Sukumar: డైరెక్టర్ సుకుమార్‌కి తీవ్ర అస్వస్థత.. ‘పుష్ప’ సినిమా షూటింగ్‌కు అంతరాయం – pushpa shooting postponed due to ill health of sukumar

0
35
Sukumar: డైరెక్టర్ సుకుమార్‌కి తీవ్ర అస్వస్థత.. ‘పుష్ప’ సినిమా షూటింగ్‌కు అంతరాయం – pushpa shooting postponed due to ill health of sukumar


స్టైలిష్ స్టార్ అల్లు అర్జున్, క్రియేటివ్ డైరెక్టర్ సుకుమార్ కాంబినేషన్‌లో వస్తోన్న చిత్రం ‘పుష్ప’. వీరిద్దరి కాంబోలో వస్తోన్న మూడో చిత్రమింది. రష్మికా మందన హీరోయిన్. ‘పుష్ప’ ద్వారా అల్లు అర్జున్ హిందీ మార్కెట్‌లోకి అడుగుపెడుతున్నారు. అంతేకాదు.. ఈ సినిమాతో అల్లు అర్జున్‌ని ఐకాన్ స్టార్‌గా పరిచయం చేస్తున్నారు.‘పుష్ప’ను పాన్ ఇండియా మూవీగా తెలుగుతో పాటు హిందీ, తమిళం, మలయాళం, కన్నడ భాషల్లో విడుదల చేయనున్నారు.

కొద్ది రోజుల క్రితం విడుదలైన ఈ సినిమా టీజర్ ప్రేక్షకుల్లో మరిన్ని అంచనాలను పెంచేసింది. టీజర్‌లోని విజువల్స్, బ్యాక్‌గ్రౌండ్ మ్యూజిక్.. విశేషంగా ఆకట్టుకున్నాయి. అన్నికన్న ప్రధానంగా టీజర్ చివర్లో అల్లు అర్జున్ చెప్పిన ‘తగ్గేదే లే’ అనే డైలాగ్‌ సినిమాకు మరింత క్రేజ్ సంపాదించి పెట్టింది. టీజరే ఈ రేంజ్‌లో ఉంటే సినిమా ఇంకే రేంజ్‌లో ఉంటుందా అని అభిమానులు ఇప్పటికే ఊహాగానాల్లో మునిగిపోయారు.

అయితే కొద్ది రోజుల క్రితం వరకూ భయంకరంగా వ్యాపించిన కరోనా సెకండ్ వేవ్ నేపథ్యంలో అన్ని సినిమాలతో పాటు ‘పుష్ప’ సినిమా షూటింగ్ కూడా నిలిచిపోయింది. మళ్లీ పరిస్థితులు మామూలు కావడంతో షూటింగ్ తిరిగి ప్రారంభించారు చిత్ర యూనిట్. అయితే సినిమా షూటింగ్‌కు మరోసారి అంతరాయం ఏర్పడింది. దర్శకుడు సుకుమార్ గత రెండు రోజులుగా జ్వరంతో బాధపడుతుండటంతో.. ఈ సినిమా షూటింగ్‌ను తాత్కాలికంగా నిలిపివేశారు. సుకుమార్‌ ఆరోగ్యం కుదుటపడే వరకు పుష్ప షూటింగ్‌కు విరామం ఉంటుందని విశ్వసనీయ వర్గాల సమాచారం. ఆయన కోలుకున్న వెంటనే తిరిగి షూటింగ్ ప్రారంభం అవుతుందని సమాచారం.



Source link

LEAVE A REPLY

Please enter your comment!
Please enter your name here