மாகாபா ஆனந்த்

விஜய் டிவியில் நிகழ்ச்சிகளை செம சுவாரஸ்யமாக தொகுத்து வழங்கி வந்த சிவகார்த்திகேயன் சினிமா வாய்ப்புகள் குவிந்த நிலையில், சின்னத்திரையை தாண்டி வெள்ளித்திரைக்கு சென்ற நிலையில், விஜய் டிவியை சிவகார்த்திகேயன் இருந்த இடத்தில் இருந்து எடுத்து நடத்தி வருகிறார் மாகாபா ஆனந்த். சிவகார்த்திகேயனை போலவே சினிமா ஆர்வம் கொண்டு இவரும் சில படங்களில் நடித்தாலும், இவருக்கான சரியான வாய்ப்புகள் இன்னமும் அமையவில்லை என்று தான் சொல்ல வேண்டும்.

ஜாலியான மனுஷன்

விஜய் டிவியில் ஆங்கரிங் செய்யும் பலரும் செம ஜாலியாக ரசிகர்களை என்டர்டெயின் செய்து வருகின்றனர். பல ஆண்டுகளாக சின்னத்திரை ரசிகர்களை தனது ஃபுல் எனர்ஜியை பயன்படுத்தி லேட் நைட் ஷூட்டிங் என்றாலும் கேமராவுக்கு முன்பாக எதையும் பெரிதாக காட்டிக் கொள்ளாமல் ரசிகர்களை குஷிப்படுத்தும் வேலையை கச்சிதமாக செய்து வருகிறார் மாகாபா ஆனந்த்.

துபாய் டூர்

சமீபத்தில் டிடி நீலகண்டன் பாரீஸ், துபாய் என டூர் அடித்து அங்கே எடுத்துக் கொண்ட புகைப்படங்களை சமூக வலைதளங்களில் ஷேர் செய்து வந்த நிலையில், தற்போது டிடியின் நண்பரும் விஜய் டிவியின் பிரபல தொகுப்பாளருமான மாகாபா ஆனந்த் துபாயில் டூர் அடித்து வருகிறார். தற்போது துபாய் மெயின் ரோட்டில் இருந்து அவர் வெளியிட்டு இருக்கும் படம் ரசிகர்களை ஆச்சர்யத்தில் ஆழ்த்தி உள்ளது.

லம்போர்கினி உடன்

பிரபலங்களின் ட்ரீம் சொகுசு காராக இருக்கும் லம்போர்கினி காருடன் மாகாபா ஆனந்த் மாஸ் போஸ் கொடுத்துள்ளார். மஞ்சள் நிற லம்போர்கினி காரை ரோட்டோரமாக பார்க் செய்து விட்டு, அதன் முன்பாக வந்து குத்த வச்சு உட்கார்ந்து செம போஸ் கொடுத்துள்ளார். மாகாபா ஆனந்தின் இந்த போட்டோவுக்கு ஏகப்பட்ட லைக்குகள் குவிந்துள்ளன. அதிலும், அவர் போட்டுள்ள அந்த கேப்ஷனை பார்த்த ரசிகர்கள் கமெண்ட்டுகளையும் போட்டு கலகலப்பாக்கி உள்ளனர்.

வாடகை வண்டி

இந்த லம்போர்கினி வண்டியை தான் சொந்தமாக வாங்கவில்லை என்றும், துபாயை சுற்றிப் பார்க்க வாடகையாகவே வாங்கினேன் என்பதை சுட்டிக் காட்ட வாடகை வண்டி என கேப்ஷன் போட ரசிகர்கள் ஏகப்பட்ட கமெண்ட்டுகளை போட்டுத் தாக்கி வருகின்றனர். “எடுத்த நாள் முதல் இந்த நாள் வரை வண்டியை விடவில்லை.. வாடகை தரவில்லை” என செம ஜாலியாக மாகாபா ஆனந்தை கலாய்த்து வருகின்றனர்.

சொந்த வண்டியே வாங்குவீங்க

விஜய் டிவியில கோடி கோடியா சம்பாதிக்கிறீங்க.. அப்புறம் ஏன் வாடகை வண்டி எடுக்குறீங்க என்றும், உங்க நல்ல மனசுக்கு சீக்கிரமே சொந்த லம்போர்கினியே வாங்குவீங்க என்றும் ரசிகர்களும் நெட்டிசன்களும் வாழ்த்தியும் ட்ரோல் செய்தும் வருகின்றனர்.