విటమిన్ డి లోపం వల్ల ఎముకలు బలహీనంగా మారడం, జుట్టు రాలడం వంటివి చాలా రోజులుగా ఉంటాయి. కానీ, గుండె ఆరోగ్య విషయానికొస్తే.. విటమిన్ డి కీ రోల్ పోషిస్తుంది. లోపం శరీరంలో కాల్షియం హోమియోస్టాసిస్‌కి భంగం కలిగిస్తుంది. ఇది ఇన్సులిన్ నిరోధకత ముడిపడి ఉంటుంది. అంతర్జాతీయ అధ్యయనాలు విటమిన్ డి హృదయ ఆరోగ్యానికి పరోక్షంగా సంబంధం కలిగి ఉన్నాయని సూచిస్తున్నాయి. మంచి విటమిన్ స్థాయిలను నిర్వహించడం, కండరాలను బలోపేతం చేయడంలో సహాయపడుతుంది. ఒత్తిడిని తగ్గిస్తుంది. ఆరోగ్యకరమైన బరువు విషయంలో సాయపడుతుంది. అధిక రక్తపోటుకు దారితీసే అన్ని ఇతర కారకాలను సులభతరం చేస్తుంది.
Also Read : Cooking Oil : ఆలివ్ ఆయిల్‌తో వంట చేస్తే మంచిదేనా..
నిద్ర సమస్యలు..
నిపుణుల ప్రకారం.. రాత్రి కనీసం 7 నుంచి 8 గంటల నిద్ర అవసరం. ప్రతి రోజు 6 గంటల కంటే తక్కువ నిద్ర పోవడం వల్ల ఒత్తిడి, మానసిక సమస్యలు, హార్మోన్ల అసమతుల్యత వంటివి పెరుగుతాయి. ఇది మొత్తం ఆరోగ్యాన్ని ప్రభావితం చేస్తుంది. ఇది కాకుండా, నిద్ర అనేది బీపిని కూడా ప్రభావితం చేస్తుంది. నిద్రలేమి జీవక్రియ ఆరోగ్యాన్ని ప్రభావితం చేయడం, శరీరంలో ఒత్తిడిని పెంచడం ద్వారా రక్తపోటు స్థాయిలు పెరగడం, నేరుగా గుండె ఆరోగ్యాన్ని మరింత తీవ్రతరం చేస్తుంది.
ఫాస్ట్ ఫుడ్ వద్దు..
ప్రజలు నేటి స్పీడ్ యుగంలో ప్యాకెజ్డ్, ప్రాసెస్డ్ ఫుడ్‌పై ఎక్కువగా ఆధారపడుతున్నారు. ఫాస్ట్ ఫుడ్స్, చిప్స్, కుకీస్, క్యాన్డ్ సూప్స్, సాస్ వంటి తినుబండారాలు అధిక సోడియంతో లోడ్ చేయబడి ఉంటాయి. ఇది బీపిపై మరింత ఎఫెక్ట్ చూపిస్తుంది. రక్తంలో ఎక్కువ ఉప్పు పేరుకుపోతుంది. రక్త నాళాలల చుట్టుపక్కల కణజాలం నుండి ఇది రక్త పరిమాణాన్ని పెంచుతుంది. అధిక రక్తపోటుకి కారణమవుతుంది. అంతేకాకుండా, ప్రాసెస్ చేసిన ఫుడ్‌తో బరువు పెరుగుతారు. గుండెకి రక్తాన్ని పంప్ చేయడం కష్టమవుతుంది. రోజూ అధికంగా ఉప్పు తీసుకోవడం గుండెకి కూడా మంచిది కాదని మెడో హెల్త్ జనరల్ ఫిజిషయన్ డాక్టర్ నదీమ్ అహ్మద్ చెబుతున్నారు.
Also Read : Money Saving tips : ఇలా చేస్తే డబ్బు చాలా సేవ్ చేయొచ్చు..
ఒంటరితనం..
పని, సోషల్ మీడియాతో ఎంగేజ్ అవ్వడం నేడు కామన్ అయిపోయింది. దీంతో కొంతమంది ఒంటరిగా ఉంటున్నారు. ఇది బానే అనిపించినప్పటికీ ఎక్కువరోజులు ఒంటరిగా ఉండడం వల్ల ఒత్తిడి హార్మోన్లు రిలీజ్ అవుతాయి. దీని వల్ల నిరాశ ఏర్పడి రక్తపోటుని పెంచుతుంది. ఇది సాధారణ పరిధికి మించి పెరుగుతుంది. దీర్ఘకాలిక ఒంటరితనం నిరాశతో ముడిపడి ఉంటుంది. దీని వల్ల బరువు పెరగడం, రక్తపోటు పెరగడం వంటివి జరుగుతాయి.
మెడిసిన్..
మామూలుగా తలనొప్పి, కీళ్ళ నొప్పులు ఇలాంటి వాటికి కూడా మందులు వాడతాం. మెడిసిన్ క్యాబినెట్‌కి వెళ్ళేటప్పుడు జాగ్రత్త చాలా అవసరం. కొన్ని స్టెరాయిడ్, ట్యాబ్లెట్స్ రక్తపోటుని పెంచుతాయి. ఈ ఇన్‌ఫ్లమేటరీ ట్యాబ్లెట్స్ వాడడం వల్ల స్వల్పకాలిక అనారోగ్య సమస్యలు దూరమవుతాయి. మంచి రిలీఫ్ లభిస్తుంది. వాటిని ఎక్కువ రోజులుగా వాడితే అది రక్తనాళాలను ఇరుగ్గా మారేలా చేస్తుంది. గుండెకి రక్తాన్ని పంప్ చేయడం కష్టంగా మారుతుంది. ఇది గుండెపై మరింత ఒత్తిడిని కలిగించి రక్తపోటు స్థాయిలను పెంచుతుంది.
హైబీపి లక్షణాలను ఎప్పటిప్పుడు గమనించాలి. మంచి ఆహారం, స్వచ్ఛమైన గాలి, మంచి లైఫ్‌్టైల్ పాటించడం వల్ల గుడ్ హార్మోన్స్ విడుదలవుతాయి. వీటి వల్ల బరువు కంట్రోల్ ఉంటుంది. మందులపై తక్కువ ఆధారపడతాం. జీవితంలో మార్పును తగ్గించడానికి రక్తపోటు, అధిక రక్తపోటు ఉన్నట్లు నిర్ధారణ అయితే, మీ డాక్టర్‌తో రెగ్యులర్ స్క్రీనింగ్ సెషన్‌ని కలిగి ఉండడం చాలా మంచిది.
Also Read : Fish Types : ఈ చేపలు షుగర్ ఉన్నవారికి చాలా మంచిదట..
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.