ఆన్ లైన్ వేదికపై నందమూరి నటసింహం బాలకృష్ణ హంగామా నడుస్తోంది. అన్‌స్టాపబుల్ పేరుతో ఆహా ఓటీటీ వేదికపై బాలయ్య బాబు హోస్ట్‌గా చేస్తున్న షో భారీ రెస్పాన్స్ తెచ్చుకుంటోంది. హోస్ట్‌గా బాలకృష్ణ సూపర్ సెట్టయ్యారని, సెలబ్రిటీలతో ఆయన మాట్లాడే విధానం, ఆ చమత్కారాలు చూస్తుంటే ముచ్చటేస్తోందని ఆడియన్స్ అంటున్నారు. మోహన్ బాబును ఆటప్పటిస్తూ తొలి షోతో అట్రాక్ట్ చేసిన బాలకృష్ణ.. తాజా ఎపిసోడ్‌లో పుష్ప టీమ్‌తో సందడి చేశారు. అల్లు అర్జున్, సుకుమార్ లను గెస్టులుగా తీసుకొచ్చి పలు ఆసక్తికర విషయాలు ప్రస్తావనకు తీసుకొచ్చారు.

సాధారణంగా సుకుమార్ ఓ సినిమా చేసేందుకు బాగానే టైమ్ తీసుకుంటారు. ప్రేక్షకులు మెచ్చేలా స్క్రిప్ట్‌కు ఎప్పటికప్పుడు మెరుగులు దిద్దుతూ షెడ్యూల్స్ ఫినిష్ చేయడం సుక్కు స్టైల్. క్రియేటివ్ డైరెక్టర్‌గా ప్రేక్షకుల మన్ననలు పొందుతున్న సుక్కు లెక్కలే వేరు అని చెప్పడంలో అతిశయోక్తి లేదు. మరి అలాంటి సుక్కుతో బాలయ్య బాబు లాంటి మాస్ ఇమేజ్ ఉన్న హీరో సినిమా చేస్తే ఎలా ఉంటుంది. స్వయంగా బాలకృష్ణ అదే ఆలోచన చేసి సుకుమార్ ముందు ప్రపోజల్ పెట్టేశారు. అన్‌స్టాపబుల్ షోలో ఇందుకు సంబంధించిన సంభాషణ హైలైట్ అవుతోంది.

సుకుమార్‌తో సినిమాను మూడే మూడు నెలల్లో కంప్లీట్ చేసేలా చూస్తానని చెబుతూ బాలకృష్ణ ఓపెన్ అయ్యారు. యాక్టర్స్‌తో మీరు పనిచేసే విధానం చూస్తుంటే కళా తపస్వీ కే.విశ్వనాథ్ గారు గుర్తొస్తున్నారని సుకుమార్‌తో చెప్పిన బాలకృష్ణ.. మీ నుంచి ‘ఆరేసుకోబోయి.. పారేసుకున్నాను, ఆకుచాటు పిందే తడిసే’ లాంటి సినిమాలు వచ్చే అవకాశం ఎమన్నా ఉందా? అని అడిగారు.
శ్యామ్ సింగ రాయ్ 4 డేస్ కలెక్షన్స్.. నాలుగో రోజు ఊహించని డ్రాప్! కారణమిదే..
దీనిపై బదులిచ్చిన సుక్కు.. మీరు అవకాశం ఇస్తే చేస్తానని అనడంతో బాలయ్య అందుకున్నారు. మీ కన్ఫ్యూజన్‌‌కు నా క్లారిటీకి మూడు నెలలు చాలు మనకు. దసరాకు కొబ్బరికాయ కొట్టి.. క్రిస్మస్‌కు గుమ్మడి కాయ కొట్టి.. సంక్రాంతికి సినిమా రిలీజ్ చేసేద్దాం అన్నారు. దీంతో అల్లు అర్జున్ ఎంటరై ‘మీ చేతిలో పడితేనే గానీ సుకుమార్ సెట్ అవ్వడు’ అని చెప్పడం కొసమెరుపు.