Monday, November 29, 2021
Homeతెలుగు Newsఫిట్‌నెస్weight loss tips: ఇలా చేస్తే కచ్చితంగా బరువు తగ్గుతారట.. - here are effective...

weight loss tips: ఇలా చేస్తే కచ్చితంగా బరువు తగ్గుతారట.. – here are effective and easy ways to lose weight naturally in telugu


ప్రధానాంశాలు:

  • అనేక కారణాలతో ఎదురయ్యే అధికబరువు
  • అధిక బరువుని తగ్గించే అనేక టిప్స్

అసలు ఓవర్ వెయిట్ ప్రాబ్లం వచ్చేందుకు మెయిన్ రీజన్ మన లైఫ్ స్టైలే అని నిపుణులు చాలా మంది చెబుతున్నారు. అసలు ఇలా ఓవర్ వెయిట్ అనేది రాకుండా ఉండేందుకని చాలా మంది రకరకాల వ్యాయామాలు చేస్తూ ఫిట్గా ఉండేందుకు ప్రయత్నిస్తారు.

telugu samayamరోజుకి ఎంత ప్రోటీన్ తీసుకోవాలంటే.
వెయిట్ లాస్లో భాగంగా అనేక మంది రకరకాల డైట్లను ఫాలో అవుతారు. అసలు ఎటువంటి డైట్ను తీసుకుంటే ఎంత వెయిట్ తగ్గుతారనే విషయంలో కొంత మంది సందేహ పడుతుంటారు. అందుకోసమే నిపుణులను సంప్రదించి వారు ఎలా చెబితే అలా పాటిస్తారు. కానీ కొంత మంది నిపుణులు కూడా సరైన డైట్ చెప్పకుండా తమకు తెలిసిన విధానాలను ఫాలో కమ్మని చెబుతారు. నిపుణులు సూచించారు కదా అని అనేక మంది అదే రకమైన డైట్ను ఫాలో అవడం వలన సరైన రిజల్ట్స్ రావు. అందుకోసమే సరైన డైట్ పాటించడం తప్పనిసరిగా అవసరం.

వెయిట్ లాస్ కావాలని భావించే వారు డైట్లో భాగంగా ఎటువంటి పదార్థాలు తీసుకోవాలో ప్రముఖ న్యూట్రీషియనిస్ట్ ఒకరు తెలిపారు. ఈ విధంగా చేయడం వల్ల మంచి రిజల్ట్స్ వస్తాయని ఆమె తెలిపారు. ఆమె ఎటువంటి ఆహార పదార్థాలను తీసుకోవాలని సూచించిందంటే..

“చాలా మంది తమ ఓవర్ వెయిట్ లాస్ కావడానికి రకరకాల డైట్స్‌ని పాటిస్తుంటారు. కానీ డైట్ పాటించే ముందు తగు జాగ్రత్తలు తీసుకోవాలి. లేకపోతే మన ఆరోగ్యం పాడయ్యే ప్రమాదం ఉంది. మనం డైట్ ప్లాన్ను ఎంచుకునే ముందు ఒక విషయం గుర్తుంచుకోవాలి. అసలు బరువు తగ్గడం అంటే ఆకలితో అలమటించడమో లేక కడుపు నిండా తినకపోవడమో కాదు. మనం తిన్న ఆహారంలో సరైన పోషకాలు కలిగి ఉండేలా చూసుకోవడం, అంతే కాకుండా తిన్న ఆహారానికి సరైన విధంగా అవసరమైన వ్యాయామాలు చేయడం. చాలా మంది వ్యక్తులు వ్యాయామం సరిగ్గా చేయకపోవడం వల్ల కూడా బరువు పెరిగే అవకాశం ఉంటుంది. పాత రోజుల్లో గ్రామాల్లో ఉన్న ప్రతి ఒక్కరూ చాలా కష్టపడే వారు కాబట్టి వారు ఎక్కువగా బరువు పెరగకపోయేవారు. అంతే కాకుండా ఏ విధమైన అనారోగ్యానికి గురి కాకుండా ఉండేవారు.
telugu samayamవీటిని తింటే గుండెనొప్పి, షుగర్ వ్యాధులు వస్తాయట.. జాగ్రత్త..
కానీ ప్రస్తుతం మారిన జీవనశైలి విధానంలో కొంత మందైతే అసలు శారీరకంగా శ్రమ పడటమే మర్చిపోయారు. అందుకోసమే ఇలా ఓవర్ వెయిట్ పెరుగుతూ ప్రాబ్లమ్స్‌ని కొని తెచ్చుకుంటున్నారు. కావున మనం తిన్న ఆహారానికి సరైన విధంగా వ్యాయామాలు చేయడం అలవాటు చేసుకోవాలి. వ్యాయామాల వల్లే మనం ఈజీగా బరువు తగ్గేందుకు ఆస్కారం ఉంటుంది. బరువు తగ్గేందుకు చూసే వారు తాము ఎంచుకున్న డైట్ ప్లాన్ సరైందేనా? కాదా? అది మన బాడీకి సూటవుతుందా? లేకపోతే వేరే ఆహార పదార్థాలను ఎంచుకోవాలా? అనే విషయాలను గమనించాల్సి ఉంటుంది. ఒక వేళ అలా గమనించకుండా ఇష్టం వచ్చినట్లు డైట్ ప్లాన్ సెట్ చేసుకుంటే మనం బరువు తగ్గేందుకు ఆస్కారం తక్కువగా ఉంటుంది.’’

