Thursday, July 29, 2021
Homeతెలుగు NewsసినిమాSunil: ‘రెడ్ అలర్ట్’ అంటున్న సునీల్.. తన సినిమాపై ఆసక్తికర అప్‌డేట్ ఇచ్చిన నటుడు -...

Sunil: ‘రెడ్ అలర్ట్’ అంటున్న సునీల్.. తన సినిమాపై ఆసక్తికర అప్‌డేట్ ఇచ్చిన నటుడు – actor sunil posts latest update about his movie


స్టార్‌ కమెడియన్‌గా రాణిస్తున్న సమయంలోనే హీరోగా టర్న్ తీసుకున్నారు సునీల్. ‘అందాల రాముడు’ విజయం సాధించడంతో పూర్తిస్థాయి హీరోగా మారిపోయారు. ఆ తర్వాత పూలరంగడు, మర్యాద రామన్న.. వంటి విజయాలు అందుకున్నా హీరోగా మాత్రం నిలదొక్కుకోలేకపోయారు. వరుసగా సినిమాలన్నీ ఫ్లాపులు కావడంతో ఆయనకు ఛాన్సులు కరువయ్యాయి. దీంతో మళ్లీ కమెడియన్‌గా టర్న్ తీసుకున్నప్పటికీ గతంలో మాదిరిగా ప్రేక్షకులను అలరించలేకపోతున్నారు.

అయితే కేవలం కమెడియన్‌గా మాత్రమే కాదు.. విలన్‌గా కూడా సునీల్ తన మార్క్‌ను చూపించారు. రవితేజ హీరోగా నటించి ‘డిస్కోరాజా’ సినిమాలో సునీల్ అందరికి షాక్ ఇచ్చారు. అంతేకాక.. ‘కలర్‌ఫోటో’ సినిమాలో పూర్తిస్థాయిలో విలనిజం ప్రదర్శించారు ఆయన. ప్రస్తుతం సునీల్ సుకుమార్, అల్లు అర్జున్ కాంబినేషన్‌లో తెరకెక్కుతున్న భారీ యాక్షన్ చిత్రం ‘పుష్ప’ సినిమాలో కీలక పాత్రలో నటిస్తున్నారు. అయితే తాజాగా సునీల్ చేసిన పోస్ట్ సర్వత్ర ప్రాధాన్యత సంతరించుకుంది.

రెడ్ అలర్ట్’ అంటూ సునీల్ రెడ్ కలర్‌లో ఓ ఫోటోని ఆయన పోస్ట్ చేశారు. తన తదుపరి సినిమాల అప్‌డేట్స్ కోసం ఎదురుచూడండి అంటూ అభిమానులకు చెప్పారు. అయితే ఈ అప్‌డేట్ ఏ సినిమాకు సంబంధించిదా అనే ఉత్సుకత ప్రారంభం అయింది. అది ‘పుష్ప’ సినిమాకు సంబంధించిన అప్‌డేట్‌ని సునీల్ అందిస్తారని.. కొందరు కామెంట్ చేస్తుండగా.. లేదు సునీల్ కొత్త సినిమా అప్‌డేట్ ఇస్తారని. దాని టైటిల్ ‘రెడ్ అలర్ట్’ అయి ఉండొవచ్చని కొందరు అంటున్నారు. మరి దీనిపై స్పష్టత రావాలంటే.. సునీల్ తదుపరి పోస్ట్ వచ్చే వరకూ వేచి చూడాల్సిందే మరి.





Source link

RELATED ARTICLES

LEAVE A REPLY

Please enter your comment!
Please enter your name here

Today's feeds

Today's news

Latest offer's