Wednesday, December 1, 2021
Homeతెలుగు Newsసినిమాsunil: ముస్లింలా మారిపోయిన సునీల్.. సీరియస్‌ లుక్‌లో హల్‌చల్ చేస్తున్న పోస్టర్ - actor sunil...

sunil: ముస్లింలా మారిపోయిన సునీల్.. సీరియస్‌ లుక్‌లో హల్‌చల్ చేస్తున్న పోస్టర్ – actor sunil poster from movie bujji ila raa released


నవ్వించడం ఒక యోగం అనే మాట మనందరికీ తెలిసిందే. ఆ మాటను అక్షరాల నిజం చేశారు నటుడు సునీల్. ఈ జనరేషన్‌ తెలుగు కమెడియన్లలో ‘హస్యబ్రహ్మ’ బ్రహ్మానందం తర్వాత తెలుగు ప్రేక్షకులు కడుపుబ్బా నవ్వించే హాస్యం పడింది.. మంచి గుర్తింపు సాధించారు ఆయన. ఆయనే సునీల్. తన కామెడీతో తెలుగు ప్రేక్షకులను ఉర్రూతలూగించిన ఆయన.. ఆ తర్వాత హీరోగా మారిపోయారు. అయితే హీరోగా ఆయనకు అంతగా కలిసి రాలేదు. బొద్దుగా ఉండే సునీల్.. ఏకంగా సిక్స్‌ ప్యాక్ చేసినా.. ప్రేక్షకులు ఆదరించలేదు. దీంతో మళ్లీ కమెడియన్‌గా మారిపోయారు సునీల్.

త్రివిక్రమ్ శ్రీనివాస్ దర్శకత్వంలో వచ్చిన ‘అరవింద సమేత’ సినిమాతో కమెడియన్‌గా మళ్లీ రీఎంట్రీ ఇచ్చిన ఆయన.. ఆ తర్వాత విలన్‌గా కూడా ప్రేక్షకుల ముందుకు వచ్చారు. ‘డిస్కో రాజా’, ‘కలర్ ఫోటో’ వంటి సినిమాల్లో విలన్ పాత్రలో అద్భుతమైన ప్రదర్శన చేశారు సునీల్. దీంతో పాటు ఆయన పలు సినిమాల్లో ప్రధాన పాత్రల్లో నటిస్తున్నారు. ఆయన నటిస్తున్న సినిమాల్లో ఒకటి.. ‘బుజ్జి ఇలారా’. సైక‌లాజిక‌ల్ థ్రిల్ల‌ర్‌ అనేది సినిమా ట్యాగ్‌లైన్‌. ఈ సినిమాలో చాందినీ అయ్యంగార్ హీరోయిన్‌గా నటిస్తోంది.

ఇక తాజాగా కృష్ణాష్టమి సందర్భంగా ఈ సినిమా నుంచి సునీల్ ఫస్ట్‌లుక్‌ని విడుదల చేశారు. ఇందులో సునీల్ ఒక ముస్లింగా కనిపిస్తున్నారు. తలపై టోపీ పెట్టుకొని సీరియస్ లుక్‌లో ఆయన లుక్‌ ప్రేక్షకులను విశేషంగా ఆకట్టుకుంటుంది. ఇక సినిమాలో సునీల్ పాత్ర పేరు మహ్మద్ ఖయూం అని చిత్ర యూనిట్ వెల్లడించింది. ఈ సినిమాలో సునీల్‌తో పాటు కమెడియన్ ధన్‌రాజ్ మరో పాత్రను పోషిస్తున్నారు. రూపా జ‌గ‌దీశ్ స‌మ‌ర్ప‌ణ‌లో ఎస్ఎన్ఎస్ క్రియేష‌న్స్ ఎల్ఎల్‌పి, జీ నాగేశ్వ‌ర‌రెడ్డి టీమ్ వ‌ర్క్ ప‌తాకాల‌పై అగ్ర‌హారం నాగిరెడ్డి, సంజీవ‌రెడ్డి ఈ చిత్రాన్ని నిర్మిస్తున్నారు. ‘గ‌రుడ‌వేగ’ అంజి ఈ సినిమాకి దర్శకత్వం వహించడం తో పాటు సినిమాటోగ్రాఫ‌ర్‌గా కూడా వ‌ర్క్ చేస్తున్నారు.



Source link

RELATED ARTICLES

LEAVE A REPLY

Please enter your comment!
Please enter your name here

Today's feeds