Homeతెలుగు Newsసినిమాntr 30: NTR : చేయ‌బోతున్న రెండు సినిమాల విశేషాలను చెప్పిన ఎన్టీఆర్‌ - young...

ntr 30: NTR : చేయ‌బోతున్న రెండు సినిమాల విశేషాలను చెప్పిన ఎన్టీఆర్‌ – young tiger ntr about his next two films in an recent interview


ప్రధానాంశాలు:

  • RRRతో పాన్ ఇండియా రేంజ్‌లో తారక్ సందడి
  • కొరటాల సినిమా జోనర్ గురించి చెప్పిన ఎన్టీఆర్
  • తదుపరి ప్రశాంత్ నీల్ సినిమా అని కన్‌ఫర్మ్

యంగ్ టైగ‌ర్ ఎన్టీఆర్ ప్ర‌స్తుతం త‌న ఫ్యామిలీతో యూర‌ప్ టూర్‌ను ఎంజాయ్ చేస్తున్నారు. ఈ క్ర‌మంలో టూర్‌కి వెళ్ల‌డానికి ముందు ఎన్టీఆర్ ఓ ఇంట‌ర్వ్యూ ఇచ్చారు. అందులో తాను చేసిన RRR సినిమాతో పాటు చేయ‌బోతున్న రెండు సినిమాల గురించిన వివ‌రాల‌ను కూడా తెలియ‌జేశారు. ఎన్టీఆర్ త‌దుప‌రి చేయ‌బోయే సినిమా కొర‌టాల శివ ద‌ర్శ‌క‌త్వంలో అనే సంగ‌తి తెలిసిందే. వచ్చే ఏడాది ఈ సినిమా రెగ్యుల‌ర్ షూటింగ్ ప్రారంభం కానుంది. ప్ర‌స్తుతం ఈ మూవీ ప్రీ ప్రొడ‌క్ష‌న్ కార్య‌క్ర‌మాలు శ‌ర‌వేగంగా జరుగుతున్నాయి. దీంతో పాటు తార‌క్ మ‌రో సినిమాకు కూడా గ్రీన్ సిగ్న‌ల్ ఇచ్చేశాడు. ఆ సినిమా ఎవ‌రితోనో కాదు.. కె.జి.య‌ఫ్ చాప్ట‌ర్ మూవీతో సెన్సేష‌న్ క్రియేట్ చేసిన ద‌ర్శ‌కుడు ప్ర‌శాంత్ నీల్ ద‌ర్శ‌క‌త్వంలో. ప్ర‌స్తుతం ప్రశాంత్ నీల్ డైరెక్ష‌న్‌లో ప్ర‌భాస్ హీరోగా స‌లార్ సినిమా రూపొందుతోంది. ఇది పూర్త‌యిన త‌ర్వాతే ఎన్టీఆర్ ఆయ‌న‌తో సినిమా చేయ‌బోతున్నారు.

ఈ విష‌యాల గురించి ఎన్టీఆర్ రీసెంట్ ఇంట‌ర్వ్యూలో మాట్లాడుతూ కొర‌టాల శివ ద‌ర్శ‌క‌త్వంలో చేస్తున్న‌ NTR 30 రివేంజ్ డ్రామా అనే సంగ‌తి తెలియ‌జేశారు. అంతే కాకుండా ఫిబ్ర‌వ‌రిలో ఈ సినిమా షూటింగ్ ప్రారంభ‌మ‌వుతుంద‌ని తార‌క్ తెలిపారు. అలాగే NTR 31 గురించి తార‌క్ మాట్లాడుతూ కె.జి.య‌ఫ్ రేంజ్ భారీ స్కేల్ మూవీగా ఇది రూపొందనుంద‌ని, ఇది కూడా వ‌చ్చే ఏడాది అక్టోబ‌ర్ నెల‌లోనే ప్రారంభం అవుతుంద‌ని తెలిపారు. సినీ వ‌ర్గాల్లో వినిపిస్తోన్న స‌మాచారం మేర‌కు కొర‌టాల శివ సినిమాలో బాలీవుడ్ హీరోయిన్ జాన్వీ క‌పూర్ న‌టించే అవ‌కాశాలున్నాయంటున్నారు. ఈ సినిమా పాన్ ఇండియా మూవీగానే రూపొంద‌నుంది. ఇక ప్ర‌శాంత్ నీల్‌కు ఇప్ప‌టికే పాన్ ఇండియా డైరెక్ట‌ర్ అనే ఇమేజ్ ఉండ‌టంతో అది కూడా ఎలాగూ పాన్ ఇండియా మూవీగానే రిలీజ్ కానుంది.

ప్ర‌స్తుతం ద‌ర్శ‌క‌ధీరుడు రాజ‌మౌళి ద‌ర్శ‌క‌త్వంలో రామ్‌చ‌ర‌ణ్‌తో క‌లిసి ఎన్టీఆర్ చేసిన మూవీ RRR పాన్ ఇండియా రేంజ్‌లో భారీగా రిలీజ్ కానుంది. జ‌న‌వరి 7న RRR విడుద‌ల‌వుతుంది. ఈ సినిమా కోసం అంద‌రూ ఎంతో ఆస‌క్తిగా ఎదురుచూస్తున్నారు. ఇందులో ఎన్టీఆర్‌, తెలంగాణ గోండు వీరుడు కొమురం భీమ్ పాత్ర‌లో క‌నిపిస్తుంటే, రామ్‌చ‌ర‌ణ్.. మ‌న్యం వీరుడు అల్లూరి సీతా రామరాజు పాత్ర‌లో క‌నిపించ‌నున్నారు. 1920 బ్యాక్‌డ్రాప్‌లో సాగే ఫిక్ష‌న‌ల్ పీరియాడిక‌ల్ మూవీ. అజ‌య్ దేవ‌గ‌ణ్‌, ఆలియా భ‌ట్ వంటి బాలీవుడ్ స్టార్స్, ఒలివియా మోరిస్‌, రే స్టీవెన్ స‌న్‌, అలిస‌న్ డూడి వంటి హాలీవుడ్ స్టార్స్‌ కూడా ఇందులో న‌టిస్తున్నారు.



Source link

Mr.Mario
Mr.Mario
I am a tech enthusiast, cinema lover, and news follower. and i loved to be stay updated with the latest tech trends and developments. With a passion for cyber security, I continuously seeks new knowledge and enjoys learning new things.

LEAVE A REPLY

Please enter your comment!
Please enter your name here

Must Read