Saturday, December 4, 2021
Homeతెలుగు Newsసినిమాys jagan: YS Jagan - AP CM: వై.ఎస్‌.జ‌గ‌న్‌తో నాగార్జున మీటింగ్.. కార‌ణ‌మేంటి? -...

ys jagan: YS Jagan – AP CM: వై.ఎస్‌.జ‌గ‌న్‌తో నాగార్జున మీటింగ్.. కార‌ణ‌మేంటి? – akkineni nagarjuna meets ap cm ys jagan in vijaywada


ప్రధానాంశాలు:

  • వై.ఎస్.జగన్‌ను కలిసిన నాగార్జున
  • నిర్మాతతో కలసి బేటి
  • విజయవాడకు వెళ్లిన నాగార్జున

ఆంధ్ర ప్ర‌దేశ్ ముఖ్య‌మంత్రి వై.ఎస్‌.జ‌గ‌న్‌ను టాలీవుడ్ సీనియ‌ర్ అగ్ర క‌థానాయ‌కుడు అక్కినేని నాగార్జున గురువారం రోజున ప్ర‌త్యేకంగా వెళ్లి క‌లిశారు. ఆయ‌నతో పాటు నిర్మాత‌లు నిరంజ‌న్ రెడ్డి, ప్రీత‌మ్ రెడ్డి కూడా ఉన్నారు. అయితే వై.ఎస్‌.జ‌గ‌న్‌ను నాగార్జున క‌ల‌వటం వెనుక గ‌ల కారణాలు మాత్రం తెలియ‌డం లేదు. చాలా రోజుల నుంచి సినీ ఇండ‌స్ట్రీ పెద్ద‌లు ఆంధ్ర ప్ర‌దేశ్‌లో త‌గ్గిన టిక్కెట్ రేట్స్ విష‌యంపై వై.ఎస్‌.జ‌గ‌న్‌ను క‌ల‌వ‌డానికి ఎదురుచూస్తున్నారు. దిల్‌రాజు, సునీల్ నారంగ్ వంటి కొంద‌రు నిర్మాత‌లు మంత్రి పేర్ని నానితో మీటింగ్ అయ్యారు. కానీ.. జ‌గ‌న్ అపాయింట్‌మెంట్ దొర‌క‌లేదు.

చాలా రోజుల నుంచి ఇండ‌స్ట్రీ ప్ర‌ముఖుల‌తో చిరంజీవితో వై.ఎస్‌.జ‌గ‌న్‌ను క‌లుస్తార‌నే వార్త‌లు వ‌చ్చాయి. అయితే అప్పుడు కూడా జ‌గ‌న్ అపాయింట్‌మెంట్ ఇవ్వ‌లేదు. ఈలోపు చిరంజీవి సోద‌రుడు, జ‌న‌సేన పార్టీ అధినేత ప‌వ‌న్‌క‌ళ్యాణ్, ఆంధ్ర ప్ర‌దేశ్ ప్ర‌భుత్వం నిర్వ‌హించాల‌నుకుంటున్న ఆన్‌లైన్ టికెటింగ్‌పై వ్యాఖ్య‌లు చేయ‌డం పెద్ద దుమారాన్నే రేపాయి. త‌ర్వాత సినీ పెద్ద‌గా చిరంజీవి వై.ఎస్‌.జ‌గ‌న్‌ను క‌లిసే అవ‌కాశ‌మే లేకుండా పోయింది. ఈ క్ర‌మంలో అక్కినేని నాగార్జున విజ‌య‌వాడ వెళ్లి వై.ఎస్‌.జ‌గ‌న్‌ను ప్ర‌త్యేకంగా క‌ల‌వ‌డం అనేది హాట్ టాపిక్‌గా మారింది. వై.ఎస్‌.రాజ‌శేఖ‌ర్ రెడ్డి కుటుంబంతో చాలా కాలంగా అక్కినేని ఫ్యామిలీకి మంచి అనుబంధం ఉంది. ఆ అనుబంధంతోనాగార్జున వ్య‌క్తిగ‌త కార‌ణాల‌తో క‌లిశారా? లేక ఇండ‌స్ట్రీ త‌ర‌పును ఏమైనా స‌మ‌స్య‌ల‌ను విన్న‌వించుకోవ‌డానికి క‌లిశారా? అనేది వారే చెప్పాల్సి ఉంటుంది.

మ‌రోవైపు క‌రోనా సెకండ్ వేవ్ త‌ర్వాత ఆంధ్ర ప్ర‌దేశ్‌లోనూ ప్ర‌భుత్వం థియేట‌ర్స్ వంద‌శాతం ఆక్యుపెన్సీకి అనుమ‌తులు ఇచ్చింది. దీనిపై సినీ ఇండ‌స్ట్రీ సంతోషాన్ని వ్య‌క్తం చేసింది. మరో వైపు స్టార్ హీరోల సినిమాలు విడుద‌ల‌కు సిద్ధ‌మ‌వుతున్నాయి. ఈ క్ర‌మంలో వై.ఎస్‌.జ‌గ‌న్ ప్ర‌భుత్వం టిటెక్ రేట్స్‌పై ఎలాంటి నిర్ణ‌యం తీసుకుంటార‌నేది అంద‌రిలోనూ తెలియ‌ని ఉత్కంఠ‌త‌ను రేపింది. సినీ ఇండ‌స్ట్రీకి చెందిన అల్లు అర‌వింద్ వంటి పెద్ద‌లు ఏపీ ప్ర‌భుత్వం సినీ ఇండ‌స్ట్రీ విష‌యంలో మంచి నిర్ణ‌యం తీసుకోవాల‌ని కోరుతున్నారు. మ‌రి సినీ పెద్ద‌ల వ్య‌వ‌హారాన్ని వై.ఎస్‌.జ‌గ‌న్ ఎంత వ‌ర‌కు ప‌ట్టించుకుంటార‌నేది వేచి చూడాల్సిన విష‌య‌మే.



Source link

RELATED ARTICLES

LEAVE A REPLY

Please enter your comment!
Please enter your name here

Today's feeds