துள்ளுவதோ இளமை

இயக்குனர் கஸ்தூரிராஜா இயக்கத்தில் செல்வராகவன் திரைக்கதையில் வெளியான துள்ளுவதோ இளமை படத்தில் கதாநாயகியாக நடித்து தமிழ் சினிமாவில் அறிமுகமானவர் நடிகை ஷெரின் துள்ளுவதோ இளமை ரசிகர்கள் மத்தியில் நல்ல வரவேற்பை பெற்று வெற்றி பெற்றது இதில் நடிகர் தனுஷ் ஹீரோவாக நடித்து இருப்பார் பள்ளி கதைக்களத்தில் வெளியான அந்த படம் அப்போது சிறிய சர்ச்சையையும் கிளப்பியது சர்ச்சைகளையும் தாண்டி படம் வெற்றி பெற்றதை தொடர்ந்து தமிழ் சினிமாவில் ஷெரினுக்கு தனி இடம் கிடைத்தது. துள்ளுவதோ இளமை கொடுத்த மிகப்பெரிய அறிமுகத்தைத் தொடர்ந்து ஷெரினுக்கு படவாய்ப்புகளும் குவிந்தன.

விழாமலே இருக்க முடியுமா

சத்யராஜின் மகன் சிபி சத்யராஜ் தமிழ் சினிமாவில் ஹீரோவாக அறிமுகமான ஸ்டூடண்ட் நம்பர் ஒன் திரைப்படத்தில் கதாநாயகியாக நடித்து விழாமலே இருக்க முடியுமா விழுந்துவிட்டேன் காதல் வலையிலே என காதலால் ரசிகர்களை கட்டிப்போட்டவர் உடனடியாக விசில் என்ற அட்டகாசமான த்ரில்லர் திரைப்படத்தில் நடித்து வித்தியாசத்தை காட்டினார். விசில் திரைப்படம் அப்போது வெளிவந்த படங்களிலேயே மிகச் சிறந்த திரைப்படமாக ரசிகர்களால் கொண்டாடப்பட்டது

வில்லேஜ் ரோலில்

தொடர்ந்து சிட்டி கதைகளில் நடித்து வந்த ஷெரினுக்கு வில்லேஜ் ரோலில் அமைந்தது கோவில்பட்டி வீரலட்சுமி. முழுக்க முழுக்க கிராமத்து பின்னணியில் வெளியான இந்தப் படம் ரசிகர்கள் மத்தியில் ஓரளவுக்கு வரவேற்பை பெற்றது. அதைத்தொடர்ந்து பெரிதாக தமிழில் வாய்ப்புகள் அமையாததால் கன்னடம் மற்றும் மலையாளம் உள்ளிட்ட மொழிகளில் சில படங்களில் நடித்தார். தமிழில் கடைசியாக நண்பேண்டா திரைப் படத்தில் சிறப்பு தோற்றத்தில் வந்து செல்வார்.

கையில் வீரவாளுடன்

நீண்ட காலமாக தமிழ் சினிமாவில் முகத்தை காட்டாமல் இருந்தால் இருந்த ஷெரின் பிக் பாஸ் நிகழ்ச்சியில் அதிரடியாக போட்டியாளராக களமிறங்கி அனைவருக்கும் சர்ப்ரைஸ் கொடுத்தார். இதுவரை திரையில் மட்டும் கண்டு ரசித்த ரசிகர்களுக்கு பிக்பாஸ் நிகழ்ச்சியில் ஷெரினனை பார்த்தது முற்றிலும் புதுவிதமான அனுபவத்தை கொடுக்க அதில் மிகச் சிறப்பாக விளையாடி இறுதி சுற்று வரை சென்றார். பிக்பாஸ் நிகழ்ச்சிக்கு பிறகு சமூக வலைத்தளத்தில் ஷெரினுக்கு ரசிகர்கள் எண்ணிக்கை நாளுக்கு நாள் அதிகமாகிக்கொண்டே போனது. அடிக்கடி ஹாட்டான புகைப்படங்களை வெளியிட்டு லைக்குகளை அள்ளும் ஷெரின் இப்பொழுது கையில் வீரவாளுடன் ராணி போல கம்பீரமாக நிற்கும் அழகிய புகைப்படங்கள் இணையதளத்தில் வைரலாகிறது.