బిగ్ బాస్ ఇంట్లో వ్యవహారం ఎంతకీ అంతు చిక్కవు. ఒక్కోసారి అనుకున్నవి జరుగుతుంటాయి. ఇంకొన్ని సార్లు అస్సలు ఊహించనవి జరుగుతుంటాయి. అసలే ఈ వారం పది మంది నామినేషన్లోకి వచ్చారు. డబుల్ ఎలిమినేషన్ ఉంటుందని అంతా భావిస్తున్నారు. అయితే అందులో ఓ ట్విస్ట్ కూడా ఉంటుందని అనుకుంటున్నారు. ఇంటి సభ్యులకు డబుల్ ఎలిమినేషన్ అని చెప్పి.. ఒకరిని సీక్రెట్ రూంలోకి పంపిస్తారని అంతా భావిస్తున్నారు. దానికి తగ్గట్టే ఇప్పుడు ఒక ప్రోమో వచ్చింది. ఇందులో కంటెస్టెంట్ల మధ్యే చిచ్చు పెట్టేశాడు నాగ్.

నామినేషన్లో ఉన్న వారినే తమలో తాము కొట్టుకుని చచ్చేలా చేశాడు నాగ్. చివరకు మిగిలిన ఇద్దరిలో ప్రియ, లోబోల్లో ట్విస్ట్ పెట్టాడు నాగ్. నామినేషన్లో ఉన్న మిగతా వారిని ఈ ఇద్దరిలో ఇంట్లో ఉండే అర్హత ఎవరికి ఉంది? ఎవరికి లేదు?అని అడిగేశాడు. అయితే చివకు ప్రియ, లోబోల వద్దకు వచ్చే సరికి నిర్ణయాన్ని కంటెస్టెంట్ల చేతిలోనే పెట్టేశాడు.

మూడో సీజన్‌లోనూ ఇలాంటిదే ఓ టాస్క్ చేశాడు. అప్పుడు పునర్నవిని ఇంటి నుంచి బయటకు పంపించాలి అంతా నిర్ణయించారు. ఆమె బ్యాగు సర్దుకుని గేటు వచ్చే వరకు అది డ్రామా కూడా తెలియనివ్వలేదు. కానీ చివర్లో నాగ్ ట్విస్ట్ ఇవ్వడంతో పునర్నవి ఎలిమినేషన్ డ్రామా అని తేలిపోయింది. ఇక్కడ కూడా అచ్చం అలాంటి కాన్సెప్ట్ వాడినట్టు కనిపిస్తోంది.

ఇంటి సభ్యుల్లో లోబో, ప్రియకు ఎవరెవరు ఓట్లేస్తారో చూడాలి. అయితే చివర్లో ఆనీ మాస్టర్ ఓటు కీలకంగా మారేట్టు కనిపిస్తోంది. అయితే ఈ ఇద్దరిలో ఎవరో ఒకరు సీక్రెట్ రూంలోకివెళ్లే చాన్స్ ఉంది. పరిస్థితిని బట్టి చూస్తే లోబోకు సీక్రెట్ రూంలోకి వెళ్లే చాన్స్ ఎక్కువగా ఉన్నట్టు కనిపిస్తోంది. అయితే ఏం జరుగుతుందో తెలియాలంటే ఇంకొన్ని గంటలు ఆగాల్సిందే.