பாடகியாக மட்டுமல்லாமல் அழகியாகவும் வலம் வந்து தமிழ் சினிமா ரசிகர்கள் மத்தியில் பிரபலமானவர் ஸ்ரேயா கோஷல். அண்மையில் தனக்கு ஆண் குழந்தை பிறந்துள்ளதாக மகிழ்ச்சிகரமாக தனது சமூக வலைத்தள பக்கத்தில் தெரிவித்திருந்தார். இந்நிலையில் பல மாதங்களுக்கு பிறகு தனது குழந்தையின் புகைப்படத்தை இன்ஸ்டாகிராம் பக்கத்தில் பகிர்ந்துள்ளார் ஸ்ரேயா கோஷல்.

ஏ. ஆர். ரஹ்மான் இசையில் ‘சில்லுனு ஒரு காதல்’ திரைப்படத்தில் இடம்பெற்ற ‘முன்பே வா அன்பே வா’ பாடலை பாடி கோலிவுட் ரசிகர்களை கவர்ந்த ஸ்ரேயா கோஷல், தமிழ், தெலுங்கு, மலையாளம், கன்னடம், நேபாளம், பாகிஸ்தானி, துலு, பெங்காலி, போஜ்பூரி என பல மொழிகளில் பாடல்களை பாடியுள்ள ஸ்ரேயா, நான்கு முறை தேசிய விருதையும் பெற்றுள்ளார்.

இந்நிலையில் கடந்த 2015 ஆம் ஆண்டு தன்னுடைய நீண்ட கால காதலர் சிநேகிதனான ஷீலாதித்யா என்பவரை திருமணம் செய்து கொண்டார். சினிமா உலகில் பலரின் வாழ்த்துக்களை பெற்ற இந்த தம்பதியினருக்கு, திருமணமாகி ஆறு ஆண்டுகள் ஆகியும் குழந்தை இல்லாமல் இருந்தனர்.
இதென்ன புது ட்விஸ்ட்: விஜய் சேதுபதி படத்தில் இணைந்த கெளதம் மேனன்!
இந்நிலையில் கடந்த ஆறு மாதங்களுக்கு முன்பாக இந்த தம்பதியினருக்கு ஆண் குழந்தை பிறந்தது. தனது குழந்தையின் புகைப்படத்தை இத்தனை மாதங்களாக எந்தவொரு சமூக வலைத்தளத்திலும் பகிராத ஸ்ரேயா, தற்போது முதன்முறையாக தன்னுடைய குழந்தையின் புகைப்படத்தை தனது இன்ஸ்டாகிராம் பக்கத்தில் பகிர்ந்துள்ளார்.

இது தொடர்பாக அவர் தனது பதிவில், ‘எனது பெயர் தேவ்யான். நான் இப்போது ஆறு மாதம் ஆகி உள்ளேன். நான் தற்போது மிகவும் பிசியாக பாடல்கள் கேட்டுக் கொண்டும் புத்தகம் படித்துக் கொண்டும் சிரித்துக் கொண்டும் இருக்கிறேன். பெரும்பாலான நேரங்களை எனது அம்மாவுடன் கழிக்கின்றேன். அவர் என்னை கவனமாக பார்த்துக் கொள்கிறார். உங்கள் அனைவரது அன்பும் ஆசியும் எனக்கு தேவை’ என தனது மகன் பேசுவதை போன்று பதிவிட்டுள்ளார். அவரின் இந்த பதிவிற்கு லைக்குகள் குவிந்து வருகின்றன.

அட ராய் லெட்சுமியா இது; நம்பவே முடியலேயேப்பா!