మన చిన్నప్పుడు స్నానం చేస్తుంటే.. అమ్మమ్మలు, అమ్మలు ఒళ్లు గట్టిగా రుద్దుకోమని సలహా ఇస్తుండే వాళ్లు. ఎవరైనా త్వరాగా స్నానం చేస్తే.. పైపైన చేసేశావా.. చర్మం గట్టిగా తోమితే మురికి వదులుతుందని పెద్దలు అంటూ ఉంటారు. అయితే ఈ సలహా మన చర్మానికి హాని చేస్తుందని డాక్టర్‌ శరద్‌ అంటున్నారు. కొంత మంది లూఫా, బాతింగ్‌ స్క్రబ్‌తో గట్టి ఒళ్లు తోముకుంటారు. ఈ అలవాటు మన చర్మానికి మంచిది కాదని డాక్టర్‌ శరద్‌ చెబుతున్నారు. మన బాడీలో నల్లగా ఉండే ఏరియాను గట్టిగా రుద్ది.. రుద్ది తోముతాం. అలా చేస్తే నలుపు ఇంకా ఎక్కువవుతుంది. మెడ, మోచేతులు, మాకాళ్లను గట్టిగా తోముతాం. ఇలా చేస్తే చర్మం దెబ్బ తింటుందని డాక్టర్‌‌‌‌‌‌‌‌‌ అన్నారు. లూఫా, స్క్రబ్బర్ చర్మంపై పొరను ప్రభావితం చేస్తుందని చెప్పారు.

ఈ సమస్యలు వస్తాయి..
స్క్రబ్బింగ్‌ వల్ల చర్మంపై పొర దెబ్బతింటుంది. చర్మం యూవీ కిరణాలకు మరింత సున్నితంగా మారుతుందని డాక్టర్‌ అన్నారు. దీని కారణంగా దద్దర్లు, వడదెబ్బ, ఇన్ఫెక్షన్స్‌ వంటి సమస్యలు వస్తాయని అంటున్నారు.
పిగ్మెంటేషన్‌ సమస్య వస్తుంది..
స్క్రబ్బింగ్‌ వల్ల రాపిడి కారణంగా హైపర్పిగ్మెంటేషన్‌కు దారి తీస్తుంది. చేతుల మీద, వీపు మీద మాక్యులర్ అమిలోయిడోసిస్‌ వచ్చే అవకాశం ఉంది. దీనిలో అమిలాయిడ్ అనే ప్రోటీన్ పిగ్మెంట్‌ క్షీణించడం ప్రారంభం అవుతుంది. ఈ సమస్యలను నివారించడానికి, అధిక ఎక్స్‌ఫోలియేషన్, లూఫా, స్క్రబ్బింగ్‌ చేసుకోకపోవడం మంచిది.

మోకాళ్లు, మోచేతి నలుపు ఎలా తగ్గించాలి..?
ప్రతి రోజూ ఉదయం SPF50 సన్‌స్క్రీన్‌ని అప్లై చేసుకోండి.
రాపిడిని తగ్గించడానికి మోకాళ్లు, మోచేతులపై ఎక్కువ ఒత్తిడి పెట్టకండి.
మోచేతులు, మోకాళ్లకు మార్చరైజర్‌ అప్లై చేయండి.
మీ ఆహారంలో విటమిన్-ఎ, విటమిన్ – ఈ ఎక్కువగా ఉండే ఆహారాలను తీసుకోండి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.