నటి ప్రగతి సోషల్ మీడియాలో సంపాదించుకున్న క్రేజ్ అంతా ఇంతా కాదు. లాక్డౌన్ సమయంలో సెలెబ్రిటీలంతా కూడా ఇంట్లో ఉంటే.. ప్రగతి మాత్రం సోషల్ మీడియాలో వైరల్ అయింది. ఇంట్లోనే ఉంటూ వర్కవుట్లు చేసుకుంటూ, మాస్ క్లాస్ స్టెప్పులతో నెటిజన్లు ఆశ్చర్యపరించింది. తనకు ఇలా ఉండటమే ఇష్టమని, కాకపోతే తనకు వచ్చిన పాత్రలు అమ్మ, అత్త, మోడ్రన్ తల్లి వంటివి కావడంతో తెరపై అలా కనిపించానని ప్రగతి చెప్పుకొచ్చింది.

చిన్నప్పటి నుంచి తనకు డ్యాన్స్ చేయడం, ఫిట్ నెస్ మీద దృష్టి సారించడం వంటివి ఇష్టమని కొన్ని ఇంటర్వ్యూల్లో ప్రగతి తెలిపింది. తాను ఇప్పుడు ఎంతో మంది మహిళల్లో స్పూర్తిని నింపుతున్నందుకు ఆనందంగా ఉందని మురిసిపోయింది. నాలుగు పదులు దాటుతున్నా కూడా ఎలా ఫిట్‌గా ఉండాలి.. వ్యాయామం చేస్తూ ఇంత హుషారుగా ఉండాలని చాలా మంది అనుకుంటున్నారు.. వారు కూడా నాలా ప్రయత్నిస్తున్నారు.. ఆ విషయంలో నాకు చాలా ఆనందంగా ఉందని ప్రగతి చెప్పుకొచ్చింది.

అలా మొత్తానికి ప్రగతి మాత్రం ఇప్పుడు బుల్లితెర, వెండితెరపై కంటే సోషల్ మీడియాలోనే ఎక్కువ క్రేజ్‌ను సొంతం చేసుకుంది. లాక్డౌన్ ఎఫెక్ట్ ప్రగతిపై పాజిటివ్‌గా పడినట్టు అనిపిస్తుంది. లాక్డౌన్ సమయంలో ఫేమస్ అయిన అతి కొద్ది మంది సెలెబ్రిటీల్లో ప్రగతి ముందు వరుసలో ఉంటుంది. ఆమె వేసిన లుంగీ డ్యాన్స్ స్టెప్పులు, క్లాసికల్ స్టెప్పులు ఇప్పటికి నెట్టింట్లో హాట్ టాపిక్ అవుతుంటాయి.

తాజాగా ప్రగతి నాగిన్ అంటూ అదిరిపోయే స్టెప్పులు వేసింది. ఇక జిమ్ ఏరియాలో ఫుల్లుగా వర్కవుట్లు చేసినట్టుంది. అలా వర్కవుట్లు అవ్వడంతో ఇలా తనకు ఇష్టమైన పాటలకు కాలు కదిపినట్టు కనిపిస్తోంది. నాగిని అంటూ ప్రగతి వేసిన స్టెప్పులు మాత్రం ఇప్పుడు నెట్టింట్లో వైరల్ అవుతున్నాయి. తాను చేసే ప్రతీ పనిలో సంతోషాన్ని వెతుక్కుంటాను అని ప్రగతి చెప్పుకొచ్చింది.