லோகேஷின் ‘மாஸ்டர்’ படத்திற்கு பிறகு ‘பீஸ்ட்’ படத்தில் நடித்தார் விஜய். நெல்சனின் டாக்டர் படம் வெளியாவதற்கு முன்பே பீஸ்ட் படத்தை பற்றிய அறிவிப்பு வெளியானது. அதன் பிறகு சிவகார்த்திகேயன் நடிப்பில் வெளியான டாக்டர் படம் மிகப்பெரிய ஹிட்டடித்ததால் ரசிகர்கள் மத்தியில் ‘பீஸ்ட்’ படத்திற்கு மிகப்பெரிய எதிர்பார்ப்பு நிலவியது.

கோலமாவு கோகிலா, டாக்டர் படங்களை தொடர்ந்து தற்போது விஜய் நடிப்பில் ‘பீஸ்ட்’ படத்தை இயக்கினார் நெல்சன் திலீப்குமார். மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்ட பலர் இந்த படத்தில் நடித்திருந்தனர். ஆனால் இந்தபடம் ரசிகர்களின் எதிர்பார்ப்பினை முழுமையாக பூர்த்தி செய்யவில்லை.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

‘பீஸ்ட்’ படத்தினை தொடர்ந்து தற்போது ‘தளபதி 66’ படத்தில் நடித்து வருகிறார். ராஷ்மிகா மந்தனா கதாநாயகியாக நடிக்கும் இந்தப்படத்தின் படப்பிடிப்பு ஹைதராபாத்தில் விறுவிறுப்பாக நடைபெற்று வருகிறது. தீபாவளி வெளியீடாக இந்தப்படத்தை ரிலீஸ் செய்ய படக்குழுவினர் திட்டமிட்டுள்ளனர். இதனை தொடர்ந்து விஜய்யின் ‘தளபதி 67’ படத்தை லோகேஷ் கனகராஜ் இயக்கவுள்ளார்.

இந்நிலையில் விஜய், சிறுத்தை சிவா இயக்கத்தில் ஒரு படம் நடிக்கவுள்ளதாகத் தகவல்கள் வெளியாகியுள்ளது. இயக்குநர் சிறுத்தை சிவா விஜய்யை அவரது இல்லத்தில் சந்தித்ததாகவும், அந்த சந்திப்பின் போது சிவாவிடம் தனக்கு ஒரு கதை எழுதுமாறு விஜய் கூறியுள்ளதாகவும் செய்திகள் வெளியாகியுள்ளன.

என்ன சிம்ரன் இதெல்லாம்: ஆளே அடையாளம் தெரியாத புதிய லுக்கில் வனிதா..!
ஏற்கனவே அஜித், ரஜினி ஆகியோரை இயக்கியுள்ள சிவா இதன்மூலம் விரைவில் விஜய் உடனும் இணையலாம் என கூறப்படுகிறது. இதனை கேள்விப்பட்ட விஜய் ரசிகர்கள் அவர் நமக்கு வேண்டவே வேணாம்ன்னே என கமெண்ட் செய்தி வருகின்றனர். ஆனாலும் சிலர் அஜித்தை வைச்சு சிவா இயக்கிய இரண்டு படம் பிளாக் பஸ்டர் ஹிட்டு எனக்கூறி பதிலடி கொடுத்து வருகின்றனர்.