ప్రధానాంశాలు:
- RRR ట్రైలర్ రికార్డ్స్
- 24 గంటల్లో ఎక్కువ వీక్షించిన ట్రైలర్ గా రికార్డ్
- RRRపై ఉన్న అంచనాలకు ఇదే నిదర్శనం అంటున్న ట్రేడ్ వర్గాలు
గోండు వీరుడు కొమురం భీమ్‌, మ‌న్యం వీరుడు అల్లూరి సీతారామ‌రాజు చ‌రిత్ర‌లో క‌లుసుకున్న దాఖ‌లాలు లేవు. అయితే వీరిద్ద‌రూ క‌లుసుకుని ఉండుంటే, వారి ఆలోచ‌న‌లు, భావాల‌ను ప‌రస్ప‌రం పంచుకుని.. దేశ స్వాతంత్య్రం కోసం బ్రిటీష్ వారిని ఎదిరిస్తే ఎలా ఉండొచ్చు అనే ఊహాత్మ‌క అంశంతో RRR క‌థ‌ను త‌యారు చేయించి కేవ‌లం ఇండియన్ స్టార్స్‌తోనే కాదు.. హాలీవుడ్ స్టార్స్ అయిన రే స్టీవెన్ స‌న్, అలిస‌న్ డూడి, ఒలివియా మోరిస్ వంటి వారిని కూడా ఈ చిత్రంలో న‌టింప చేశారు రాజ‌మౌళి. ప్ర‌పంచ వ్యాప్తంగా ఈ సినిమా జ‌న‌వ‌రి 7న భారీ ఎత్తున విడుద‌ల‌వుతుంది. ఇందులో కొమురం భీమ్‌గా ఎన్టీఆర్‌, అల్లూరి సీతారామ‌రాజుగా రామ్ చరణ్ న‌టించారు.
ప్ర‌స్తుతం ఎన్టీఆర్‌, రామ్ చరణ్, రాజ‌మౌళి, ఆలియా భట్, దాన‌య్య, అజ‌య్ దేవగణ్ స‌హా టీమ్ అంతా ప్ర‌మోష‌న్స్ కార్య‌క్ర‌మాల్లో బిజీగా ఉంది. గురువారం (డిసెంబ‌ర్ 9)న ఈ సినిమా ట్రైలర్ విడుద‌లైంది. ఈ సినిమాపై ఎలాంటి అంచ‌నాలున్నాయ‌నే విష‌యం ట్రైలర్ చూస్తేనే అర్థం చేసుకోవ‌చ్చు. ఎందుకంటే ఇండియాలో మ‌రే సినిమా సాధించిన సరికొత్త రికార్డును RRR మూవీ ట్రైలర్ క్రియేట్ చేసింది. ట్రైలర్ విడుద‌లైన 24 గంట‌ల్లోనే 51.1 మిలియ‌న్ వ్యూస్‌ను సాధించింది. ఇది ఐదు భాష‌ల్లో క‌లిపి. అందులో
తెలుగు – 20.23 మిలియన్స్
హిందీ – 19.08 మిలియన్స్
క‌న్న‌డ – 5.16 మిలియన్స్
త‌మిళం – 3.21 మిలియన్స్
మ‌ల‌యాళం- 2.40 మిలియన్స్
అంటే మొత్తంగా 51.1 మిలియన్స్ వ‌చ్చాయి. సోషల్ మీడియాను షేక్ చేస్తున్నRRR ట్రైల‌ర్‌కే ఇలా రికార్డ్ క్రియేట్ చేస్తే.. ఇక సినిమా విడుద‌లైన త‌ర్వాత ఎలాంటి రికార్డులు క్రియేట్ అవుతాయో చూడాల‌ని ట్రేడ్ వర్గాలు ఎంతో ఆసక్తిగా ఎదురు చూస్తున్నాయి.
