నాని సాయి పల్లవి కాంబినేషన్‌లో రాబోతోన్న శ్యామ్ సింగ రాయ్ సినిమా డిసెంబర్ 24న విడుదల కాబోతోంది. నిహారిక ఎంటర్టైన్మెంట్స్ బ్యానర మీద వెంకట్ బోయనపల్లి నిర్మించగా.. రాహుల్ సంకృత్యాన్ తెరకెక్కించాడు. శ్యామ్ సింగ రాయ్ రాయల్ ఈవెంట్ వరంగల్‌లో జరుగుతోంది. అయితే ఈ రాయల్ ఈవెంట్‌లో శ్యామ్ సింగ రాయ్ ట్రైలర్‌ను విడుదల చేశారు. ఇందులో నాని రొమాన్స్, యాక్షన్ సీక్వెన్స్‌లతో అదరగొట్టేశాడు. ఇక మరీ ముఖ్యంగా కృతి శెట్టి, నానిల మధ్య మంచి రొమాన్స్ ఉండబోతోన్నట్టు చూపించారు.

ప్రజెంట్, పాస్ట్ అంటూ రెండు భాగాలుగా ఈ సినిమా కనిపించబోతోంది. ఇక ఇందులో 70వ దశకంలో శ్యామ్ సింగ రాయ్ పాత్ర ఎంట్రీ ఇస్తుందని అర్థమవుతోంది. ఇందులో సాయి పల్లవి దేవదాసిగా కనిపించబోతోంది. చూస్తుంటే దేవదాసి వ్యవస్థకు వ్యతిరేకంగా ఈ సినిమాను తీసినట్టు అనిపిస్తోంది. సాయి పల్లవి, నాని ప్రేమాయణం మాత్రం స్పెషల్ అట్రాక్షన్‌గా మారబోతోన్నట్టు అర్థమవుతోంది.

వాసు ఫిల్మ్ డైరెక్టర్ పాత్రలో నాని కనిపిస్తాడు. ఇక గతంలో శ్యామ్ సింగ రాయ్‌గా కనిపిస్తాడు.. నువ్ ఆ గుడిసే జోలికి వెళ్తే.. నీ ఇళ్లు ఎక్కడుందో ఈ శ్యాం సింగ రాయ్‌కి తెలుసు, తప్పు అనిపిస్తే ఆ దేవుడిని కూడా ఎదురించడంలోతప్పే లేదు.. అనే డైలాగ్‌లతో నాని అదరగొట్టేశాడు. మొత్తానికి పాస్ట్, ప్రజెంట్ అంటూ మరోసారి అదిరిపోయే కథను తెలుగు ప్రేక్షకులకు శ్యామ్ సింగ రాయ్ రూపంలో చూపించబోతోన్నారు.

కచ్చితంగా మీరు ఈ సినిమాను ఎంజాయ్ చేస్తారు.. సినీ ప్రేమికులకు కచ్చితంగా ఈ మూవీ కన్నుల పండువగా మారనుందని నాని చెప్పుకొచ్చాడు. ఇక డిసెంబర్ 24న ఈ సినిమా ప్రపంచవ్యాప్తంగా విడుదల కాబోతోంది.