![MS Dhonis Image With Pet Parrot Honey – தமிழ் News MS Dhonis Image With Pet Parrot Honey – தமிழ் News](https://karkey.in/wp-content/uploads/https://1847884116.rsc.cdn77.org/tamil/news/257410634_610832863301847_1163431549423724914_ndv-f5a.jpg)
[ad_1]
இந்தியக் கிரிக்கெட் அணியின் முன்னாள் கேப்டன் மஹேந்திரசிங் தோனி, பண்ணை விவசாயம் மற்றும் இயற்கை மீது அதிக ஆர்வம் கொண்டவர் என்பதும் அவ்வபோது இதுகுறித்த புகைப்படங்கள் இணையத்தில் வைரலாகும் என்பதும் ரசிகர்களுக்குத் தெரிந்ததுதான்.
அந்த வகையில் தற்போது தல தோனி அவர்கள் வெளிநாட்டு கிளி ஒன்றை வளர்த்து வருகிறார். ஹனி எனப் பெயரிடப்பட்ட அந்தக்கிளி தோனி தேநீர் அருந்தும்போது அவருடைய தோளில் அமர்ந்து ஓய்வெடுக்கிறது. இதுகுறித்து, “மஹியுடன் அவரது ஹனி“ என்று கேப்ஷனோடு சாக்ஷி தோனி புகைப்படம் ஒன்றை வெளியிட்டு உள்ளார். இந்தப் புகைப்படம் சோஷியல் மீடியாவில் வைரலாகி வருகிறது.
தோனியின் பண்ணை வீட்டில் ஏற்கனவே சாம் (பெல்ஜியம் வகை), லில்லி, கப்பர், ஜோயா (டச்சு) எனும் 4 நாய்க்குட்டிகள் வளர்ந்து வருகின்றன. மேலும் கடந்த மே மாதம் முதல் “சதக்“ எனும் குதிரையை வளர்த்து வருவதைப் பற்றி தல தோனி, தனது இன்ஸ்டா பக்கத்தில் பதிவிட்டு இருந்தார். இந்த வரிசையில் கிளி ஒன்றும் தற்போது இணைந்து இருக்கிறது.
கடந்த ஆண்டு சர்வதேச கிரிக்கெட் போட்டியில் இருந்து ஓய்வுபெற்ற தல தோனி தற்போது சென்னை சூப்பர் கிங்ஸ் அணியின் கேப்டனாக செயல்பட்டு வருகிறார். தற்போது 40 வயதாகும் தோனியை சென்னை சூப்பர் கிங்ஸ் அணி நிர்வாகம் இந்த ஆண்டு ஐபிஎல் போட்டிக்காக தக்கவைத்துக் கொள்ளும் என்றே கூறப்படுகிறது. ஆனால் தன்னை அவ்வளவு விலை கொடுத்து தக்க வைக்க வேண்டாம் என்று தோனி நிர்வாகத்திடம் கோரிக்கை வைத்ததும் குறிப்பிடத்தக்கது.
[ad_2]
Source link