Homeతెలుగు NewsసినిమాPrakash Raj: ప్రకాష్ రాజ్ అసిస్టెంట్స్‌కి డుప్లెక్స్ ఇల్లు.. సాయంలోనూ ఆయన మోనార్కే - telugu...

Prakash Raj: ప్రకాష్ రాజ్ అసిస్టెంట్స్‌కి డుప్లెక్స్ ఇల్లు.. సాయంలోనూ ఆయన మోనార్కే – telugu actor anand bharathi about prakash raj greatness


ప్రకాష్ రాజ్ నటనలో శిఖరం.. ఆయన విలక్షణ నటనకు ఎవరైనా ఫిదా కావాల్సింది. నాయకుడిగా నైనా.. ప్రతినాయకుడిగా నైనా.. తండ్రిగా నైనా.. తనయుడిగా నైనా.. పాత్ర ఏదైనా పండించడమే అతని పని. సింగిల్ టేక్‌లో షాక్ ఓకే చేసి.. క్లాప్స్ కొట్టించగలిగే అద్భుత నటుడు ప్రకాష్ రాజ్. సినిమాలో ఆయన ఉన్నాడంటే.. హీరో హీరోయిన్లు సంగతి పక్కనపెడితే ప్రత్యేకంగా ఆయన కోసం తెగే టికెట్లు చాలానే ఉంటాయి.

అయితే మా ఎన్నికల నేపథ్యంలో ఈ మహానటుడు విమర్శల పాలు కావడంతో పాటు.. లోకల్ నాన్ లోకల్ ఇష్యూతో మంచు విష్ణు చేతిలో ఘోర పరాజయం పాలయ్యాడు. ఇదిలా ఉంటే.. ప్రకాష్ రాజ్ జూనియర్ ఆర్టిస్ట్‌లను సరిగా చూడడని.. అసలు వాళ్లతో మాట్లాడటానికి ఇష్టపడడని సెట్స్‌లో చాలా స్ట్రిక్ట్‌గా ఉంటూ తన పని తాను చేసుకునిపోతాడే తప్ప.. ఎవరిని కలుపుకుని మాట్లాడే స్వభావం ఆయనకు లేదంటూ మా ఎన్నికల నేపథ్యంలో ప్రకాష్ రాజ్‌ని చాలామంది విమర్శించారు.

ఈ నేపథ్యంలో ప్రముఖ నటుడు ఆనంద్ భారతి.. ప్రకాష్ రాజ్ గొప్పతనాన్ని తెలియజేస్తూ మాట్లాడిన మాటలు సోషల్ మీడియాలో వైరల్ అవుతున్నాయి. ఆయన మాట్లాడుతూ.. ‘నేను కెరియర్ మొదలుపెట్టినప్పుడు చాలామంది నటీనటులు, విలన్లు పక్క ఇండస్ట్రీ నుంచి వచ్చేవారు. మన తెలుగులో నటించేవాళ్లు లేరా.. బయటవాళ్లు వచ్చి చేయడానికి మనలో ఏం తక్కువ అనుకునేవాడ్ని.. ఆ టైంలో ప్రకాష్ రాజ్ గారు కూడా వచ్చారు. బద్రి సినిమాలో మెయిన్ విలన్‌గా ప్రకాష్ రాజ్ వస్తే.. ఈ మాత్రం మేం చేయలేం అనుకున్నాం.. కానీ రాను రాను తెలిసింది ఏంటంటే.. నిజంగా ఆ పాత్ర మాకు ఇస్తే మేం చేయలేం.. క్యారెక్టర్‌కి ప్రాణం పోస్తాడు ఆయన.. మనం చేస్తూ చేస్తూ పోతే ఏనాడైనా ప్రకాష్ రాజ్‌లా మనం చేయవచ్చు.

ప్రకాష్ రాజ్ గారు లొకేషన్‌లో ఉంటే అందరితో బాగా మాట్లాడతారు. బద్రి సినిమా అప్పటి నుంచి తెలుసు కాబట్టి.. సెట్‌లో కనిపిస్తే ఏరా ఎలా ఉన్నారు.. ఇంట్లో వాళ్లంతా బాగున్నారా? ప్రాబ్లమ్ ఏం లేదుకదా అని అడుగుతారు. ఆయన దగ్గర మేం ఏం సాయం తీసుకోలేదు కానీ.. ఆయనకు బాగా హెల్పింగ్ నేచర్ ఎక్కువ.. వాళ్ల అసిస్టెంట్స్‌కి మణికొండలో డూప్లెక్స్ హౌస్‌లు కట్టిచ్చారు. ఈరోజుల్లో అలాంటి సాయం ఎవరు చేస్తారు.. అది ఆయన గొప్పతనం’ అంటూ ప్రశంసలు కురిపించారు ఆనంద్ భారతి.

విలన్‌గా క్యారెక్టర్ ఆర్టిస్ట్‌గా ఎవడు, ఎక్స్ ప్రెస్ రాజా, గోలీమార్, దుబాయ్ శ్రీను, అతడు, నువ్వు నాకు నచ్చావ్, కిక్, బద్రి తదితర చిత్రాల్లో నటించాడు ఆనంద్ భారతి.



Source link

Mr.Mario
Mr.Mario
I am a tech enthusiast, cinema lover, and news follower. and i loved to be stay updated with the latest tech trends and developments. With a passion for cyber security, I continuously seeks new knowledge and enjoys learning new things.

LEAVE A REPLY

Please enter your comment!
Please enter your name here

Must Read