పోస్ట్‌లు చేస్తుంటుంది. ఈ రోజు కూడా కొన్ని పోస్ట్‌లు చేసింది. కానీ నాగ చైతన్యకు బర్త్ డే విషెస్ చెప్పే టైం మాత్రం దొరకలేదేమో. అంటే ఈ ఇద్దరి మధ్య ఎంత దూరం పెరిగిందో అర్థం చేసుకోవచ్చు.

విడాకుల ఉమ్మడి ప్రకటనలో స్నేహితులుగా కొనసాగుతామని చెప్పారు. కానీ అదంతా ఈజీ కాదని అర్థమైనట్టుంది. అయితే నాగ చైతన్యతో కలిసి పని చేసిన రాశీ ఖన్నా, రకుల్ ప్రీత్ వంటి వారు నాగ చైతన్యకు ప్రత్యేకంగా విషెస్ తెలిపారు. మరి ఈ లెక్కన ఇకపై నాగ చైతన్య, సమంత కలిసి సినిమాల్లో నటించే అవకాశం కూడా ఉండదన్న మాట.

ఇన్ని రోజులు అవుతున్నా కూడా సమంత, నాగ చైతన్యల విడాకుల వెనుకున్న కారణాలు మాత్రం తెలియడం లేదు. ఆ ఇద్దరిలో ఎవ్వరూ కూడా నోరు విప్పి జరిగిన విషయం ఏంటో చెప్పడం లేదు. ప్రస్తుతం నాగ చైతన్య బంగార్రాజు, థ్యాంక్యూ సినిమాలతో బిజీగా ఉన్నాడు. సమంత తెలుగు, తమిళంలో తెరకెక్కనున్న రెండు ద్విభాష చిత్రాల్లో నటిస్తోంది.