పోషకాహారం

డైట్‌లో ఏ ఆహారం ఉండాలంటే..

మనం డైటింగ్ చేస్తున్నపుడు తరచూ ఆకలి కాకుండా ఉండేందుకు మనం ఎక్కువగా సలాడ్స్ మరియు పీచు పదార్థాలు తీసుకోవడం మంచిది. ఈ ఆహారాలను తీసుకోవడం వలన అవి మనలో ఆకలిని తగ్గిస్తాయి. కానీ మనం సలాడ్స్, పీచు పదార్థాలు రుచికరంగా తయారు చేసుకునేందుకు వాటికి నూనె పదార్థాలను యాడ్ చేస్తాం. అలా చేసేటపుడు అసలు మనం యాడ్ చేసే నూనె పదార్థాలలో ఎన్ని కేలరీలను ఉన్నాయని మనం లెక్కించడమే మర్చిపోతాం. నూనె పదార్థాలను ఎక్కువగా తినడం వలన మన ప్రయత్నమంతా వృథా అవుతుంది. కాబట్టి నూనె పదార్థాలను ఎక్కువగా తీసుకోవడం మంచిది కాదనే విషయాన్ని గుర్తుంచుకోవాలి.

మనలో కొంత మంది ఆహారాన్ని రుచి చూసే పేరుతో లాగించేస్తూ ఉంటారు. అంతే కాకుండా తమ పిల్లలు, భర్త ప్లేట్లలో నుంచి ఆహారాన్ని తీసుకుని లాగిస్తారు. కానీ ఇలా చేసేటపుడు మనం తినే ఆహారం ఎన్ని కేలరీలకు సరిపోతుందనే విషయాన్ని మనం గమనించకుండా ఉండిపోతాం. కానీ వెయిట్ లాస్ కావాలని డైటింగ్ చేస్తున్న వారికి ఇది అంత మంచిది కాదు. ఆహారాలను రుచి చూడడం తప్పు కాదు కానీ మనం తినే ముందు ఆ ఆహారం ఎన్ని కేలరీలకు సరిపోతుందనే విషయం ఓ సారి చూసుకోవాలి. వెయిట్ లాస్ కావాలని చూసే వారికి ఎంత తింటున్నాం, ఏమి తింటున్నాం అని జాగ్రత్త పడడం అత్యంత అవసరం.

వెయిట్ లాస్ కావాలని చూసే కొంత మంది అసలు మంచం దిగకుండా ఉంటారు. వెయిట్ లాస్ అయ్యేందుకు ముఖ్యం వ్యాయామం. తప్పకుండా వెయిట్ లాస్ కావాలని చూసే వారు ఎక్సర్ సైజులు చేయాలని న్యూట్రీషియనిస్ట్ సూచించారు. వ్యాయామాలు చేయడం కుదరకపోతే.. ఇంట్లోని పనులైనా కానీ ఇంటి బయటి పనులైనా కానీ చేయాలి. ఇలా పనులు చేయడం వలన మన బాడీలోని కొవ్వులు కరుగుతాయి. బెడ్ మీద కదలకుండా ఉండడం కంటే అటు ఇటూ కదలడం చాలా అవసరం.
telugu samayamమీతో ఎవరైనా మాట్లాడితే ఈ రాశి వాళ్ళు తట్టుకోలేరట..
కొంత మంది వ్యక్తులు వెయిట్ లాస్ జర్నీలో పండ్లను ఎక్కువగా తీసుకుంటారు. ఇలా ఎక్కువ పండ్లు తీసుకోవడం అంతలా మంచిది కాదని న్యూట్రీషియనిస్ట్ తెలిపారు. పండ్లు ఆరోగ్యానికి మంచివైనా, వాటిల్లో అనేక రకాల విటమిన్లు ఉన్నా కూడా వాటిని ఎక్కువగా తీసుకోకూడదు. ఎందుకంటే పండ్లలో విటమిన్లు, ఖనిజాలతో పాటుగా కేలరీలు కూడా అధికంగా ఉంటాయి. కావున వెయిట్ లాస్ కావాలని చూసేవారు పండ్లను ఎక్కువగా తీసుకోకూడదు.

మరి మనం ఏం చేయాలి?

