Monday, November 29, 2021
Homeతెలుగు Newsసినిమాposani krishna murali: Pawan Kalyan: ఏమయ్యా పవన్ కళ్యాణ్.. ఇప్పుడు చెప్పు నీ అన్నయ్య...

posani krishna murali: Pawan Kalyan: ఏమయ్యా పవన్ కళ్యాణ్.. ఇప్పుడు చెప్పు నీ అన్నయ్య చిరంజీవి రెడ్డా? కాపునా?: పోసాని సంచలన కామెంట్స్ – posani krishna murali slams pawan kalyan


ఎవరైనా నిజాయితీ పరుడు ప్రశ్నిస్తే విలువ ఉంటుందని కానీ పవన్ కళ్యాణ్ ప్రశ్నిస్తే ఎవరు వింటారంటూ సంచలన కామెంట్స్ చేశారు పోసాని కృష్ణ మురళి. పవర్ స్టార్ పవన్ కళ్యాణ్ ‘రిపబ్లిక్’ సినిమా ఆడియో వేడుకలో చేసిన కామెంట్స్‌కి కౌంటర్ ఇస్తూ సోమవారం నాడు ప్రెస్ మీట్ నిర్వహించారు పోసాని. ఈ సందర్భంలో పవన్ కళ్యాణ్ కుల రాజకీయాలు చేసి కులాలను రెచ్చగొడుతున్నారంటూ మండిపడ్డారాయన.

పోసాని మాట్లాడుతూ.. ‘నీ వ్యక్తిత్వం గొప్పదైతే చెప్పు పవన్ కళ్యాణ్.. జగన్ నీ మాట నీ ఇంటికి వచ్చి వింటాడు. ఏ రకంగా నీ వ్యక్తిత్వం గొప్పదో చెప్పు.. నీ మాట ఎందుకు వినాలో చెప్పు.. మీ అన్నయ్యకి నీకు ఎంత తేడా ఉందో చూశావా?? నువ్ ఎవర్నైతే తిడుతున్నావో అదే జగన్.. మీ అన్నయ్య గారికి నమస్కారం పెట్టడం లేదా?? ఇంటికి తీసుకుని వెళ్లడం లేదా? భోజనం పెట్టి మరీ ఎంత మర్యాదగా పంపిస్తున్నారు. ఏ.. మీ అన్నయ్య రెడ్డి కాదు కదా.. కాపే కదా.. నువ్ ఏం చేస్తున్నావ్.. కాపులందర్నీ గిచ్చుతున్నావ్. మాకెవరికీ లేని దురద పుట్టించావ్.. జగన్‌ని నిజంగా రెడ్డి అనే ఫీలింగ్ ఉంటే.. తన ఇంటికి రెడ్డిలను పిలుచుకునేవాడు కదా.. మీ అన్నయ్యని పిలిచి శాలువాలు కప్పి ఎందుకు సత్కరిస్తాడు. దండం ఎందుకు పెడతాడు.

మరి నేను కమ్మోడినే కదా.. మరి నాకు ఎందుకు ఎమ్మెల్యే టికెట్ ఇస్తానని అన్నాడు.. పోసాని రెడ్డి కాదు కదా.. దిల్ రాజు అనే అతనికి ఏమైనా దురద ఉందా?? రెడ్డి అని ఎక్కడైనా చెప్పుకున్నాడా? అతని దగ్గర ఎంత మంది రెడ్లు ఉన్నారు.. బ్రాహ్మణులు ఉన్నారు.. మిగిలిన క్యాస్ట్ వాళ్లు ఉన్నారు.. క్యాస్ట్‌తో సంబంధం లేకుండా దిల్ రాజు ఎంతో మందికి అవకాశాలు ఇచ్చాడు. వీళ్లందరికీ ఎందుకు కులం రంగు పులుముతున్నావు.

జగన్‌ని ఎన్ని విధాలుగా దెబ్బకొట్టాలని చూసినా నీకు పని కాలేదు.. ఇప్పుడు మళ్లీ ఈ కులాన్ని ప్రయోగిస్తున్నావా? జగన్‌కి కులపిచ్చి ఉందో లేదో చూపిస్తా రా.. పులివెందుల పోదాం.. ఎందుకొచ్చిన మాటలు పవన్ కళ్యాణ్.? జనం చప్పట్ల కోసం అబద్ధాలు చెప్పాలా?

నువ్ పెద్దగా చదువుకోలేదని నాకు తెలుసు. మనిషి మానవత్వంతో బతకాలంటే.. దేశాన్నైనా చూడాలి.. కోశాన్నైనా చూడాలి.. దేశం అంటే ప్రపంచ జ్ఞానం.. కోశం అంటే బుక్స్ నాలెడ్జ్. నీకు ప్రపంచ జ్ఞానం లేదు.. పుస్తక జ్ఞానం లేదు. తెగ చదివేసానని అంటావ్.. చదువుకున్నోడు ఇలా మాట్లాడతాడా?

మీ అన్నయ్యని చిన్నప్పటి నుంచి చూస్తున్నా.. ఆరోజు నుంచి ఈరోజు వరకూ ఒక్కర్ని కూడా అరేయ్ అని అనడం నేను వినలేదు. ఒక్కర్ని కూడా బాధపెట్టలేదు.. మీ అన్నయ్యని చూసి నేర్చుకో.. జగన్‌తో పోల్చుకోకు’ అంటూ ఓ రేంజ్‌లో ఫైర్ అయ్యారు పోసాని కృష్ణమురళి.



Source link

RELATED ARTICLES

LEAVE A REPLY

Please enter your comment!
Please enter your name here

Today's feeds