shilpa shetty: Raj Kundra: భర్తతో గొడవ.. పోలీసుల ముందు ఏడ్చేసిన శిల్పా శెట్టి! బిగుస్తున్న ఉచ్చు – raj kundra case: shilpa shetty emotional while giving her statement to police

0
89
shilpa shetty: Raj Kundra: భర్తతో గొడవ.. పోలీసుల ముందు ఏడ్చేసిన శిల్పా శెట్టి! బిగుస్తున్న ఉచ్చు – raj kundra case: shilpa shetty emotional while giving her statement to police


ప్రధానాంశాలు:

  • పోర్నోగ్రఫీ కేసులో రాజ్ కుంద్రా అరెస్ట్
  • కొనసాగుతున్న పోలీస్ విచారణ
  • శిల్పా శెట్టి ఎమోషనల్
  • రాజ్‌ కుంద్రా చుట్టూ బిగుస్తున్న ఉచ్చు

సీనియర్ హీరోయిన్ శిల్పా శెట్టి భర్త, ప్రముఖ వ్యాపార వేత్త రాజ్ కుంద్రా పోర్న్ రాకెట్ కేసు సంచలనంగా మారింది. శృంగార చిత్రాలను చిత్రీకరించి, యాప్స్‌లో అప్‌లోడ్ చేస్తున్నారని ఆయన్ను ముంబై పోలీసులు అదుపులోకి తీసుకొని విచారణ చేపడుతున్నారు. జులై 19వ తేదీ రాజ్ కుంద్రా అరెస్ట్ జరిగినప్పటి నుంచి ఆయనతో సంబంధం ఉన్న ప్రతి ఒక్కరిపై నిఘా పెట్టాయి క్రైం బ్రాంచ్ వర్గాలు. ఈ క్రమంలోనే రాజ్ కుంద్రాను వెంటబెట్టుకొని జుహులోని ఆయన నివాసంలో సోదాలు నిర్వహించారు.

రాజ్ కుంద్రా, శిల్పా శెట్టిలతో ముఖాముఖిగా కూర్చొని లోతుగా విచారించారు పోలీసులు. అయితే ఆ సమయంలో శిల్పా శెట్టి తీవ్రంగా కన్నీరు పెట్టుకున్నట్లు సమాచారం. ఈ వ్యవహారం వల్ల తమ ఇమేజ్ డామేజ్ అయిందని తెలుపుతూ క్రైం బ్రాంచ్ అధికారులపై ఎమోషనల్‌గా కొన్ని ప్రశ్నలు సంధించిందట శిల్ప. పోర్న్ లేదా అశ్లీల చిత్రాల నిర్మాణంలో తాను పాల్గొనలేదని, అలాగే తన భర్త నిర్దోషి అని మొదటినుంచి చెప్పుకుంటూ వస్తున్న ఆమె.. రాజ్ కుంద్రా అశ్లీల పని చేశారా అని పదే పదే అధికారులను అడిగినట్లు తెలిసింది. ఈ కేసు వల్ల తమ చేతిలో ఉన్న చాలా ఒప్పందాలు క్యాన్సిల్ అయ్యాయని, తీవ్రంగా నష్టపోయామని ఆమె చెప్పిందట.

కాగా, విచారణ నిమిత్తం రాజ్ కుంద్రాను తన ఇంటికి తీసుకెళ్లినప్పుడు, శిల్పా శెట్టి తన భర్తతో చాలా వాగ్వాదానికి దిగారని ఓ నివేదికలో తెలిసింది. క్రైం బ్రాంచ్ అధికారులు శిల్పా వాంగ్మూలాన్ని తీసుకుంటున్నప్పుడు ఆమె ఎమోషనల్ అయిందని, దాదాపు 2 గంటల పాటు శిల్ప స్టేట్‌మెంట్ రికార్డ్ చేశారని తెలిసింది.
telugu samayamనాకైతే అలాంటివి ఇష్టం లేదు.. సింపుల్‌గా ‘నో’ అనేస్తా.. ఓపెన్‌గా చెప్పేసిన నిధి అగర్వాల్
జులై 27 వరకు పోలీసు కస్టడీలోనే ఉండనున్నారు రాజ్ కుంద్రా. బెయిల్ కోసం రాజ్ కుంద్రా తరఫు లాయర్ బొంబాయి హైకోర్టులో దరఖాస్తు చేశారు. నేడు ఈ బెయిల్ పిటిషన్‌పై హైకోర్టులో విచారణ జరగనుంది. మరోవైపు తాజా పరిస్థితులు చూస్తుంటే ఈ కేసులో రాజ్ కుంద్రా మెడకు ఉచ్చు బిగుస్తున్నట్లు తెలుస్తోంది. వియాన్‌ ఇండస్ట్రీస్‌ కంపెనీలో ఆయన దగ్గర పని చేసే ఉద్యోగులే కుంద్రాకు వ్యతిరేకంగా సాక్ష్యం చెప్పడానికి ముందుకు వచ్చినట్లుగా సమాచారం.



Source link

LEAVE A REPLY

Please enter your comment!
Please enter your name here