விஜய் டிவியில் வாய்ப்பு கிடைத்தால் வாழ்க்கை செட்டில் ஆவது மட்டுமின்றி வாழ்க்கையிலும் செட்டில் ஆயிருக்கலாம் என்பதை நிரூபிக்கும் வகையில் பல நட்சத்திர காதல் ஜோடிகளை நாம் பார்த்து வருகிறோம். குறிப்பாக ஆலியா மானசா – சஞ்சீவ் ஜோடி, விஜய் டிவி தொடரில் ஜோடியாகி, பின்னர் ரியல் ஜோடியானது என்பது தெரிந்ததே.

இந்த நிலையில் அதேபோல் தற்போது மேலும் ஒரு விஜய் டிவி ஜோடி காதலிப்பதாக கிசுகிசுக்கள் எழுந்துள்ளது. ஆல்யா மானஸா நடித்த ’ராஜா ராணி’ தொடரில் சந்தியா கேரக்டரில் புதியதாக நடிக்க வந்தவர் ரியா. இவருக்கும் பாக்கியலட்சுமி தொடரில் நடித்து வரும் விஷாலுக்கும் காதல் என்று கூறப்படுகிறது .

சமீபத்தில் நடைபெற்ற விஜய் விருது வழங்கும் விழாவில் விஷால் விருது வாங்கியபோது ரியாவின் முகத்தில் தெரிந்த காதல், விஜய் டிவியின் கேமரா மூலம் உலகுக்கே தெரிந்தது.

இந்த நிலையில் ரசிகர் ஒருவர் ரியாவிடம் ’இவ்வளவு அழகாக இருக்கிறீர்கள் உங்களை எப்படி கரெக்ட் பண்றது? என்று கேட்க அதற்கு ரியா, ‘நான் ஏற்கனவே கமிட்டட் பிரதர் என்று கூறியுள்ளார். இதனை அடுத்து அவர் காதலிப்பது உறுதியாகியுள்ள நிலையில் அந்த காதலர் விஷால் தானா? என்பதை கூடிய சீக்கிரம் உறுதி செய்து கொள்ளலாம்.