Thursday, December 2, 2021
Homeతెలుగు NewsసినిమాSita Manohara Sree Raghava : వెండితెరకు మరో వారసుడు.. వెరైటీ టైటిల్‌తో విరాట్ రాజ్

Sita Manohara Sree Raghava : వెండితెరకు మరో వారసుడు.. వెరైటీ టైటిల్‌తో విరాట్ రాజ్



photo 85621963

సినీ ఇండస్ట్రీలో వారసత్వ హీరోలు అనేది కొత్తేమీ కాదు. అలా కాలప్రవాహాంలో ఎంతో మంది వారసులు వచ్చారు. ఇంకా వస్తూనే ఉన్నారు. అందులో కొందరు నిలబడ్డారు. ఇంకొందరు వెనకబడ్డారు. తాజాగా మరో వారసుడు ఎంట్రీ ఇచ్చారు. నాటి అందాల హీరో హరనాథ్ గురించి ప్రత్యేకంగా చెప్పనక్కర్లేదు. ఎన్టీఆర్, ఏఎన్నార్ వంటి వారికే హరనాథ్ పోటీ ఇచ్చారు. అలాంటి హరనాథ్ సోదరుడు వెంకట సుబ్బరాజు సైతం కొన్ని చిత్రాల్లో నటించారు. ఇప్పుడు ఆయన కుమారుడు హీరోగా తెరంగేట్రం చేయబోతోన్నారు.

‘విరాట్ రాజ్’ పుట్టినరోజు సందర్భంగా నేడు మూవీ టైటిల్‌ను, ఫస్ట్ లుక్‌ను విడుదల చేసింది చిత్రయూనిట్. ఈ మేరకు ఎంతో మంది గొప్ప నటులుగా తీర్చి దిద్దిన సత్యానంద్.. మూవీ ఫస్ట్ లుక్‌ను విడుదల చేశారు. మూవీ టైటిల్ ‘సీతామనోహర శ్రీరాఘవ’ చూస్తుంటే మంచి పవర్ ఫుల్‌గా ఉంది. ఇక ఫస్ట్ లుక్‌ చూస్తే కమర్షియల్ టచ్ ఇచ్చినట్టు అనిపిస్తోంది.

చేతిలో గన్ పట్టుకుని అలా స్టైల్‌గా హీరో నిలబడ్డారు. మొత్తానికి ఈ మూవీ టైటిల్, ఫస్ట్ లుక్ మాత్రం అందరినీ ఆకట్టుకుంటోంది. ఈ చిత్రం ద్వారా దర్శకుడిగా పరిచయం అవుతున్న దుర్గా శ్రీ వత్సస.కె. మాట్లాడుతూ.. హీరోగా విరాట్ రాజ్ పరిచయం అవుతున్న ఈ చిత్రం ద్వారా దర్శకుడిగా నేనూ పరిచయం కావడం సంతోషంగా ఉంది. ఒక ఇమేజ్ కు మాత్రమే పరిమితం కాకుండా ఈ చిత్రం ద్వారా భిన్నమైన చిత్రాలకు సరితూగే ఇమేజ్ ను ‘విరాట్ రాజ్’ స్వంతం చేసుకునేలా ఈ చిత్రం కథను సిద్ధం చేయటం జరిగింది. చిత్రం పేరు ‘సీతామనోహర శ్రీరాఘవ’. పేరు వెనుక కథ ఏమిటన్నది ప్రస్తుతానికి గోప్యంగా ఉంచుతున్నాము. సకుటుంబ సపరివార సమేతంగా చూడదగ్గ చిత్రంగా, మాస్ ఎంటర్ టైనర్ గా తెరకెక్కుతున్న ఈ చిత్రం పలు భావోద్వేగాల సమ్మిళితం అన్నారు దర్శకుడు. కె.జి.ఎఫ్. 2, సలార్ చిత్రాలకు సంగీతం సమకూరుస్తున్న ‘రవి బస్రూర్’ ఈ చిత్రానికి సంగీత దర్శకత్వం వహిస్తున్నారు.

వెండితెరకు మరో నట వారసుడిని తమ ‘వందన మూవీస్’ చిత్ర నిర్మాణ సంస్థ ద్వారా పరిచయం చేయటం చాలా ఆనందం గా ఉంది అన్నారు చిత్ర నిర్మాత సుధాకర్ పేర్కొన్నారు. సెప్టెంబర్‌లో షూటింగ్ ప్రారంభం అవుతుందని, చిత్రంలో ఇతర తారాగణం, సాంకేతిక నిపుణులు ఎవరన్నది మరోసారి ప్రకటించటం జరుగుతుందని నిర్మాత తెలిపారు.



Source link

RELATED ARTICLES

LEAVE A REPLY

Please enter your comment!
Please enter your name here

Today's feeds