గుండెపోటు, స్ట్రోక్ వంటి హృదయ సంబంధ వ్యాధులకి రక్తపోటు ప్రధాన కారణం. ఇది భారతదేశంలోని మొత్తం మరణాలలో 1/3 వంతుగా ఉంది. ఈ మధ్యకాలంలో 30, 40 ఏళ్ళ వయసులో చాలా మంది సెలబ్రిటీలు గుండెపోటుకి గుర్వవడం మనం చూస్తూనే ఉన్నాం. వారందరూ ఫిట్, చురుగ్గా ఉన్నారు. తాజాగా బిగ్‌బాస్ 14 కంటెస్టెంట్ కూడా గుండెపోటుతో మరణించింది.

హైబీపిని ‘సైలెంట్ కిల్లర్’ అని ఎందుకు అంటారంటే..

ముంబైలోని సింబియోసిస్ హాస్పిటల్ డైరెక్టర్ క్యాథ్ ల్యాబ్, ఇంటర్వెన్షనల్ కార్డియాలజిస్ట్ డాక్టర్ అంకుర్ ఫాటర్ పేకర్ మాట్లాడుతూ ‘స్టాన్ ఫోర్డ్స్పోర్ట్స్ కార్డియాలజీ క్లినిక్ రిజిస్టర్ ద్వారా పరీక్షించబడిన హైస్కూల్, కాలేజ్, ప్రొఫెషనల్ అథ్లెట్లలో మూడింట ఒక వంతు మందికి అధిక రక్తపోటు ఉందని స్టాన్‌ఫోర్డ్ పరిశోధకులు చెబుతున్నారు. ఈ వ్యక్తులు యవ్వనంగా, ఫిట్‌గా ఉంటారు. ఎక్కువగా వర్కౌట్ చేస్తారు. కొంతమందికి రక్తపోటు పెరిగినప్పుడు తలనొప్పి ఉంటుంది. ఇతరులలో వఅది పెరిగి గుండెపోటు వచ్చేవరకూ తెలియదు. బీపిని చెక్ చేయడం ఎంతో ఈజీగా ఉంటుంది. BLK మ్యాక్స్ సూపర్ స్పెషాలిటీ హాస్పిటల్ డైరెక్టర్, నెఫ్రాలజీ & రీనల్ ట్రాన్స్‌ప్లాంట్ డాక్టర్ విశాల్ సక్సేనా చెప్పిన దాని ప్రకారం యువకులు, సంవత్సరంలో ఒక్కసారి హెల్త్ చెకప్స్ చేయని వారికి సమస్య ఉంటుంది. వర్కౌట్స్ చేయని వారు, నిద్రలేకపోవడం వల్ల శ్వాస తీసుకోవడం ఇబ్బందులు, హైబీపి, గుండెజబ్బులు పెరుగుతాయని నిపుణులు చెబుతున్నారు.
Healthy Tea : ఈ టీ తాగితే బీపి తగ్గి గుండె సమస్యలు దూరమవుతాయట..
ఫిట్‌గా ఉన్నప్పటికీ హైబీపి ఎందుకు వస్తుంది..

హైపర్ టెన్షన్ విషయానికి వస్తే చాలా అంశాలే ఉన్నాయి. ఉదాహారణకు జన్యుశాస్త్రం, శరీర విధానం, ఆహారం, పనిలో ఎన్నో కారకాలు ఉంటాయి. జన్యుశాస్త్రం, వయస్సు వంటి కారణాలలో కొన్ని నిరోధించబడవు. అధిక రక్తపోటు తరచుగా జన్యుపరంగా అంటే కుటుంబంలో ఎవరికైనా ఉంటే వస్తుంది. వృద్ధాప్యం నుంచి మనం ఎలా తప్పించుకోలేమో, జన్యు శాస్త్రాన్ని మార్చడం కూడా కుదరదు. వృద్ధాప్యంతో పాటు సిస్టోలిక్ రక్తపోటు, గుండెజబ్బుల ప్రమాదంలో సార్వత్రిక పెరుగుదల వస్తుంది. మరోవైపు అధిక రక్తపోటు కోసం ప్రమాదకారకాలను పరిష్కరించడం, ఉదాహారణకు బరువు తగ్గడం, ఎక్కువ వర్కౌట్ చేయడం వల్ల గొప్ప ప్రయోజనాలు ఉంటాయి. కాబట్టి హైబీపి ఉంటే టెస్ట్ చేయించుకోవాలి. ప్రతి విషయంలోని జాగ్రత్తలు తీసుకోవాలని డాక్టర్ అంకుర్ చెబుతున్నారు. అదే విధంగా డాక్టర్ సక్సేనా ప్రకారం.. యువ హైపర్ టెన్సివ్, మల్టిపుల్ కోమోర్బిడిటీలతో ఉన్న వృద్ధులను చూస్తున్నాను. తక్కు వయస్సులో ఉన్న ఆడవారితో పోలిస్తే మగవారిలో హైబీపి ఉండడం సర్వసాధారణం. వారికి ఏవైనా కోమోర్బిడిటీలు ఉంటే తప్పా.

