![weight loss recipes, Weight Loss Foods : త్వరగా బరువు తగ్గాలా.. వీటిని తినండి.. – no cook recipes for weight loss know here how to prepare them weight loss recipes, Weight Loss Foods : త్వరగా బరువు తగ్గాలా.. వీటిని తినండి.. – no cook recipes for weight loss know here how to prepare them](https://karkey.in/wp-content/uploads/https://telugu.samayam.com/photo/msid-94549496,imgsize-26760/pic.jpg)
ఈ రెసిపీ చాలా టేస్టీగా ఉంటుంది. ఆరోగ్యంగా కూడా ఉంటుంది. ఇందుకోసం జార్ తీసుకుని అరకప్పు ఓట్స్, అరకప్పు నాన్ ఫ్యాట్ మిల్క్, పావు కప్పు సాదా నాన్ ఫ్యాట్ పెరుగు వేయండి. ఓ పెద్ద యాపిల్ని చిన్నగా, సగం కోయండి. ఇప్పుడు అందులో మీకు ఇష్టమైన డ్రైఫ్రూట్స్ తరుగు కూడా వేయొచ్చు. చిటికెడు దాల్చిన చెక్క, 1 టీ స్పూన్ చియా గింజలు చల్లి కొంచెం తేనె వేసుకోండి. రాత్రంతా ఫ్రిజ్లో ఉంచి, ఉదయమే తినొచ్చు.
సలాడ్..
మీ రోజువారి ఆహారంలో సలాడ్ చేర్చడం వల్ల బరువు ఈజీగా తగ్గుతారు. మన ఇళ్ళల్లో ఈ రుచికరమైన సలాడ్ కోసం ఓ తరిగిన ఉల్లిపాయ, దోసకాయ, రెండు టమాటలు అవసరం. ఈ మూడింటిని కలిపి, అరకప్పు తరిగిన కొత్తిమీర, 1 టేబుల్ స్పూన్ నిమ్మరసం, 1 టేబుల్ స్పూన్ మిరియాల పొడి, తగినంత ఉప్పు వేసి తినండి.
![weight loss weight loss](https://static.langimg.com/thumb/msid-94549532,width-680,resizemode-3/weight-loss-94549532.jpg)
బరువు తగ్గేందుకు టిప్స్
కర్డ్ శాండ్విచ్..
ఓ గిన్నె తీసుకుని అందులో 2 టేబుల్ స్పూన్ల పెరుగు వేయండి. ఇందులో దోసకాయ తరుగు కొద్దిగా, తరిగిన టమాట, తరిగిన క్యాప్సికమ్, ఉల్లిపాయ తరుగు వేయండి. ఇప్పుడు ఇందులో అర టేబుల్ స్పూన్ ఎర్ర కారం పొడి, అర టీ స్పూన్ చాట్ మసాలా, ఉప్పు, మిరియాల పొడి వేసి బాగా కలపండి. టోస్ట్ చేసిన బ్రెడ్పై ఇది వేయండి. ఈ బ్రెడ్ వీట్, మల్టీ గ్రెయిన్ అయితే మరీ మంచిది. మరో బ్రెడ్తో శాండ్విచ్ తయారు చేసి హ్యాపీగా ఎంజాయ్ చేయండి.
చియా సీడ్ పుడ్డింగ్..
ఓ పెద్ద గిన్నె తీసుకుని అందులో 60 గ్రాముల చియా గింజలు, 400 మిల్లీ లీటర్ల తియ్యని బాదం పాలు, హాజెల్ నట్ పాలు కలపండి. ఇప్పుడు 3 టేబుల్ స్పూన్ల కోకోపౌడర్, 2 టేబుల్ స్పూన్ల మాపుల్ సిరప్, అర స్పూన్ వెనిలా ఎక్స్ట్రాక్ట్ వేయండి. బాగా కలిపి కొద్దిగా ఉప్పు వేయండి. ఏదైనా మూత పెట్టి ఫ్రిజ్లో కనీసం 4 గంటలు ఉంచండి. రాత్రంతా ఉంచితే చిక్కబడి బావుంటుంది. ఇక దీనిని ఆరగించడమే.
స్ట్రాబెర్రీ స్మూతీ…
8 నుంచి 10 స్ట్రాబెర్రీస్ తీసుకుని వాటిని క్లీన్ చేసి కట్ చేయండి. ఇప్పుడు అరకప్పు ఫ్యాట్ లేని మిల్క్, అరకప్పు సాదా పెరుగు, 2 టీ స్పూన్ల వెనీలా ఎక్స్ట్రాక్ట్ ఇవన్నీ బ్లెంటర్లో వేసి మిక్సీ వేయండి. అవసరమైతే చెక్కెర వేసుకోవచ్చు. కానీ, అదీ పరిమాణంలో మాత్రమే. ఐస్ క్యూబ్స్ కూడా వేసి బాగా మిక్సీ పట్టండి. ఫిల్లింగ్ కోసం బ్రెడ్ స్లైస్తో ఎంజాయ్ చేయండి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.