మరి ఏవీ తినకుండా ఉండకూడదని చెప్పి వెయిట్ లాస్ అయ్యేందుకు మరేం తినాలని ప్రతి ఒక్కరూ అనుమానపడుతుంటారు. బరువు తగ్గేందుకు ఏమీ తినకుండా ఖాళీ కడుపుతో ఉండడం అంత మంచిది కాదు. మనం తినాల్సినంత పరిమాణంలో తినాలి కానీ మనం తినే ముందు ఎంత కేలరీలు ఉన్న ఆహారం తీసుకుంటున్నామని చూసుకోవడం చాలా అవసరం. ఏది తిన్నా ఫరవాలేదు కానీ ప్రతి ఒక్క ఆహారం తినే ముందు ఎన్ని కేలరీలు ఉన్న ఆహారం తీసుకుంటున్నామనే విషయాన్ని తప్పకుండా సరి చూసుకోవాలని న్యూట్రీషియనిస్ట్ తెలిపారు. న్యూట్రీషియనిస్ట్ చెప్పిన దాని ప్రకారం మనం తొందరగా వెయిట్ లాస్ అయ్యేందుకు తినేటపుడు కొన్ని నియమాలు తప్పకుండా పాటించాలట.. అవేంటంటే..

మెల్లగా తినాలి.. ఎక్కువగా నమలాలి. కొంత మంది ఆహారం తీసుకునేటపుడు ఏదో అత్యవసరమయిన పని ఉన్నట్లు ఫాస్ట్ ఫాస్ట్ గా తింటారు. కానీ అలా తినడం అంత మంచిది కాదట. నెమ్మదిగా తింటూ ఆహారాన్ని ఎక్కువగా నమలాలని న్యూట్రీషియనిస్ట్ తెలిపారు.

ఇంకో విషయం ఏమిటంటే.. తినేటపుడు కొంత మంది ఫోన్ మాట్లాడుతూ, లేదా ఏదైనా బ్రౌజ్ చేస్తూ, టీవీ చూస్తూ తింటారు. ఇలా తినడం కూడా మంచిది కాదని న్యూట్రీషియనిస్ట్ తెలిపారు. మనం ఆహారం తినేటపుడు ఎటువంటి పనులు చేయకుండా, ఏమీ ఆలోచించకుండా తీసుకోవాలని సూచించారు.

ఆరోగ్యకరమైన ఆహారం

కొంత మంది ప్లేట్ ముందు పెడితే ఎంత పడితే అంత తింటూ ఉంటారు. ఇలా తినడం అంత మంచిది కాదు. మనం తినేటపుడు మన కడుపులో 80 శాతం ఆహారం నిండిందని మనకు ఫీలింగ్ కలిగితే వెంటనే తినడం ఆపేయాలని న్యూట్రీషియనిస్ట్ పేర్కొన్నారు. ఇలా చేయడం కూడా డైట్ ప్లాన్లో చాలా ఇంపార్టెంట్ అని సూచించారు. ఎంత పడితే అంత తినడం, తిన్నది అరగకుండా కొవ్వును కొని తెచ్చుకోవడం అంత మంచిది కాదని అనేక మంది నిపుణులు తెలిపారు.
ఇవి మాత్రమే కాకుండా మనం తినే ఆహారంలో సరైన విధంగా పోషకాలు ఉన్నాయా? లేదా అనే విషయం సరి చూసుకోవాలి. ఎలా పడితే అలా తినకుండా కేవలం ఫైబర్ కంటెంట్ ఎక్కువగా ఉన్న ఆహారాలే తీసుకోవాలి.

ఆహారం తినకుండా ఉంటే వెయిట్ తగ్గుతారని కొంత మంది భ్రమపడి తినడం మానేస్తారు. ఆహారాన్ని తినకుండా ఉంటే వెయిట్ తగ్గుతారని భావించడం సరైంది కాదు. కానీ ఇలా తినకుండా ఉండడం వలన వెయిట్ తగ్గడం విషయం అటుంచితే కొత్తగా లేని పోని అనారోగ్యాలు వస్తాయని నిపుణులు సూచిస్తున్నారు. కడుపు నిండా తిన్నా కూడా సరైన రీతిలో తింటూ వ్యాయామాలు చేస్తే వెయిట్ తగ్గడం చాలా ఈజీ అవుతుందని న్యూట్రీషియనిస్ట్ సూచించారు.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

RELATED ARTICLES

LEAVE A REPLY

Please enter your comment!
Please enter your name here

Today's feeds

சிவகார்த்திகேயன் நடிக்கும் 'டான்' படத்தின் ரிலீஸ் எப்போது?

டான் திரைப்படம் அடுத்த ஆண்டு பிப்ரவரி மாதத்தின் 3-வது வாரத்தில் (17 அல்லது 18 ஆகிய தேதிகளில்) ரிலீசாகும் என்று எதிர்பார்க்கப்படுகிறது. Source link