Homeతెలుగు Newsసినిమాpawan kalyan: Sirivennela : సిరివెన్నెల మరణం సినీ పరిశ్రమకే కాదు..తెలుగు సాహిత్యానికి తీరని లోటు...

pawan kalyan: Sirivennela : సిరివెన్నెల మరణం సినీ పరిశ్రమకే కాదు..తెలుగు సాహిత్యానికి తీరని లోటు : పవన్ కళ్యాణ్ – pawan kalyan condolences to sirivennela sitaramasastri


టాలీవుడ్ ప్రముఖ పాటల రచయిత సిరివెన్నెల సీతారామశాస్త్రి మంగళవారం సాయంత్రం కన్నుమూశారు. ర‌చ‌యిత‌గా తెలుగు సినీ ప‌రిశ్ర‌మ‌పై ఆయ‌న వేసిన ముద్ర చిర‌స్మ‌ర‌ణీయం. అలాంటి రైట‌ర్ ఇక లేర‌నే వార్త తెలుసుకున్న యావ‌త్ తెలుగు సినీ ప్ర‌పంచం శోక సంద్రంలో మునిగిపోయింది. తెలుగు సినీ సెల‌బ్రిటీలు సిరివెన్నెల మ‌ర‌ణంపై త‌మ సంతాపాన్ని ప్ర‌క‌టిస్తున్నారు. ఈ క్ర‌మంలో జ‌న‌సేనాని, హీరో ప‌వ‌న్ క‌ళ్యాణ్ స్పందించారు. ట్విట్ట‌ర్ ద్వారా త‌న సంతాపాన్ని తెలియ‌జేస్తూ ఓ లేఖ‌ను విడుద‌ల చేశారు. ‘‘వాగ్దేవి వరప్రసాదంగా మన తెలుగునాట నడయాడిన విద్వత్‌క‌వి శ్రీ సిరివెన్నెల సీతారామ‌శాస్త్రిగారు. బ‌ల‌మైన భావాన్ని, మాన‌వ‌త్వాన్ని, ఆశావాదాన్ని చిన్న చిన్న మాట‌ల్లో పొదిగి జ‌న సామాన్య గుండెల్లో నిక్షిప్తం చేసేలా గీత ర‌చ‌న చేసిన అక్ష‌ర త‌ప‌స్వి శ్రీ శాస్త్రిగారు. తెలుగు పాట‌ను కొత్త పుంత‌లు తొక్కించిన ఆ మ‌హ‌నీయుడు ఇకలేరు అనే వార్త‌ను జీర్ణించుకోవ‌డం క‌ష్టం. అస్వ‌స్థ‌త‌తో హాస్పిట‌ల్‌లో చేరిన శాస్త్రిగారు. కోలుకుంటారు అని భావించాను. ఇంత‌లోనే ఈ విషాద వార్త‌ను వినాల్సి వ‌చ్చింది. సీతారామ‌శాస్త్రిగారి మ‌ర‌ణం తెలుగు సినీ ప‌రిశ్ర‌మ‌కే కాదు.. యావ‌త్ తెలుగు సాహితీ లోకానికి తీర‌ని లోటు.

శాస్త్రిగారిని కేవ‌లం సినీ గీత ర‌చ‌యిత‌గా చూడ‌లేము. ఆయ‌న ఏ పాట రాసినా అందులో సాహిత్యం నిక్షిప్త‌మై ఉంటుంది. నేను న‌టించిన సుస్వాగ‌తంలో ఏ స్వ‌ప్న లోకాల సౌంద‌ర్య రాశి.. పాట కావ‌చ్చు. తొలిప్రేమ‌లో ఈ మ‌న‌సే.. పాట కావ‌చ్చు. అల‌తి అల‌తి ప‌దాల‌తో ప్రేమ భావ‌న‌లు చెప్పారు. ప్రేమ గీతాలు, అల్ల‌రి పాటలు ఏవైనా అంత‌ర్లీనంగా మంచి చెప్పాల‌ని ప‌రిత‌పించారు. ఓ క‌విగా స‌మాజాన్ని నిల‌దీసి, బాధ్య‌త‌లు గుర్తు చేసిన వారు. నిగ్గ‌దీసి అడుగు, అర్ధ శ‌తాబ్ద‌పు అజ్ఞానాన్ని లాంటి పాట‌లు వింటే స‌మాజాన్ని నిత్య చైత‌న్యంగా ఉంచాల‌ని శ్రీ శాస్త్రిగారు ఎంత ప‌రిత‌పించారు అర్థ‌మవుతుంది. ఎవ‌రో ఒక‌రు ఎప్పుడో అపుడు.. ఎప్పుడూ ఒప్పుకోవ‌ద్దురా ఓట‌మి..లాంటి పాట‌ల్లో ఆశావాదాన్ని అందించారు. భావి త‌రాల‌కు మ‌న సాహితీ సంప‌ద‌ను వార‌స‌త్వంగా ఇవ్వాల‌ని ప‌రిత‌పించారు. శాస్త్రిగారి రచ‌న‌ల్లో వైవిధ్యాన్ని చూస్తే ఆయ‌న క‌లానికి ఎన్ని పాళిలో అని అర్థ‌మ‌వుతుంది.

శ్రీ సీతారామ‌శాస్త్రిగారి మ‌ర‌ణం వ్య‌క్తిగ‌తంగా నాకెంతో తీర‌ని లోటు. నా ప‌ట్ల ఎంతో ఆప్యాయ‌త‌ను క‌న‌ప‌రిచేవారు. వారితో మాట్లాడితే సాహిత్యం, ఆధ్యాత్మికం నుంచి అభ్యుద‌యవాదం, సామ్య‌వాదం వ‌ర‌కు ఎన్నో అంశాల‌ను కూలంక‌షంగా చెప్పేవారు. శ్రీ శాస్త్రిగారి ఆత్మ‌కు శాంతి చేకూరాల‌ని, స‌ద్గ‌తులు ప్రాప్తించాల‌ని ఆ భ‌గ‌వంతుణ్ణి ప్రార్థిస్తున్నాను. వారి కుటుంబానికి నా త‌ర‌పున జ‌న‌సేన త‌ర‌పున ప్ర‌గాఢ సానుభూతిని తెలియ‌జేస్తున్నాను’’ అన్నారు.

పవన్ కళ్యాణ్ లెటర్



Source link

Mr.Mario
Mr.Mario
I am a tech enthusiast, cinema lover, and news follower. and i loved to be stay updated with the latest tech trends and developments. With a passion for cyber security, I continuously seeks new knowledge and enjoys learning new things.

LEAVE A REPLY

Please enter your comment!
Please enter your name here

Must Read