రష్మిక మందన్నా నెట్టింట్లో చేసే అల్లరి మామూలుగా ఉండదు. ఆమె తన అభిమానులతో ఎప్పటికప్పుడు టచ్‌లోనే ఉంటుంది. ఇక ట్రోలర్లు, నెగెటివ్ కామెంట్లు చేసే వారికి సైతం నవ్వుతూనే సమాధానం ఇస్తుంటుంది రష్మిక. కెరీర్ ప్రారంభంలో రష్మికది చాలా ఓవర్ యాక్షన్ అంటూ ఎక్కువగా ట్రోలింగ్ నడిచేది. రాను రాను ఆ నెగెటివిటీ కాస్త తగ్గింది. ప్రమోషన్స్ కోసం బయటకు వెళ్లినా, సోషల్ మీడియాలో రష్మిక ఏ పని చేసినా కూడా అతి అంటూ ట్రోల్ చేసేవారు.

అయితే తాజాగా రష్మిక తన సోషల్ మీడియా ఖాతాలో కొందరు నెటిజన్లుకు రిప్లై ఇచ్చింది. ట్విట్టర్‌లో యాక్టివ్‌గా ఉండే రష్మిక ఇచ్చిన రిప్లైలు ఇప్పుడు అందరినీ ఆశ్చర్యపరుస్తున్నాయి. తన కొత్త సినిమా పోస్టర్లపై అభిమానులు కురిపించిన ప్రేమకు థ్యాంక్స్ చెప్పింది. అదే క్రమంలో నెటిజన్లు చూపించిన ప్రేమకు ఫిదా అయింది. ఓ నెటిజన్ రష్మిక మీదున్న ప్రేమను కురిపిస్తే.. మరో నెటిజన్ మాత్రం రష్మిక మీదున్న ద్వేషాన్ని చూపించాడు.

ఎలా పెట్టుకుంటున్నార్రా దీన్ని అంటూ దారుణంగా కామెంట్ చేశాడు. కానీ రష్మిక మాత్రం దానికి ఎంతో కూల్‌గా రిప్లై ఇచ్చింది. నా యాక్టింగ్ కోసం అంటూ రష్మిక రిప్లై ఇచ్చింది. మొత్తానికి తన మీద ద్వేషాన్ని చూపించినా కూడా రష్మిక మాత్రం ప్రేమనే కురిపించింది. రష్మిక ప్రస్తుతం తెలుగులో ఆడవాళ్లు మీకు జోహార్లు, పుష్ప చిత్రాలతో బిజీగా ఉంది. దసరా కానుకగా వదిలిన ఆడవాళ్లు మీకు జోహార్లు పోస్టర్‌లో రష్మిక అందరినీ ఆకట్టుకుంది. ఇక శ్రీవల్లి పాటతో నేషనల్ వైడ్‌గా రష్మిక ట్రెండ్ అవుతోంది.