రెగ్యులర్‌గా చెకప్స్..

• ప్రతి ఒక్కరికీ బీపిని రెగ్యులర్‌ చెకప్స్ చేసుకోవాలని నిపుణులు చెబుతున్నారు. ECG, ECHO, CBC, KFT, LFT, లిపిడ్ ప్రొఫైల్, ఫాస్టింగ్ బ్లడ్ షుగర్, యూరిన్ రొటీన్, కంటి పరీక్ష ముఖ్యమైనవి.
• కార్డియాక్ స్క్రీనింగ్ పరీక్షలు సంవత్సరానికి ఓ సారి, 2 సంవత్సరాలకి ఓ సారి చేయించుకోవాలి. 40 ఏళ్ళ తర్వాత, 30 సంవత్సరాల తర్వాత రెగ్యులర్‌గా చెకప్స్ చేయించుకోవాలి.
• హైబీపి ఉన్నవారికి తలనొప్పి, శ్వాస ఆడకపోవడం, ముక్కు నుండి రక్తం కారడం వంటి లక్షణాలు ఉంటాయి. అయితే, ఇవన్నీ కూడా రక్తపోటు తీవ్రస్థాయి చేరుకున్నప్పుడు మాత్రమే ఉంటాయి.

లైఫ్‌స్టైల్ ఎలా ఉందో తెలుసుకోవడం ఎలా..

న్యూట్రి వైబ్స్ స్థాపకుడు, డయాబెటిస్ అధ్యాపకుడు, డైటీషియన్ శివాని కంద్వాల్ చెప్పినదాని ప్రకారం న్యూ లైఫ్‌స్టైల్ విధానంలో ఆరోగ్యకరమైన జీవనశైలి వేరు. ఎందుకంటే కొత్త అలవాట్లు కనిపించేంత ఆరోగ్యకరమైనవి కావు. ఆకర్షణీయమైనవి ఎప్పుడు కూడా స్వల్పకాలిక లాభాలు, దీర్ఘకాల లోపాలు, వ్యాధులకి కారణమవ్వొచ్చు. మీరు గుర్తుంచుకోవాల్సిన విషయాలు ఇక్కడ ఉన్నాయి..
Fridge : ఫ్రిజ్‌‌ని ఎలా క్లీన్ చేయాలంటే..
ఉప్పు తగ్గించండి..

ఆహారంలో ఎక్కువగా ఉండే సోడియం అధిక రక్తపోటు, గుండెజబ్బులు, స్ట్రోక్‌కి దారితీస్తుంది. ఇది కాల్షియం నష్టాలను కూడా కలిగిస్తుంది. మనం దాదాపు రోజుకి ఒకటిన్నర టీ స్పూన్ల ఉప్పు, 3400 మిల్లీ గ్రాముల సోడియంని తీసుకుంటాం. ఇందులో మన శరీరానికి అవసరమైన దాని కంటే ఎక్కువగా ఉంటుంది. కాలక్రమేణా, అధిక ఉప్పు తీసుకోవడం అధిక రక్తపోటుకి దారితీస్తుంది. ఇది రక్తనాళాలను దృఢంగా చేస్తుంది. ఉప్పు తగ్గించడం మీ రక్తపోటుని తగ్గించడంలో సులభమైన మార్గాల్లో ఒకటి. రిఫైన్డ్ ఆయిల్‌ని వాడడం, వండిన నూనెని మళ్ళీ వాడడం, బయట దొరికే ఫుడ్‌ని తీసుకోవడం తగ్గించండి.
Healthy Hair : వీటిని తింటే జుట్టు బాగా పెరుగుతుందట..
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.