రాధే శ్యామ్ సినిమాతో డైరెక్టర్ రాధా కృష్ణ నేషనల్ వైడ్‌గా ఫేమస్ అవుతున్నాడు. రాధే శ్యామ్ సినిమా ఇంకా రిలీజ్ కాలేదు. కానీ డైరెక్టర్ పేరు మాత్రం జాతీయ స్థాయిలో వినిపిస్తోంది. మామూలుగా పరిస్థితులు బాగానే ఉండి ఉంటే.. ఈ పాటికి రాధే శ్యామ్ ట్రెండ్ నేషనల్ వైడ్‌గా జరిగేది. సంక్రాంతి సందడి అంతా కూడా రాధే శ్యామ్ సినిమాదే అయి ఉండేది. కానీ ఒమిక్రాన్, థర్డ్ వేవ్ దెబ్బకు లెక్కలన్నీ మారిపోయాయి.

రాధే శ్యామ్ సినిమా మళ్లీ వాయిదా పడింది. అయితే ఈ సారి మళ్లీ ఎప్పుడు వస్తుందో చెప్పడానికి వీల్లేకుండాపోయింది. పరిస్థితులు ఎప్పుడూ చక్కబడతాయో ఎవ్వరూ చెప్పలేని పరిస్థితి. మొత్తానికి అయితే ఇప్పుడు మాత్రం రాధే శ్యామ్ రావడం లేదు. ఈ క్రమంలో రాధే శ్యామ్ డైరెక్టర్ రాధా కృష్ణ తన ఫ్యాన్స్‌తో కాస్త చిట్ చాట్ చేశాడు.

మీరు ప్రభాస్‌ను ఏమని పిలుస్తారు అని ఓ నెటిజన్ ప్రశ్నించాడు. సర్ అంటూ సమాధానం ఇచ్చాడు. పూజా హెగ్డే ఎలా నటించింది. ఎంత రేటింగ్ ఇస్తారు అని ఇంకో నెటిజన్ అడిగాడు. పూజా హెగ్డే తనకు తానే సాటి అనేలా నటించారు అని ఆన్సర్ ఇచ్చాడు. సినిమా గురించి ఒక్క మాటలో చెప్పండని మరోనెటిజన్ ప్రశ్నించాడు. లవ్ అంటూ ఒకే ఒక్క పదంలో సినిమాను వర్ణించాడు డైరెక్టర్.

సెట్‌లో ఎంజాయ్ చేసిన మూమెంట్, రోజు ఏంటి? అని ఓ నెటిజన్ అడిగాడు. ప్రతీ రోజూ అని ఆన్సర్ ఇచ్చాడు. సినిమాలో లిప్ లాక్ సీన్స్ ఉంటాయా? అని ఓ నెటిజన్ కొంటె ప్రశ్నను వేశాడు. దీనికి సిగ్గుపడుతున్నట్టుగా ఓ ఎమోజీని రాధాకృష్ణ షేర్ చేశాడు. మీపై మేం మీమ్స్‌‌ను చూసి మీ రియాక్షన్ ఏంటని ఒకడు అడిగాడు. అవే నా స్ట్రెస్ బస్టర్స్ అని రాధాకృష్ణ తెలిపాడు.

లవ్ ఫెయిల్యూరా? మామా నువ్వు.. ఒకవేళ కాకపోతే ఎంత మందిని పడేశావ్ చెప్పు.. టిప్స్ ఏమైనా ఇవ్వు మామ అని అడిగేశాడు. దీనికి రాధాకృష్ణ ఎపిక్ రిప్లై ఇచ్చాడు. అన్ని పాస్ అయిపోయాను అదే ప్రాబ్లం అంటూ కన్ను కొట్టేసిన ఎమోజీని షేర్ చేశాడు. అంటే రాధాకృష్ణ నిజంగానే కృష్ణుడు అయిపోయాడు. అంత మందిని ప్రేమించేశాడన్నమాట.