క్యాన్సర్‌ కారకాలు
అల్యూమినియం ఫాయిల్‌..
చాలా ఇళ్లలో ఆహారం వేడిగా ఉండేందుకు.. అల్యూమినియం ఫాయిల్‌ను ఉపయోగిస్తూ ఉంటారు. కొంతమంది చపాతీలు, రోటీలు అల్యూమీనియం ఫాయిల్‌లో రోల్‌ చేసుకుని లంచ్‌ బాక్స్‌లో పెట్టుకుంటూ ఉంటారు. దీనివల్ల, ఆహారంలోకి అల్యూమినియం చిన్నమొత్తంలో చేరి.. ఫుడ్ పాయిజనింగ్‌కు కారణమవుతుంది. శరీరంలో అల్యూమినియం ఎక్కువ మొత్తం చేరితే.. మెదడు, ఎముకలు, కండరాలు , ఇతర కణజాలాలకు ప్రమాదకరం అని నిపుణులు హెచ్చరిస్తున్నారు. అల్యూమినియం ఫాయిల్‌ వాడేవారికి అల్జీమర్స్, కిడ్నీ సమస్యలు వచ్చే ప్రమాదం ఉంది. అల్యూమినియం ఫాయిల్‌ అధికంగా వాడితే.. క్యాన్సర్‌ ముప్పు పెరుగుతుందని డైటీషియన్‌ కిరణ్‌ కుక్రేజా హెచ్చరించారు.
ప్లాస్టిక్ లంచ్‌ బాక్స్‌..
చాలా మంది ఆఫీస్‌కు లంచ్‌ క్యారీ చేయడానికి ప్లాస్టిక్ బాక్స్‌లు వాడుతూ ఉంటారు. వీటి వల్ల క్యాన్సర్‌ ముప్పు పెరుగుతుందని నిపుణులు చెబుతున్నారు. ప్లాస్టిక్‌ను గట్టిపరచడానికి బిస్ ఫినాల్ ఎ (బిపిఎ) అనే కెమికల్‌ను వాడుతూ ఉంటారు. ప్లాస్టిక్ బాక్సులు, బాటిళ్లు, స్టోరేజ్‌ బాక్సులు తయారు చేయడానికి ఈ కెమికల్‌ను ఎక్కువగా వినియోగిస్తూ ఉంటారు. BPA ఈస్ట్రోజెన్ గ్రాహకాలు α,βతో కలవడానికి.. ఈస్ట్రోజెన్ హార్మోన్‌ను అనుకరిస్తుంది. దీనివల్ల కణాల విస్తరణ, అపోప్టోసిస్, వలసలలో మార్పుల పొటెన్షియల్‌ పెరుగుతుంది. ఇది క్యాన్సర్‌ ప్రమాదాన్ని పెంచుతుంది.
టీ బ్యాగ్స్‌..
టీ బ్యాగుల్లో నానో ప్లాస్టిక్, పీసీవీ, ఫుడ్ గ్రేడ్ నైలాన్ ఉంటాయి. ఈ టీ బ్యాగ్‌లను వేడి నీటిలో ముంచినప్పుడు, ఈ కాంపౌండ్స్‌ నీటిలో కలుస్తాయి. పేపర్‌ కాగితపు టీ బ్యాగ్‌లపై కొన్నిసార్లు ఎపిక్లోరోహైడ్రిన్ అనే కార్సినోజెన్ (క్యాన్సర్‌కు కారణమయ్యే పదార్ధం) పూత పూస్తారు. ఇది వేడి నీటిలో యాక్టివ్‌ అవుతుంది. క్యాన్సర్‌ నుంచి రక్షణ పొందాలంటే.. టీ బ్యాగ్స్‌ టీ తాగకూడదని నిపుణులు సూచిస్తున్నారు.
నాన్‌స్టిక్‌ కుక్‌వేర్‌..
వంట సులువుగా పూర్తి చేయడమే కాకుండా, శుభ్రం చేయడానికి కూడా తేలికగా ఉండటంతో ఇటీవలి కాలంలో నాన్‌స్టిక్‌ పాత్రల వాడుక బాగా పెరిగింది. నాన్‌స్టిక్‌ పాత్రల్లోని ‘పీఎఫ్‌ఓఏ’, బిస్‌ఫెనాల్‌–ఏ (బీపీఏ) రసాయనాలకు కేన్సర్‌ కలిగించే లక్షణం ఉందని వాషింగ్టన్‌లోని ఎన్విరాన్‌మెంటల్‌ ప్రొటెక్షన్‌ ఏజెన్సీకి చెందిన నిపుణులు చెబుతున్నారు. నాన్‌స్టిక్‌ పాత్రల్లో వండే పదార్థాల్లో పీఎఫ్‌ఓఏ, బీపీఏ కెమికల్స్‌ మోతాదుకు మించి ఉంటున్నాయని తమ పరిశీలనలో తేలింది. ఈ కెమికల్స్‌ ప్రభావం వల్ల కేన్సర్‌తో పాటు ఆటిజం, అధిక బరువు ఏడీహెచ్‌డీ, టైప్‌–2 డయాబెటిస్ ప్రమాదం పెరుగుతుందని నిపుణులు హెచ్చరిస్తున్నారు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.