SSMB 28: క్రేజీ కాంబినేషన్‌ గురించి మరో ఆసక్తికర అప్‌డేట్.. కీలక పాత్ర కోసం బాలీవుడ్ స్టార్ హీరో – sanjay dutt to act in mahesh babu and trivikram upcoming movie

0
14
SSMB 28: క్రేజీ కాంబినేషన్‌ గురించి మరో ఆసక్తికర అప్‌డేట్.. కీలక పాత్ర కోసం బాలీవుడ్ స్టార్ హీరో – sanjay dutt to act in mahesh babu and trivikram upcoming movie


సూపర్‌స్టార్ మహేశ్ బాబు ప్రస్తుతం ‘గీత గోవిందం’ ఫేమ్ పరశురామ్ దర్శకత్వంలో రూపొందుతున్న ‘సర్కారు వారి పాట’ అనే సినిమాలో నటిస్తున్నాడు. ఈ సినిమా తర్వాత ఆయన దర్శకధీరుడు రాజమౌళితో సినిమా చేయనున్నాడు. అయితే ఈ మధ్యలోనే మహేశ్ మాటల మాంత్రికుడు త్రివిక్రమ్ కాంబినేషన్‌లో మరో సినిమా చేస్తున్నారని కొద్ది రోజుల క్రితం ప్రకటన వచ్చిన విషయం తెలిసిందే. ఈ కాంబినేషన్‌లో హ్యాట్రిక్ సినిమా రాబోతుందని ప్రకటన రావడంతో అభిమానుల్లో ఉత్సాహం తారాస్థాయిలో నెలకొంది.

గతంలో మహేశ్ బాబు, త్రివిక్రమ్ కాంబినేషన్‌లో ‘అతడు’, ‘ఖలేజా’ సినిమాలు వచ్చాయి. ఇందులో ‘అతడు’ కాస్త ఫర్వాలేదు అనిపించినా.. ‘ఖలేజా’ మాత్రం నిరాశపరిచింది. అయితే ఇప్పుడు ఈ రెండు సినిమాలు ఎప్పుడు టీవీల్లో వచ్చినా.. ప్రేక్షకులు చూపు తిప్పుకోకుండా చూస్తారు. అలా క్లాసిక్ సినిమాల్లా ఇవి మిగిలిపోయాయి. దీంతో ఇప్పుడు మరోసారి ఈ కాంబినేషన్‌లో ఓ సినిమా వస్తుంది అని తెలియడంతో.. అంచనాలు ఎక్కడికో వెళ్లిపోయాయి. అంతేకాక.. ఈ సినిమా గురించి రోజుకో వార్త కూడా సోషల్‌మీడియాలో వైరల్ అవుతున్నాయి.

తాజాగా ఈ సినిమాకు సంబంధించి ఓ ఆసక్తికర అప్‌డేట్ సోషల్‌మీడియాలో హల్‌చల్ చేస్తోంది. ఈ సినిమాలో ప్రముఖ బాలీవుడ్ హీరో సంజయ్ దత్ ఓ ప్రధాన పాత్రలో కనిపిస్తున్నారనే టాక్ ప్రస్తుతం బలంగా వినిపిస్తోంది. ఇప్పటికే త్రివిక్రమ్ ఆయనకు కథ వినిపించగా.. దానికి ఆయన ఓకే కూడా చెప్పారని తెలుస్తోంది. అంతేకాదు మహేష్, సంజయ్‌ల మధ్య ఉండే సన్నివేశాలు సినిమాకే హైలైట్ నిలుస్తాయని టాక్. భారీ అంచనాలతో రూపొందే ఈ సినిమాకు ‘హారికా అండ్ హాసిని’ బ్యానర్‌పై నిర్మిస్తున్నారు.



Source link

LEAVE A REPLY

Please enter your comment!
Please enter your name here