రాను రాను ట్రెండ్ మారుతోంది. డేటింగ్ విషయంలో వయసుతో సంబంధం లేకుండా చెట్టాపట్టాలేసుకు తిరుగుతున్నారు సెలబ్రిటీలు. ముఖ్యంగా బాలీవుడ్ కల్చర్‌లో ఇదీ మరీ ఎక్కువ అని చెప్పుకోవచ్చు. బీ టౌన్‌లో ఎందరో హాట్ కపుల్స్ వయసుతో సంభందం లేకుండా రిలేషన్ కొనసాగిస్తున్నారు. ఆ లిస్టులోనే ఉన్న ప్రేమ జంట మలైకా అరోరా-అర్జున్ కపూర్. ఈ ఇద్దరూ డేటింగ్‌లో ఉన్నారనే విషయం ఎప్పటినుంచో హాట్ టాపిక్ అవుతోంది.

సల్మాన్ ఖాన్ సోదరుడితో దాదాపు రెండు దశాబ్దాల వివాహ బంధానికి గుడ్ బై చెప్పిన మలైకా తనకంటే 12 ఏళ్ళు చిన్నవాడైన అర్జున్ కపూర్‌తో డేటింగ్ చేస్తోంది. మలైకా అరోరా వయసు 45 సంవత్సరాల అయితే అర్జున్ కపూర్ వయసు కేవలం 33 సంవత్సరాలు. అయినప్పటికీ ఈ ఇద్దరి మధ్య ఉన్న రొమాంటిక్ రిలేషన్ బీ టౌన్‌లో హైలైట్ అవుతూ ఉంటుంది. తరచుగా విహార యాత్రలకు వెళ్తూ కెమెరాకు చిక్కడం, వార్తల్లో నిలవడం ఈ జోడీకి సర్వసాధారణం. అర్జున్ తనకంటే 12 ఏళ్ళు చిన్నవాడైనా డేటింగ్ వ్యవహారంలో గట్టివాడంటూ మలైకా ఎప్పుడో ఓపెన్ అయింది.
మాలో ఐక్యత లేదంటారా? ఆయన కూడా నిర్మాతేగా.. మోహన్ బాబు వ్యాఖ్యలపై సీ. కళ్యాణ్ ఘాటు రియాక్షన్
ఇకపోతే నెట్టింట ఈ జోడీపై జరిగే ట్రోలింగ్ అంతా ఇంతా కాదు. ఆంటీతో డేటింగ్ ఏంటి? అంటూ అర్జున్ కపూర్‌పై కామెంట్లు పెట్టేవారు కొందరైతే.. ఈ వయసులో నీకు రిలేషన్ అవసరమా ఆంటీ అంటూ మలైకాను ట్రోల్ చేసే వారు ఇంకొందరు. కాగా ఇప్పటివరకు ఇలాంటి ట్రోల్స్ పెద్దగా పట్టించుకోని అర్జున్ కపూర్.. తొలిసారి ఈ ఇష్యూపై రియాక్ట్ అయ్యారు. ఆంటీతో డేటింగ్ ఏంటి అనే కామెంట్స్‌పై స్పందిస్తూ.. సోషల్ మీడియాలో కామెంట్లు పెట్టే అకౌంట్లన్నీ దాదాపు ఫేక్ అని, అలాంటి వాటిపై రియాక్ట్ కావడం వల్ల ఒరిగేదేమీ లేదని అన్నారు. కాబట్టి ఆ కామెంట్స్ అన్నీ కూడా లైట్ తీసుకుంటామని చెప్పారు. దీంతో అర్జున్ కపూర్ చేసిన కామెంట్స్ వైరల్ అవుతున్నాయి.