మెడిటేరియన్ డైట్..
బరువు తగ్గేందుకు పోషకమైన, రుచికరమైన మార్గాన్ని చూస్తున్నారా.. అయితే నిపుణులు సూచిస్తున్న మెడిటేరియన్ డైట్ సరైంది.
తాజా పండ్లు, ఆకు పచ్చ కూరగయాలు, తృణధాన్యాలు, చేపలు, గింజలు, చిక్కుళ్ళు, ఆలివ్ ఆయిల్ ఇవన్నీ ఉంటాయి. ఇందులో డెయిరీ, మీట్, పౌల్ట్రీ ఫుడ్స్ మీడియంగా తినొచ్చు.
ఈ ఫుడ్‌లో ప్రాసెస్డ్ షుగర్స్, ప్రాసెస్డ్ ఫుడ్ ఉండవు. బరువు తగ్గేందుకు ఇది బాగా హెల్ప్ చేస్తుంది. ఈ ఆహారం మీ శరీరానికి చాలా మంచిది. గుండెకి కూడా మంచిది. రక్తంలో గ్లూకోజ్ స్థాయిలను నియంత్రించడంలో సాయపడుతుంది.
Also Read : Foot Ulcer : షుగర్ ఉన్నవాళ్ళకి కాళ్ళపై పుండ్లు ఎందుకొస్తాయంటే..
ఇంటర్మిటెంట్ ఫాస్టింగ్..
అప్పుడప్పుడు ఫాస్టింగ్ అనేది మీ ఫుడ్‌ని నిర్వహించే మరో ముఖ్యమైన లైఫ్‌స్టైల్. ముఖ్యంగా బరువు తగ్గేందుకు. తినే సమయంలో మార్పులు చేయడమే దీని పద్ధతి. కాబట్టి.. మీరు మీ భోజనంలో ఎక్కువ భాగం తిని, మిగితా సమయంలో ఉపవాసం ఉండే సమయాన్ని విండో అంటారు. అయితే చాలా సమయం ఏం తినకుండా ఉండడం అనేది అందరికీ సెట్ కాకపోవచ్చు. కానీ, మీరు మీ డైటీషియన్‌ని కనుక్కోవడం మంచిది.
Also Read : Goose Berry : ఉసిరితో ఇలా చేస్తే ఎంతో మంచిది..
ఎలా ఉండాలంటే..
16/8 మెథడ్..
బ్రేక్‌ఫాస్ట్‌ని స్కిప్ చేయడం. రెండు పూటలు మాత్రమే తినడం. లంచ్, డిన్నర్. ఈ రోజు రాత్రి డిన్నర్‌కి రేపటి లంచ్‌కి మధ్య 16 గంటల గ్యాప్ ఉండేలా చూడాలి. మిగతా 8 గంటల్లో మీరు తినొచ్చు.
24 గంటల మెథడ్ : ఈ పద్ధతిలో వారానికి ఒకటి, రెండు సార్లు 24 గంటల పాటు ఉపవాసం ఉంటారు.
5:2 మెథడ్.. వారంలో 5 రోజులు, మీరు సాధారణంగానే తింటారు. మిగతా 2 రోజులు మీ కేలరీలను 500 నుంచి 600 కి మాత్రమే పరిమితం చేస్తారు. అంటే అంతే తింటారు.
వేగన్ డైట్…
ముఖ్యంగా పెరుగుతున్న మరో ఫుడ్, శాకాహార ఆహారం. అవును.. రోజురోజుకి దీనిని ఇష్టపడేవారు ఎక్కువయ్యారు. కాబట్టి, మీరు మాంసం, గుడ్లు మాత్రమే కాకుండా, పాలు, పాల ఉత్పత్తుల వంటి జంతు ఉత్పత్తులకి కూడా దూరంగా ఉండండి. ఈ డైట్‌లో మొక్కల ఆధారిత ఫుడ్ ఉంటుంది. కొత్తగా వచ్చిన మార్పుల వల్ల పాలు, మాంసం కూడా వెజిటేరియన్, మొక్కల ఆధారితమైనవి దొరుకుతున్నాయి. వీటిని తినడం వల్ల బరువు తగ్గొచ్చు.
కార్నివోర్ డైట్..
ఇది పూర్తిగా వెజ్‌కి అపోజిట్. బరువు తగ్గేందుకు చాలా ఎఫెక్టివ్‌గా ఉంటుంది. మాంసాహార ఆహారం జంతు ఉత్పత్తులను మాత్రమే తినాలని చెబుతుంది. ఈ ఫుడ్ కొంచెం పరిమితంగా ఉంటుంది. అయితే, రెడ్ మీట్, మొత్తం గుడ్లు, చికెన్, తక్కువ లాక్టోస్ డైరీని తినడానికి ఇష్టపడే వారకి బెస్ట్ ఆప్షన్. ఇది పండ్లు, కూరగాయలతో సహా అన్ని ఇతర కార్బహైడ్రేట్స్‌ని పరిమితం చేస్తుంది. బరువు తగ్గడమే కాకుండా, ఈ ఆహారం ఇన్సులిన్ సెన్సిటివిటీని మెరుగుపరిచి, వాపుని తగ్గిస్తుంది.
ఈ ఆహారంలో ఫైబర్ తక్కువగా ఉండడం వల్ల మలబద్ధకం, జీర్ణ సమస్యలు ఉండొచ్చు. మీకు హైబీపి, కొవ్వు, స్ట్రోక్, ఇతర హృదయ సంబంధ సమస్యలు వంటివి ముందుగా ఉంటే ఈ ఫుడ్‌ని తీసుకోకపోవడమే మంచిది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
- Read More : Relationship News and Telugu News