[ad_1]
పురుషులలో సంతానలేమి సమస్యకు చాలా కారణాలు ఉన్నాయని ఆయుర్వేద వైద్యురాలు దీక్షా భావ్సర్ అన్నారు. అధిక బరువు, శారీరక శ్రమ లేకపోవడం, ఒత్తిడి, స్మోకింగ్‌, అధిక వ్యాయామం, అంటువ్యాధులు, చెడు ఆహార అలవాట్లు, పోషకాహారం లేమి, డయాబెటిస్‌, హార్మోన్‌ ఆటంకాలు, క్యాన్సర్ జననేంద్రియ వ్యాధుల కారణంగా మగవారిలో ఫెర్టిలిటీ సమస్యలు వస్తున్నాయని డా.దీక్షా భావ్సర్ అన్నారు.
పురుషుల నుంచి వచ్చే వీర్యంలోనే స్పెర్మ్ (శుక్రము) ఉంటుంది. దీన్ని మిలియన్లలో లెక్కిస్తారు. సాధారణంగా ఒక ఆరోగ్యకరమైన వ్యక్తిలోని ఒక మిల్లీలీటర్ వీర్యంలో సుమారు 40 నుంచి 300 మిలియన్ల స్పెర్మ్ ఉంటుంది. ఈ సంఖ్య 10 మిలియన్ నుంచి 20 మిలియన్ మధ్య ఉంటే లో-స్పెర్మ్ కౌంట్ అంటారు. మహిళలు గర్భం దాల్చాలంటే పురుషుడి నుంచి విడుదలయ్యే ఈ స్పెర్మ్ కౌంట్ సుమారు 30 మిలియన్లకు పైగా ఉండాలని వైద్యులు తెలుపుతున్నారు. పురుషులలో లైంగిక కోరికలు తగ్గడం, స్ఖలన లోపాలు, అంగస్తంభన వంటి సమస్యల వల్ల సంతానలేమి సమస్య తలెత్తుతుందని నిపుణులు చెబుతున్నారు.
ఆయుర్వేదం ప్రకారం కొన్ని ఆహారాలు, మూలికలకు పురుషులలో సంతానలేమి సమస్య దూరం చేసే సామర్థ్యం ఉందని డా. దీక్ష అన్నారు. ఇవి పురుషులలో స్పెర్మ్ క్వాలిటీ, కౌంట్, లైంగిక కోరికలు పెంచుతాయని అన్నారు. వీటిని ఆయుర్వేదంలో ‘సకర్జనన ద్రవ్య’ అంటారు.
వీటిని మీ ఆహారంలో చేర్చుకోండి..
- ఆవు పాలు
- ఆవు నెయ్యి
- తేనె
- అశ్వగంధ
- బాల
- తోటకూర
- త్రిఫల
- శిలాజిత్
- తెల్లటి ముజ్లీ
- జామపండు
- కౌంచ్ బీజ్
- జామకాయ
- గోక్షురా
- గుమ్మడికాయ గింజలు
- వాల్నట్స్‌
స్పెర్మ్ క్వాలిటీ పెరుగుతుంది..
వీటిని క్రమం తప్పకుండా తీసుకోవడం వల్ల లైంగిక కోరికలు పెరిగి.. సంతానోత్పత్తిని మెరుగుపరచడంలో సహాయపడతాయని డా. దీక్ష అన్నారు. వీటిలోని పోషకాలు స్పెర్మ్ క్వాలిటీ, కౌంట్ పెంచడానికి తోడ్పడతాయి.
ఇవి తీసుకోండి..
మీరు రోజు పాలు, నెయ్యి, శతవరి, అశ్వగంధ తీసుకుంటే స్పెర్మ్ కౌంట్ పెరగుతుంది. బ్రాహ్మి, శతవరి, గుడుచి స్పెర్మ్ క్వాలిటీ పెంచుతాయి. కుంకుమపువ్వు, వెల్లుల్లి, పిప్పళ్లు, లవంగాలు లైంగిక కోరికలను పెంచుతాయి. జాజికాయ, అశ్వగంధ అకాల స్కలనాన్ని నిరోధిస్తాయి. మీ ఆహారంలో తాజా పండ్లు,కూరగాయలు చేర్చుకోండి. పాలతో పాటు బాదం, వాల్నట్, అంజీర్, ఖర్జూరం వంటి డ్రై ఫ్రూట్స్‌ తీసుకోండి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
[ad_2]
Source link