ప్రధానాంశాలు:
- రొమాంటిక్ ప్రీమియర్
- పూరి జగన్నాథ్ ఫుల్ ఖుషీ
- కొడుకు రొమాన్స్పై కామెంట్స్
రొమాంటిక్ సినిమాలో ఎంత రొమాన్స్ ఉందో సినిమా పోస్టర్లు, ట్రైలర్, టీజర్, సాంగ్స్ పట్టి చూస్తే తెలుస్తోంది. కథ విన్నప్పుడే రొమాన్స్ను కాస్త తగ్గించండి నాన్న అని అన్నాడట. ఏం చేయమంటే అది చేస్తాను దూకమంటే దూకుతాను కానీ రొమాన్స్ మాత్రం తగ్గించండని వేడుకున్నాడట. సినిమా పేరు రొమాంటిక్. ఇంకా ఏం తగ్గించడంరా? అని అనేశాడట.
అయితే సినిమా షూటింగ్ మధ్యలో ఓ సారి రొమాన్స్ సీన్, ముద్దు పెట్టే సీన్లు చేయడం లేదని, సరిగ్గా కో ఆపరేట్ చేయడం లేదని అనిల్ ఫోన్ చేశాడు. నేను తిట్టేశాను. మధ్యలో అద్దం పెట్టి ఓ సీన్ తీశాడు. అలా రొమాన్స్ సరిగ్గా చేయలేదని ఫీలవుతున్నాను. వాడు మంచి నటుడే కానీ రొమాన్స్లో వీక్. రొమాన్స్ చేస్తానంటే ఇంకా రాస్తాను నన్ను సరిగ్గా వాడుకోవడం లేదు.. నాలాంటి తండ్రి ఎవ్వరికీ ఉండడు అని ఆకాష్ పూరిని ఉద్దేశించి పూరి జగన్నాథ్ మాట్లాడాడు.
సినిమాను వీక్షించిన ప్రతీ ఒక్క దర్శకుడు మెచ్చుకున్నారని, అందరూ ఎమోషనల్ అయ్యారని అన్నాడు. థియేటర్ కాకపోతే ఏడ్చేవాళ్లమని అన్నారట. అందరికీ టచ్ అవుతుంది. సినిమా బాగుందని అందరూ అంటుంటే చాలా సంతోషంగా ఉందని పూరి జగన్నాథ్ తెలిపాడు.