రక్తపోటు అనేది మీ గుండె ధమనుల లోపలి గోడలపై అధిక వేగంతో రక్తాన్ని ప్రసరించే శక్తి. దీనిని mmhg (పాదరసపు మిల్లీమీటర్)లలో కొలుస్తారు. బ్లడ్ ప్రెజర్ ను స్పిగ్నోమానోమీటర్ ద్వారా లెక్కిస్తారు. హృదయ సంకోచం అంటే గుండె కొట్టుకుంటున్నపుడు రక్తనాళాలలో ఉండే పీడనం, హృదయ వ్యాకోచమంటే గుండె విశ్రాంతిలో ఉన్నప్పుడు రక్తనాళాలలో ఉండే పీడనం. దీనిని mmhgలో కొలిచి హృదయ సంకోచం లేదా హృదయ వ్యాకోచంగా సూచిస్తారు. పై సంఖ్య ఎక్కువగా, క్రింది సంఖ్య తక్కువగా ఉంటుంది. ఆరోగ్యంగా ఉన్న వారిలో రక్తపోటు 120/80గా ఉంటుంది. కానీ కొన్ని కారణాల వల్ల బీపీ ఎక్కువ కావడం లేదా తక్కువ అవ్వడం జరుగుతుంది. రెండింటిలో ఏదైనా ఆరోగ్యానికి మంచిది కాదు. ప్రపంచ ఆరోగ్య సంస్థ తెలిపిన ప్రకారం హృదయ సంకోచం 160 mmhg కంటే అధికంగా ఉండి, హృదయ వ్యాకోచం 95 mmhg కంటే అధికంగా ఉన్నప్పుడు దానిని అధిక రక్తపోటు అని పిలుస్తారు.

హైబీపీ రావడానికి కారణాలు:

• అధికంగా మద్యం సేవించడం
• ఉప్పు అధికంగా ఉండే ఆహారాలు తినడం
• తక్కువ శారీరక శ్రమ
• ధూమపానం
• ఒత్తిడి
• తగినంత నిద్ర లేకపోవడం

Thalassemia : మేనరికాలు చేసుకుంటే తలసేమియా వస్తుందా..
అధిక రక్తపోటు చాలా ప్రమాదకరమైంది. అది ఎటువంటి స్పష్టమైన లక్షణాలను ప్రదర్శించకుండా చాలా కాలం పాటు ఉండవచ్చు. మీకు రక్తపోటు ఉందో లేదో తెలుసుకోవడానికి మీ రక్తపోటును కొలవడం మాత్రమే మార్గం. తీవ్రమైన సందర్భాల్లో రక్తపోటు 180/120 mm Hg కంటే ఎక్కువగా ఉన్నప్పుడు మీరు వైద్య సహాయం తీసుకోవాలి. అధిక రక్తపోటు లక్షణాలు ఎలా ఉంటాయంటే.. తీవ్రమైన తలనొప్పి రావడం, ఛాతి నొప్పి, వికారం, శ్వాస ఆడకపోవడం, మూర్ఛపోవడం, శరీరంలో స్పందన లేకపోవడం వంటివి.

బీపి వచ్చిదంటే చాలు.. దానికి తోడు రెండు మూడు ఆరోగ్య సమస్యలు మనల్ని చుట్టుముడతాయి. అందుకే దీనిని తగ్గించుకునే ప్రయత్నం చేయాలి. లేకపోతే సమస్య ముదరి అది ప్రాణాల మీదకే తీసుకొస్తుందని నిపుణులు చెబుతున్నారు. కాబట్టి ఎప్పటికప్పుడు ఆరోగ్యాన్ని చెక్ చేసుకుంటూ ఉండాలి.
ఇలా చేస్తే శృంగారం బాగా చేస్తారట..
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.